بما أني من غير المتعودين على كتابت المواضيع في منتدى الزعيم

فا رحت القي نضره على المواضيع عشان اكتسب بعض الخبره

فوقعت عيني المصون على موضوع صديقي الكويس عـ ز الهلال

http://vb.alhilal.com/showthread.php?t=654522
قلت ااناضر موضوع ثاني

لان أنت بتكتب في الزعيم مب اي منتدى

فوقعت عيني على موضوع الهامور

http://vb.alhilal.com/showthread.php?t=653965

ولاحضت ان ها االثنين بالذات يتعبون على مواضيعهم

ولاحضت في الزعيم انهم ما يجاملون ابد

موضوع زين زين موضوع بايخ...

يشتغل عليك ((التــــــــزبيـــــــد))

اللهم اعذنا واحبابنا منه

فـ انا بحاول الون وحركات حتى محد يزبد لي

المهم نبدا في موضوعنا
<<<<<<<<<<<<<<<كل هذي مقدمه>>>>>>>>>>>>>>>>>>


كل يوم اريعاء يـ مر في حياتي نجتمع
انا . وابو سمره . و twitch((مدري هو صح ولا غلط))
و هيمو و زويمل
و الباقي يتغيرون كل اسبوع ..

المهم انا كل اسبوع نوصل 10 او 7

نبدا يومنا يدق علينا زويمل والي ما يجي يهاوشه زويمل

ويهزئه الين يعقل ويجي مشغول مب مشغول مالنا دخل

ويجي (( ابو سمره )) المسكين

يمر مدارسنا واحد واحد

وكـ ل واحد مدرسته في حـ ي

واذا تجمعنا في جمسه الاسود

جلس twitch يستهبل على الناس

وبدت الفله والوناسه

وكل شوي كلنا نقلب على واحد فينا

ويندبج يندبج ياكل تسطير لييين يعض الارض ويقول والله معد اطلع

معكم بعدين نوهمه ان twitch هو اكثر واحد طقه

وعشان يرضى

كلنا نمسك تويتش ونطقه طق ليييين يتوب

عاد اذا تفلت تويتش واقنعهم يقلبون علي
اقوم انا انحاش للحوش ويمسكني ابو سمره السريع
ويرجفني زويمل برجله ذا الطويله و اشوف المتهور تويتش جايب
معه قاروره ببسي ويخبطني وتنكسر وقتها حسيت بمعاناته

وقام ويطق وانا علي 10 وانا لحالي ارفس بينهم ...

الين اقول لهم فكوني ولا بصرخ والم عليكم الدنيا <<شايفها فيلم ودي اقولها

المهم وما يتركوني لين انطق طق واترجا نص ساعه

بعدها تحن قلوبهم وبطونهم وبعدين نروح نطلب غداء
في المطعم نقابل كل اخويانا وخذ يا سلام

وبعدين كل واحد يقط قطته الله لا يهينه وناخذ الوجبه الي بناكلها

ولازم تطلب زي المجموعه ولا تصير بزر ويهزئك زويمل

وتنطق منهم كلهم

لا والمشكله اذا طقوك كلهم كانهم مسوين فيك خير

مره اقول ليش كلنا نتجمع علا واحد
يقولون عشان ندربه اذا طقوه ناس غيرنا ما يتعور

المهم والي دوره ذا الاسبوع يطلب الله يعينه يجمع القطه

ويا ويله ناقص شي

يندبج دبج صـ دق الين معد ينسى شي ويتفتح مخه زييين

ويروح يطلب

واليوم كان طلبنا مثل الصوره مفطح كـcـنـfـتا كـkـي



اكله مشهيه بس اشواء مب انا الي طالب

واكلنا والحمد لله وبعدين لعبنا سوني

واركهم كل واحد على 3

ويجي زويمل الي راكه وهو ماخذ برشلونا امس بـ 5

مدري الا يفاجئني وياخذ الانتر لا غير فريقه

ويمسك ادريانوا ويسوي شوارع في جاتوزو وماالديني ومزع
واهداف كلها صدف

ويفوز علي 5 صفر الدقيقه 34 الشوط الاول وانسحب وانطق شوي على
الانسحاب

بس شكله متدرب قبل لا يجي

لاني صجيته بالانتصار السابق

شوي الا اذن العصر ونقوم نصلي ونروح نلعب كوره

مع ناس ما نعرفهم

ومستاجرين ملعب من اسبوع عشان ((قبل الحجوزات ))

بـ 800 ريال ساعتين <<داري انهم لاعبين علينا

وننرك وبحكم اني الدفاع الصلب

ما كنت صلب اليوم فا يمسكوني ويطقوني كلهم ويحطون الخساره فيني

ويوكلوني زرع الملعب

ونطلع كل واحد هلكان وطفرانين

الي معه ريال ريالين نجمع الي معنا ونشتري مويه

وبعدين twitch يقول بروح مع عيال عمي للمملكه
كل اربعاء يقولها مع اني لو احلف ما قد طبها

عاد يعصب زويمل ويهزئه ونقلب عليه كلنا ونطق twitch

الين يروح المملكه باين عليه اثارنا

وشوي الا كل واحد يروح لبيتهم


والسلام عليكم ورحمه الله وبركاته

جميع الي في الموضوع صدق

ههههههههههههههههههه

اما مفطح الكنتاكي شيء ثاني

و عليكم السلاك ورحمه الله

و الله [ اغلب ] الشبآآب هذا جوهم

مآآ يصدقون على الله يشوفون يوم ربووع .. الا وهم منهبلين كأنهم أول مره يشوفونه
بس والله مـا ينلاموووون ورده

و شكراً على الدعايه لـ موضوعي

هلا أخوي مفخرة الارض

،،

ذكرتني بايام الثانويه ويوم الاربعاء يوم الاربعاء كل شي فيه حلو اولاً انك تداوم مبسوط

وثانياً انها ست حصص تصلي وتمسك الباب مهوب ترجع تدرس

اذكر اول ماطلع من المدرسة انووم عشان اسهر وافلها يوم الربووع تبي الصراحه

اشتقت لـ المدرسة وجوها والفله والشباب والله يا حنا تفرقنا يا اخوياء الثانويه ماصفى

منهم الا ثنين والثالث بالكويت مع ان حنا كنا شله اول بس الجامعه فرقتنا خلاص خلاص

شكلي بقلبها منااحه

الله يعطيك العافيه ع الموضوع بـس نصيحه لا يفوتك بروستد غصن التوت مدري يفتحون الضهريه

بلا كنتاكي بلا ماكدونالدز بالذات اذا جاك محرق شييييي

ينطيك العافيه ع الموضوع الجميل ( ومشكور على الاطراء )

إقتباس الرسالة الأصلية كتبت بواسطة زعيـم أسيـآ حسيت بجوكم انت و اخوياك .. بس شكلكم ماتخاوون .. لو اخاويكم شكلي بدوام بالشميسي يوميـا ماتمزحون بس عجبني مفطح الكنتاكي .. لدرجة اني حفظت الصوره عندي .. لاحظ الانجاز اللي لازم تفتخرون فيه اما عن ملاعب ابو 800 .. فلاتسوي نفسك انت اللي دافعها كل واحد يقط على 20 ريال و الباقي يشترون فيه مويه بس ماقلت وش تستاجرون ملاعب الوادي و الا جولف قرين اللي بالثمامه و بالاخير اهنيك ع الموضوع الي خلاني اخش جو .. و بغيت اتهور و انزل العب سوني ع الصبح يلـه سلسلم طرآآخ <= عادي عادي .. موب اول واحد ياكل بوقـس

هلا زعيم لا وانت الصادق نستاجر برشــــــلــــــــونا


لا لو تخاوينا ندربك ااذا طقك احد غيرنا تصير قوي ما تحس

إقتباس الرسالة الأصلية كتبت بواسطة عـز الهلال و عليكم السلاك ورحمه الله و الله [ اغلب ] الشبآآب هذا جوهم مآآ يصدقون على الله يشوفون يوم ربووع .. الا وهم منهبلين كأنهم أول مره يشوفونه بس والله مـا ينلاموووون ورده و شكراً على الدعايه لـ موضوعي

اي والله انك صادق يوم الاربعاء غير....

حتى انه احلى من يوم الخميس

بالعكس انا ااذا حطيت موضوعك في موضوعي بيكون

الفخر لموضوعي ان موضوعك فيه

وموضوع هامور بعد

إقتباس الرسالة الأصلية كتبت بواسطة هامور البورصه هلا أخوي مفخرة الارض ،، ذكرتني بايام الثانويه ويوم الاربعاء يوم الاربعاء كل شي فيه حلو اولاً انك تداوم مبسوط وثانياً انها ست حصص تصلي وتمسك الباب مهوب ترجع تدرس اذكر اول ماطلع من المدرسة انووم عشان اسهر وافلها يوم الربووع تبي الصراحه اشتقت لـ المدرسة وجوها والفله والشباب والله يا حنا تفرقنا يا اخوياء الثانويه ماصفى منهم الا ثنين والثالث بالكويت مع ان حنا كنا شله اول بس الجامعه فرقتنا خلاص خلاص شكلي بقلبها منااحه الله يعطيك العافيه ع الموضوع بـس نصيحه لا يفوتك بروستد غصن التوت مدري يفتحون الضهريه بلا كنتاكي بلا ماكدونالدز بالذات اذا جاك محرق شييييي ينطيك العافيه ع الموضوع الجميل ( ومشكور على الاطراء )

لا انا ما ننوم يوم الاربعاء

نحتفل احتفال طازج

في عز الضهريه

والله يجمع شملك انت واخوياك

ولا يفرق شملنا ...

بس ما عليك اي واحد يحاول انه يسحب علينا بيهزئه زويمل وينطق شوي..

اما عاد مفطح كنتاكي اووووووووووووووووووووووهـ

يــــع فضحتنا <<<< زويمل

الوعد يوم الاربعاء الجاي

بخليك تكتب الموضوع وانت مرقد في الشميسي

^
^
^
^


يـبي يعـلمنا آنـه زويمـل .. !!

إقتباس الرسالة الأصلية كتبت بواسطة هنري الحاره يــــع فضحتنا <<<< زويمل الوعد يوم الاربعاء الجاي بخليك تكتب الموضوع وانت مرقد في الشميسي

الله يعينـ نا

اجل انـ جيت الاسبوع الجاي

إقتباس الرسالة الأصلية كتبت بواسطة فديتك يامحمد بن فيصل ^ ^ ^ ^ يـبي يعـلمنا آنـه زويمـل .. !!

هههههههههههههههههههههههههههههههههههههههههه


والله ضحكت ضحك

كفوا زبدوا له

إقتباس ولازم تطلب زي المجموعه ولا تصير بزر ويهزئك زويمل وتنطق منهم كلهم

ههههههههههههههههه

ولا مفطح كنتاكي شي ثاااااااااااني

يعطيك العافيه على الموضوع الرائع ويوم الاربعا غيييييييييير

ابسئلك الحين .. بالرغم من كل هالطق الي جاك ، شلون قدرت تكتب موضوعك .
هي وحدة من ثنتين لا رابع لهما ، يا انك لاقينا أو أنك معطي اخوياك جوهم ومخليهم يتمرنون عليك بحكم أن قوتك تضاهي قوة كف أبو مقبل .
،/
بـس خل عنك .. ربوعكم تحيف ..
يعطيك العافية ، وتراك تسمع بالتنسيق .

إقتباس ذكرتني بايام الثانويه ويوم الاربعاء يوم الاربعاء كل شي فيه حلو اولاً انك تداوم مبسوط وثانياً انها ست حصص تصلي وتمسك الباب مهوب ترجع تدرس

شوفوا ياخوانّا ، هنا يظـهر معدن الشخص ، طبيعي أو مجنون ، أقصـد طبيعي ولا شرعي