|
...(جاء الفوز ورآآح الجوال)).. الله يعوضنا خير بسم الله الرحمن الرحيم جمهور الزعيم صبحكم ومساكم الله بالخير ومبروووك علينا وعليكم الثلاث النقاط ... لاعبينا ماقصروا والجمهور كعادته وقف مع الفريق وهو بأسؤ حالاته والحمد لله الله عطانا على قد نيتنا فكانت ليله غير عادية للهلاليين ... ولكن والله ياجماعه اني جاي من الساعة أربع ونص للملعب جااي لعيون الهلال وبعد فوز الهلال خرجنا من الملعب وكان زحاام رهيب عند بوابة ((السكرتي اللي ياخذ التذاكر)) وبعد ماطلعنا من الزحمة جيت باخذ جوالي عشان ادق على بعض اخوياي وأهنيهم بالفوز ولكن الله ما اراد اني اكلمهم لأن الجوال انسرق من قبل الايدي الخفيفه اللي ماتخاف ربها ...لكن انا اللي قاهرني ان اللي ماخذ الجوال من جمهور الهلال يعني شي والله يقهر هم اللي مفرضون يكونو معنا وعلى قولة المثل( أبيه عون طلعلي فرعون) لكن انا منقهر على الذاكره لأنها على وشك تمتلئ من كثر مقاطع الهلال ... مآ أقول إلا ...الله يعوضنا خير... ......................................... نرجع للمباراة الحمد لله اللاعبين من أولهم إلى اخرهم ماقصرو .. -نامي قدم مباراة كبيرة ولازم نشيد بأداءه ... - دام الهلال معه خط وسط محاوره عزيز والغنام ومع دخول الغامدي فلاخوف عليه - ياسر القحطاني أكد كلام كوزمين انه وهو بأقل مستوياته المهاجم السعودي الأول -الصويلح قدم في الشوط الأول اداء مقنع نسبيا وتحامل على أصابته اخر ربع ساعه - وأنا اتابع المباراة أسأل خويي هل عبدالله حماد يلعب ...شكر عبدالله الزوري - الشهراني يحسب الحكم الكثيري على طيحته المضحكه داخل الجزاء - ويلهامسون والفريدي ثنائي رائع يستحق الشكر ... شكراً وأخيرا اعتقد ان نجومية المباراة من وجهة نظري الخاصة تذهب للاعب الخلوق ولاعب منتخبنا الوطني ... أسامه هوساوي ... الذي قدم افضل مستوياته هو وايضا المرشدي رغم هفواته ولكنهم انسونا الحارثي والشهراني ... الحمد لله على الفوز وان شاء الله نقاط الحزم هي الهدف القادم ... تمسون على خير...s60s |
يالغلآ لاتظلم أحد يمكن مع الحماس (الأهداف) طاح منك وانت ماتدري وما اقول الا الله يعوووضك |
اللــه يعوضــك ،، يمـكن خـيره انه انسـرق او طـاح منـك علمنـي وش جهــازك وانا اجيب لك واحـد جـديد :naughty: |
الله يعوضك بخير و ألف مبروك الفوز |
هـلابك اخوي وحاس بنفس الاحسـاس الي تحـس فيه اقسم بالله اني كرهتة مباريات استاد الملك فهد بذا السبب انواع المطعسـه اقسم بالله اني امس بين الشوطين طلعت اصلي واشرب ماء اني اشوف رجال ابو عيـال كبير بالعمر يركض ويلحق واحد ويصايح باعلى صوته امسكووه امسكووه سارق الجوال من عند البوفيه وركض ودخل بالمدرجات ياشيخ تقول بشيكاغو موب بديره فيها الحرمين الشريفيـن في كل مباراة ياخواني الزعماء باستاد الملك فهد خصوصاً انتبهو لجوالتكم ولاتطلعونها وانت تمشون تراهم ينتفونها من ايديكم وذا الشي شوف عيني واذا انت بالسياره وواقف السير وتكلم وفاتح الدريشــه اقفلها واقفل بيبانك ذيك المناطق الي عند الاستاد فيها كانت بريه قذره عايشين على السرقاات واعلق على نقطه ذكرتها انت تقول مشجعي الهلال لا ياخوي هذا يدفع عشرين ريال او حتى يسرق التذكره من ذا البزارين الي يبعونها ويدخل ويطلع من الاستاد مطلع دبل التذكره 20 مره بجوال او اثنين اااخ بس ترا قد صار لي مثلك بس انا تدبجت شوي :( والله يعوضك ان شالله |
الا على فكــره ،، خلها قـاعده عنـدك .. اذا جيـت تحضـر مباريـات لاتـاخذ جـوالك معـك خـلك مثـلي .. كل ما حضـرت مبـاراة نـزلت جوالي في البيــت ،،،، |
8 8 8 المشكله اذا مواعد احد بالمدرج ويوصف لك وحوسه او تنتظر اتصال مهم الا اقول وراء مايمنعون الجوالات من الملاعب مابقى الا هي على الاقل نستفيد من هالمنع ولا راح نشوف ولا كائن بري |
الله يـعووووووضــك بخير منهـ وان شاء الله تـكون خيرهـ لـك ..! وكلامك جميـل عن اللاعبين آوافقك عليه , وآتمنى نشـوف رالديس مع هـوساوي من المباراة القادمه .. لأن بيني وبينكم المرشدي بالدفاع مايطمن !! |
ياخي خلك مثلي ان رحت للملعب أخذ جوالي عادي من المتواضعات تحسباً للسرقه والكسر يعني جوال ابو300 ماتتحسف أذا انسرق الله يعوضك يالغالي |
والله هنا المشكله السرقات كثيرة انا من بعد مبارة الهلال والحزم (قولين سامي) ما صرت احضر بسيارتي لان طلعت لقيتها مخشه وفي نفس المباراة واحد من العيال انسرق بوكه وفيه حول اربعة الاف ريال الله يعوضنا خير ان شاء الله |
الله يـعووووووضــك بخير منهـ وان شاء الله تـكون خيرهـ لـك ..! وكلامك جميـل عن اللاعبين آوافقك عليه , وآتمنى نشـوف رالديس مع هـوساوي من المباراة القادمه .. لأن بيني وبينكم المرشدي بالدفاع مايطمن !!</B> والله انا طول ماانا ماشي وانا في المدرج وديديني على مخباي واغراضي خوفا من السرقه او يطيحوا مع الحماس او اي شي |
الله يعوضك يالغالي باللي أحسن منه ^_^.. وبالنسبه لنجوميه المباراة انا متفق معاك صحيح ان كل اللاعبين ادوا اداء راائع وجميل لكن هوساوي رغم اني كنت خاايف منه لكن اسكتني واخرسني بالمبارااة واثبت ان الدفاع الهلالي بأمان بجانب الرائع المرشدي.. كل الحب والتقدير.. |
الله يعوضك اخوي انت غلطان المفروض تخلي جوالك بالبيت ... او تجيب جوال متواضع .. |
حط لك اسبير جوال الفيصليه ابو 180 ريـال .. عشـان اذا انسـرق ما عليـه خسـاره ،، والرقم من بكـره تروح وتطـلع بدل فـاقـد .. وسـلام عليـكم |
والله صاااااااادق أخوي ஜ هـ%ـلالـ%ـي ஜ ... كثرووو ( الكائنااات البرية ) !! با ختصار هم .. حجة الدول الأخرى المتقدمة عندما .. تمدح البلد والعباد ولكن عندما تأتي .. سلبية البلد الوحيدة وتشوه إيجابيات البلد .. هنا مكمن ( مربط ) الفرس .. وهنا يتم إستأصالهم بإذن الواحد الأحد ,, !! واللبيب بالإشارة يفهم ُ .. وما غلطنا على أحد ؟؟ خخخخخخ |
| الوقت المعتمد في المنتدى بتوقيت جرينتش +3.
الوقت الان » 09:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd