|
رونالد رالديس .. لماذا الكل يطالب بإلغاء عقد اللاعب ؟!! كل من طالب به غلطان .. ادخل واعرف السبب ..!!! السلام عليكم ورحمة الله وبركاته .. اللي لاحظته خلال اليومين هذي وخصوصا بعد مباراة النصر .. ارى ان الكثر من جمهور الزعيم اللي صرآحه يطرح أفكار عجيبه وغريبه بنفس الوقت من غير ما يفكر بالعواقب ..!! http://up5.m5zn.com/photos/00357/ge1vydogmbek.jpg رونالد رالديس كابتن منتخب بوليفيا .. ولاعب اختاره الفيفا أفضل لاعب في تصفيات امريكا الجنوبية .. ولاعب خبير .. والهلال محتاجه أكثر من المهاجمين ..!! بتقول لي ليش ؟ السبب : دفاعنا بيروح مع المنتخب .. بحكم المنتخب مشارك في تصفيات كأس العالم.. وأظن هذا سبب يكفي بأن رونالد رالديس يكون موجود وضروري جداً في نادي الهلال .. طيب .. بتسأل نفسك بتقول وياسر بيروح .. من بيكون بالهجوم ؟؟!! انا بقول لك الصويلح موجود وفيه لاعبين يستطيعون ان يحلوا مكان ياسر .. وخصوصا ان الهلال وسطه يعتبر هجوم .. وبعودة التايب.. راح يولع نار .. مع ويلي .. اظن ان خانة الهجوم عندنا كويسه .. لكن مشكلتنا ياشباب مو في الهجوم صدقوني .. راح نواجه مشاكل خصوصا بالدفاع .. اللي حاب اقوله عن النجم رالديس .. مو بس يقدر يمسك قلب دفاع .. حتى انو يلعب مع منتخب بلاده ظهير أيمن .. وهي التي أراها مشكله أو أزمة نادي الهلال من بعد رحيل أحمد الدوخي .. مع الملاحظ انها بدأت تتلاشى قليلاً بوجود نامي .. اللي حاب أقوله .. نادي الهلال ما تعاقد مع هاللاعب إلا لأهميته .. وانتم الله يهديكم كل شوي واحد سادح موضوع .. يطالب بـ إلغاء عقد اللاعب !! ياليت ياشباب نهتم بأشياء اخرى غير التعاقدات بهالوقت .. مثلا نحلل .. نقيم مستويات اللاعبين .. ننظر بالأخطاء الموجوده بالفريق .. !! وآسف إذا كنت تفلسفت عليكم كثير .. لكن والله الكلام اللي قلته مجرد كلام دار بأفكاري .. وكتبته على طول حتى والله حطيته بدون ما أراجع اللي كتبته .. :) وبالتوفيق للزعيم ..!! s13s وتحيآتي لكمـ,, اخوكم/ ياسر العتيبي .. :smilie47: |
الصراحه اللي يطالب في ألغاء عقده اعتبره جاهل ياناس لو اصيب المرشدي ولا هوساوي لاسمح الله من سيكون البديل خيرات ونعم المفرج ونعم لاكنه ماصاب والاعب يلعب ضهير يعني مابعد بدا الى الدوري باقي اسياء وغيره من البطولات السعوديه |
أنا معك يا أخوي إذا غاب المرشدي وهوساوي ما لنا إلا الله ثم الجنرال رونالد رالديس لقيادة الدفاع |
إقتباس:
يعطيك العافيه ع المرور .. :smilie47: إقتباس:
|
والله أخوي انت صادق أنــا كنت أقول ياليت الهلال يلغي التعاقد معه ويتعاقد مع رأس حربه ويوم قلبت الموضوع بـ رأسي قلت طيب اذا تواجد ويلي والكاسر والثعلب وين يروح المهاجم الاجنبي . وأحسن حل اننا نبقي على اللاعبين الاجانب الحاليين . وعلى حسب قوانين دوري أبطال آسيــا ( الي تقول ان النادي له 3 لاعبين اجانب و واحد آسيوي المجموع 4 غير سعوديين ) وفي الفترة الثانية نتعاقد مع مهاجم آسيوي بالاعارة لكي يلعب معنا في بطولة آسيا مثل ( سبيستيان سوريا - عماد الحوسني - مالك معاذ - اسماعيل مطر ) هذولا الاقرب لان أنديتهم لاتشارك في البطولة الاسيوية و وتسجيل اللاعبين المحليين مفتوح ونحن نحتاج ظهير ايمن لذلك نستعيرمثلاً ( كامل المر ) وأعتقد انه الاجدر لانه أفضل لاعب وحدواي في الفترة هذه حسب متابعتي لـ بعض مباريات الوحدة . الدعيع الزوري ........... الهوساوي ......... رالديس ........... المر الغنام .......... عزيز التائب ........................ ويلي القحطاني ............. سبيستيان سوريا الاحتياط الشمري المرشدي الغامدي الخثران الفريدي الشلهوب الصويلح شباب وش رايكم بالتشكيلة مب حريقه |
أتفق معاك أخوي تماماً ومن طالب بتسجيل لاعب مهاجم في الفترة الثانية ... وقتها يكون رف الايقاف عن التائب وبيلعب مع ياسر وويلي وراح تشوف الهجوم على اصوله لكن إقتباس:
أذا كانت هناك مشاركات للمنتخب لاتنسى أن رالديس مرتبط مع منتخبه يعني المشكلة في حضورهم الثلاثة او غيابهم معاً عموماً الأدارة ان شاء الله تملك الوعي الكامل للخروج من هذا المأزق مشكور أخوي على الطرح وتقبل مروري |
يا جماعة الخير لا نغلط نفس الغلط مع طيب الذكر تفاريس |
أصلا الإدارة مستحيل تفكر في إلغاء عقده .. لأنها إداره محترفة وحاسبه حساب لجميع الضروف .. |
أخوي أتفق معك في أنه لاعب كبير ولكن لاتنسى أيضاً أنه دولي وكل دقيقه راكب الطياره وإذا راحوا الدوليين للمنتخب هو بعد ماراح يقعد وبعدين الإتحاد السعودي ذكر ان الدوليين راح يلعبون مع أنديتهم وراح يتوقف الدوري مع كل مباراة للمنتخب ولو حصل وغابوا فهناك المفرج وخيرات ( كمباراة أو أثنتين ) عند الضروره فبدلاً من التكديس في مركز لدينا فيه أربع لاعبين من باب أولى سد الخانات الفارغه كالظهير الأيمن وهداف بجوار ياسر (رالديس كان مقنعاً في الظهير الأيمن دفاعياً فقط!! أما هجومياً صفر) *أذكر أن المحلل خالد الشنيف ذكر ذلك أثناء المعسكر الأوروبي وطلب بتبديل رالديس بظهير أيمن خصوصاً بعد تألق خيرات وكنت أسخر منه وقتها وما لبثت أن أقتنعت برأيه تقبل وجهة نظري لك شكري،، |
شكرا على مروركم الرآئع .. لكن اللي خلاني احط الموضوع .. فرضا لو جا للاعب خبر او شي من هذا القبيل بأن جماهير الهلال تطالب بإلغاء عقده كيف بتكون نفسية اللاعب ؟؟ اتمنى من كل قلبي من جماهير الهلال الواعيه .. انت لا تطرح موضوع يخص أي لاعب وعقده إلا بالتفكير كثيراً وعدم الإستعجال في طرح المواضيع ... وشكرا على مروركم مره اخرى ..,, ورده |
إقتباس:
|
إقتباس:
التصفيات الآسيوية يختلف جدولها عن تصفيات أمريكا الجنوبية يعني إذا راحوا للمنتخب يكون رالديس موجود إن شاء الله |
أتفق معاك أخوي تماماً ومن طالب بتسجيل لاعب مهاجم في الفترة الثانية ... وقتها يكون رفع الايقاف عن التائب وبيلعب مع ياسر وويلي وراح تشوف الهجوم على اصوله |
الله يوفق الزعيم وكلامك صحيح اللاعب معروف وان شاء الله بتشوفونه يبيض الوجه بس يفكنا من منتخب بلاده |
مشكووورين على مروركم الرآئع ..,, ورده |
| الوقت المعتمد في المنتدى بتوقيت جرينتش +3.
الوقت الان » 08:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd