انا والله ادرس بكندا وجالس اشوف المباراة على النت بستار بكس يوم جاء الهدف صرخت

واقول كفو ياياسر دررررررسهم واشوي واشوف كل اللي بستار بكي يطالعون فيني الصراحه

ضاع وجهي

انا كنت قاعد مع 3 نصراويين واتفرج على المباراة وقلت لهم على هونكم وش فيكم متحمسين خير ياطير الهلال يلعب مع النصر والهلال كذا كذا فايز عاد خذ لك من كلامهم علي النصر والنصر بيسوي وبيفعل المهم قلت لهم ياجماعة الخير الدعوة سهالة والهلال دامه يلعب انا اعصابي في ثلاجه شوي ويجي الجول الاول قلت لهم شفتم شي عادي وطبيعي جدا دام الهلال يلعب شي متوقع كانك تتتنفس وانت قاعد المهم هالنصراوية انثبروا وسكتوا وانا اتكلم ببرود قلت لهم مالكم امل والثاني بيجي بكل هدوء شوي وجا الجول الثاني وببرود ابرد من الثلج ما اعطيت الامر اهمية وكان الهلال ماسجل اصلا وقلت بعد ما سنتر النصر منظر عادي وممل في كل مباراة بين الهلال والنصر الهلال يسجل والنصر يسنتر
بصراحه ما تحملوني وصوتهم ارتفع وشوي وقاموا وتركوني ماادري وين راحوا
المهم انتهت المباراة دقيت على واحد فيهم وكلمته بضيقة صدر قلت له شفت المباراة كم خلصت واسمع صوته كانه مستانس كم النصر فاز
هنا ضحكت ضحككهههههههههههههه قوية قلت له ولا في الاحلام يالطيب المصيبة انه جاب هدف وهذا اللي مضيق صدري واللي زاد همي اننا ما جبنا غير هدفين بس
وقفل الخط في وجهي الله يهديه
وش ذنبي ان كنت هلالي

حرام عليك وش ذنب الجيل الجديد من حراس المرمى انهم يتربون على عقد نفسية

انا كنت بالملعب وكان يميني عسكري رحت وحضنته وحبيته مع خددددده هههههههههههه

انا واحد مسوي ثقل عند اهلي

لكن لقطت المبارك اللي شاتها فوووووووووووق

هي اللي خلتني انط >> ويييييييييين؟

وخرب الثقل اللي كنت مسويه

الحمد لله على كل حال

والله انا عن نفسي كان بجنبي نصراي وانا اقعد اهزا فيه واصفق

..................

أنا سحبت المركى اللي جنبي ورميته على واحد نصراوي منسدح عند التلفزيون بكل ثقه

انا قمت اصارخ واقولها سواها القحطاني طبعا هذا الهدف الاول

اما هدف الفريدي صرت اصارخ بشكل غريب مو عشان الهدف

إلا عشان طقت القحطاني لها بالكعب يوم قشرها للفريدي

صحيح القحطاني( مثل الذهب مهما علا فوقه غبار يبقى على طول الدهر قيمته فيه)

إحس إني لغبطت ام البيت بس ماعليه هذي الفرحه

انا كنت اشاهد المباراه ولو كنت بالرياض اكيد اول الحاضرين

المهم كنت اشاهد المباراه ومعي واحد من اخواننا المصريين فأخينا

في الله اكيد يشجع الاتحاد عشان عماد متعب ويشجع النصر في تلك

المباراه ... الي حصل انه حاول يستفزني بأن المباراه محسومه والنصر

حيفوز والهلال مستواه ضعيف وكلام كثير وانا اتابع المباراه وفي كل

مره احس انه زودها شوي :upset:فقلت هذا وش اسوي فيه اطرده عيب ضيف

عندي جلست افكر شوي :surprised: قلت ياولد طنشه وتابع المباراه ولا كأن احد عندك

وماتتصورون فرحتي بالهدف الاول وبالمصادفه دخل واحد من اخواني

اتحادي طبعا حر في ميوله لاكني احس انه ابليسs109s دخل علي مو اخوي

لأني اعرفه واعرف تعليقاته المهم جاء يجري المسكين من الغرفه الثانيه

يحسب الهدف للنصر ومامداه يشوف الهدف وذلف عن وجهي اما انا واخينا

المصري نتابع ولاتريدون ان تنظروا لوجهه فقد تلون:o بكل الالوان وانا

أضحك :naughty:عليه والمشكله باقي له وجه يقول .. اصبر ياعم الماتش مخلصش

لسى عدى الشوط الاول وجاء الشوط الثاني وجاء الهدف الثاني وياصراخ

وصياح رجعت لمكاني اتابع مندمج مع المباراه ؟؟؟ شوي التفت للمصري

الا مهو فيه وين راح طلعت سألت اخوي وين راح قال طلع من شوي

قلت أحسن افتكيت من لسانه الطويل وبعدها على الشوارع فرفره لين

اخر الليل ورجعت للبيت ابي اتصفح الموقع الا مايمديها كلها تعثر الملقم

وحبيت ادخل منتدى الفقر نفس الموال تعثر الملقم قلت مالك الاتنام ومن

أصبح افلح هذه قصتي مع ليلة المباراه.

مشكوووووووووور على الموضوع

سددت لولد أختي النصراوي بقس خليته ينسى عمره %%ملاحظة%% هو بنفس عمري , يعني الناس //الركيكه// على قولت المصريات لا تحسبوني متوحش>>مسوي فيها>>>>>>>>>>>هههههههههههههههههههههههههههههههههههههههههههههه

كنت عادي قلت ياسلام على القووووول

كبرنا على الصياح والمناقز الله يذكر أيام 1413 و12 بالخير

مـــــــــشكوورين عـلى الــردود بس بــقى واحــد أبغى رده وهــو @ذايب بفـن التايب@

يــاريت يجي ويرد هنــا هع

انا كنت قي جلسة انس وكان معي اثنين من عيال عمي نصراويين ويوم جاء الهدف الاول كنت في قمة الهدوء (منسجم) ويوم جاء الهدف الثاني ابتسمت وناظرت في عيال عمي وقلت لهم بكل برود ..وش تبون ؟ هههههههههههههههههههههههه