اولاً مبروك الفوووز والثلاث نقاط
تحذيرـــ اذا كنت فاضي فقط اقراء هذه الماده
خلال متابعتي انا و ازملاي افراد العصابه ( هلاليه طبعاً كلنا ـــ طبعاً كلهم حاصلين على دورات في الحش المؤدبـ ــ معهم درجة شرف اساميهم ـ عبدالرحمن ـ وابو بريه ـ وابو قحط محاكيكم انا بزاتي ) للمباراة في استراحه
مستاجرينها ومعنا واحد نصراوي من اكبر المتعصبين والمتشنجين يقط معنا بالاستراحه اسمه مسفر وندلعه ميسو :d لا حد يقول ليش تخاوونه وتصادقونه انتو عارفين كل شله لازم فيها واحد يطقطقون عليه يعني نتونس عليه وهو يقط معنا بس تعرفون النصراويه لازم يماطلون في القطه ( على فكره كنا خايفين من راعي الاستراحه يطب علينا يبي الاجار باقي له الفين ريال :d:d:d:d) طبعاً طلبناه يحضريتابع معنا المباراة اللي هو ( ميسو) لانه بالعاده ما يقدر يضبط اعصا به وما الومه رغم انه انسان عزيز علينا <<<< بيقراء الموضوع ( دراءاً للمفاسد )
وبالطلبات وافق بس بشرط انه يجيب معه واحد من عيال خاله اسمه تركي ( طبعاً ماكل مقلب فيه انهم بيقدرون يحشرونا ) تعرفون هم عاد السنتهم كيف لكن على مين ؟؟؟ وين رايح المهم قلنا جب اللي تجيب لو تجيب الوليد معك <<<<<هع هع هع لا يأكل مقلب
المهم هذي احداث جلستنا كيف صارت
قبل المباراة
اجتمعنا صلاة المغرب بعد الصلاة جهزنا الشاهي والقهوة والقدوع مسوين شيبان :surprised:
وجانا ( ميسو خوينا النصراوي ) ميب راكبه عليه وولد خاله اسمه ( تركي )
وقمنا نزف بعض محشات وزي كذا
وكان يزعجنا ويقول حنا جمهور اللي بنحرر الرياضه السعوديه من عيناتكم
حنا اساس الكوره وبداء يغني لنا ديباجة ماجد عبدالله وان الكورة نسمت بعده
وحنا نتمغط من الضحك حتى ولد خاله بداء يمون شوي المهم
ياني بغيت اموت من الضحك صارت وجيههم طماط ر:razz:
ورد الكنق عبدالرحمن نسميه (عــــريج ) وقال من اللي ضحك عليك وقال ان الكوره زمان هواء زي الحين ماجد هذا زمان يوم كانت الكوره شراب ــ الله يكرمكم ـ
والملاعب تراب الله يعزكم والا فرش حتى ان ماجد يقولون كان ابيض بس مع كثر ما يلعب في الشموس والعصر ايام زمان صار اسود

وانا اظن وبعض الظن اثم احتمال يأثر هذا الكبري على قدرة الخوجلي على الانجاب :d:d
وعلى فكره يوم ضرب ياسر الكوره براسه من قوة صوت الضربه براسه
النصراويه اللي معنا اخذوا وضع الانبطاح :bigeek: :bigeek: وحطوا يديهم على روسهم
مثل حركات الافلام الاكشن :surprised: حسينا ان فيه حرب قامت وان فيه غاره جووويه
واكتفينا بمشاهدتهم فقط :naughty: ثم حاولت انا وأخوياي الاثنين ( هلاليه طبعاً) نركدهم ونصب لهم بيالة شاهي لكن ما امدانا نركدهم الا والفريدي يقول لهم حاولوا تصرفون انفسكم بالقوول الثاني الله من النشب بعد كبري لكن طوويل اتوقع انه مو كبري اتوقع انه جسر زي جسر الملك فهد :d:d
هم عاد فهموا الوضع واستسلموا ..........وبدا
كل واحد فيهم (الاثنين النصراويه ) يعض برطمه ،،،
حسبي الله عليك يالفريدي كان انتظرت على الاقل الين يتعشون ( لحمة حاشي ) رغم انهم قبل المباراة مسوين ثقه
ورسايل ومكالمات وسوو لنا زحمه
بين الشوطين قفطنا واحد منهم ياكل في شعره ( شعر راسه) :bigeek::bigeek::bigeek:
والثاني اللي مستفزع به خوينا كل شوي يطلع للباب ويرجع
من جد حسينا عندهم مرض ( تـــــوحـــــــــــــــــــــد ) الله يجيرنا وياكم
تعشينا بين الشوطين وصاكتين ( شوفوا درجة الاحترام عندنا غيرنا الموضوع )
نبيهم ياكلون والا (هو موت وخراب ديار بعد ) حرام لازم ياكلون ويتغذون صح باقي نبي نسمر عليهم .
المهم بداء الشوط الثاني
وحنا مغير ضحك عليهم وانواع الحفلات ( لان حنا ضاربين حسابنا انها اول مره يشوفون الديربي معنا واخر مره ) الا اذا كان ما عندهم احساس رغم ان عندي شك ان عندهم احساس من الاصل
وحركة الدعيع جاء عليها ضحك اتوقع ذيك اللحظه انهم حاولوا ينحاشون
وحركة الحارثي يا ( خوينا عريج ) قام يقلده يوم يبكي و يتحلف في الخوجلي يوم طلع الكوره علشان الاصابه ( يقول انه يقول وهو يبكي وهويقلده وحاط يديه على رقبته والله لا ازنطك يالخوجلي الوعد في الطلعه )
ههههههههههههههههههههههههههههههههه
ولا مدى الحكم يصفر الا ولا نشوف اثرهم انحاشوا اللي خلى الشاحن حقه واللي نسى نظاراته ( معاد صار لها لزوم يخاف يلبسها يطلع له كبري جديد )
طبعاً الليله ما حد جاء منهم يبي لهم فترة علشان يتجاوزون الحاله هذي واتحدهم ينسون ليلتهم السوداء اللي شافوا المباراة معنا
بس هذي السالفه واتمنى انها وسعت صدوركم

خذينا ثلاث ( نقاط ) وخسر النصر ثلاث نقطات (...)

بالنسبه لزاوية بــــــــــدون زعـــــــــل
ترى بكره موعدها وبيكون فيها شي شي الله لا يوريكم لاتنسون نتقابل بكره

اما بالنسبه لاجابة سوال الحكيم اللي بالتوقيع
فهو الى الحين متوهق مالقى اجابه من اسبوعين

هههههههههههههههههههههههههههههه ..

وربي حرام ارحمهم النصراوين .. بس مع ذالك فله ..:d

تحيآتي ..:smilie47:

الرسالة الأصلية كتبت بواسطة y-11-9-10-y (مشاركة 9926111) المهم ليش ماحضرتو في الملعب:upset:

أحلى مافي النصراويين الخرابيط اللي يقولونها إذا جيت تناقشهم، طبعاً أنا دايم أحب أناقشهم وأسمع منهم أشياء غريبة جداً ومقتنعين فيها 100% لكن أغرب قناعة سمعتها من نصراوي يقول: حنا النصراويين عقدتنا ريال مدريد والحمد لله الحين فزنا عليه وصار ما عندنا فريق عقده :bigeek::d

بالله عليكم هذي عقلية ؟

والمشكلة انه مقتنع بها تماماً، ما أقول إلا الله يشفي المتعصبين لأي فريق كان .!

وإذا تسمح لي هذا رابط لموضوع لي عنوانه "جلسة مع نصراوي"

http://vb.alhilal.com/showthread.php?t=645284

تحيتي لك ،،

الرسالة الأصلية كتبت بواسطة عـطـر الـريـاض (مشاركة 9926158) s60ss60ss60s كذا التحجير صح !! s60ss60ss60s جاوب على السؤال ؟!!<<<<< مستقعدين لك ؟!!!:naughty:

الرسالة الأصلية كتبت بواسطة بهـدوء وعقلانية (مشاركة 9926181) أحلى مافي النصراويين الخرابيط اللي يقولونها إذا جيت تناقشهم، طبعاً أنا دايم أحب أناقشهم وأسمع منهم أشياء غريبة جداً ومقتنعين فيها 100% لكن أغرب قناعة سمعتها من نصراوي يقول: حنا النصراويين عقدتنا ريال مدريد والحمد لله الحين فزنا عليه وصار ما عندنا عقده .. بالله عليكم هذي عقلية ؟ والمشكلة انه مقتنع بها تماماً، ما أقول إلا الله يشفي المتعصبين لأي فريق كان .! تحيتي لك ،،

الرسالة الأصلية كتبت بواسطة رئيس وزراء الهلال (مشاركة 9925930) المهم بعد صلاة العشاء بدوا يتشنجون ويتلوون حتى حسينا انهم يمارسون طقووس غريبه بغينا نبلغ الهيئه عليهم :d:d:dالمهم بدت المباراة كانت اي كلام بالنسبه لنا يعني المستوى اقل من المتوسط ومو ذاك الزود والاخوان النصراويه ماخذينها نهائي كاس عالم ومتحمسين لدرجة ان حنا بغينا نصدق ونخش الجو معهم :bigeek::bigeek::bigeek: [/COLOR]

الرسالة الأصلية كتبت بواسطة نهر الدموع (مشاركة 9926223) يلبى قلبك يارئيس وزراء الهلال وياريت اذا في جزء ثاني لهذا المسلسل لأني متابعه واحس انه يبي يغطي على سنوات الضياع

الرسالة الأصلية كتبت بواسطة اعتب على روحي (مشاركة 9926262) هههههههههه اموت من الضحك على الوصف كل ابو دايم اكتب ننتظر الباقي:d