معقوله ؟؟!!!! هذي بطولتنا ؟؟!!! - نادي الهلال السعودي - شبكة الزعيم

رنيمو الهلال · #1 20/10/2008, 02:38 PM

مرحبا اخواني

ابارك لكم الفوز مره ثانية على النصر وهذا مو غريب على زعيمنا ابدا

انا فرحت بالفوز وكنت اول الفرحين

لكن الشيء الغريب والجديد على جمهور الزعيم المبالغة في الفرحة شفنا من المواضيع ما خصص للنكت على النصر وشفنا مواضيع تشمت وشفنا مواضيع تقلل من الخصم وووو

وهنا المصيبة الزعيم يا اخوان معتاد على البطولات وقبلها ثقافة الفوز لكن اللي ما حبيته واعتقد الغالب يوافقني على كلامي المبالغه في الفرحه وكأننا اخذنا بطوله

السؤال ليش هذه المبالغة ؟؟ مع انه فزنا في سنوات سابقة على النصر وفي جولات حاسمه وما شفنا هذي المبالغة

يا اخواني احنا للحين ما زلنا في اول المشوار واذا هذي فرحتنا صدقوني ما راح نوصل لهدفنا

يجب علينا اذا فزنا ووفقنا الله ان نحمد الله على فضله ومنه وان نشكرة على توفيقه للزعيم واللاعبين

ويجب اننا نحترم الخصم مهما كان حجمة لانه في عالم الكره مافي صغير وكبير ولا فيه فريق يثبت على مستوى

عشان كذا اتمنى نكون واقعيين ونعطي كل شيعلى قدر ما يستحق

تمنياتي للزعيم ولللاعبين والمدرب بالتوفيق في كل المباريات القادمة

وكل الشكر لادارة الزعيم على توفير الجو المناسب للعمل

لكم ودي واحترامي