انا كنت منسدح باصاله ونقزت نقصه غير طبيعيه
وسجة سجود شكر لله

هذى المباراه ضاق صدرى لانى حاس انها تاريخيــه لنآ والله يسامحك ياصويلح ويامبارك لكن الكوبرى كلااااااام
ردت فعلى كالعاده لازم اشوفها مع متعصبين من النوادي الاخرى واكمل طقطقه عليهم ورفعه ضغط

إقتباس الرسالة الأصلية كتبت بواسطة شحته الدمراني تفرجت مع ضيفي الاتحادي الصميم وكنت قبلها بيوم اتفرج معه على ديربي الغربية وكان خايف من الأهلي خصوصا في الشوط الثاني ولكنه بعد فوز فريقه بدا مزهوا بفريقه ،، وهو يقول لن يفلت الدوري من الاتحاد هذا الموسم .. فقلت له مهلا ياصديقي ......! تذكر أن الاتحاد إذا أراد البطولة فلابد أن يمر من فوق الهلال !!!!! فقال صدقت ،، وهكذا علمتنا السنوات الأخيرة الماضية ،، ولكن هذه السنة سيصبح لقاء الاتحاد والهلال تحصيل حاصل والاتحاد سيحسمها في وقت مبكر... حاولت التحاور معه لكن عبثا أحاول ،،!! كيف لي أن أجابه صديقا مزهوا بفوز فريقه . التقينا في ديربي الرياض وكان ضيفي هذه المرة ،، حاولت كثيرا أن أتماسك وأخفي مشاعري الحقيقية وأبدو أمام صديقي واثقا من الفوز . وقد يكون المستوى الذي بدأ به الهلال المبارات والتشكيلة دور كبير في صقل موهبتي في التمثيل وإخفاء مشاعر الخوف والقلق من الخسارة وبالتالي تضائل فرص الهلال في المنافسة . وحينما جاء الهدف الأول خيم الصمت علينا وسألت صديقي هل شاهدت قبل اليوم ( هدف كبري وبالراس ) فكان رد صديقي ردا مميزا جدا : قال صديقي ياسر قال اللي بالمدرج يتفرج وحسبوها عليه مادرو ان ياسر يدري وش يقول طبعا ماعندنا صراخ وتصفيق وأصوات عالية لأننا تقدرون تقولون شيبان شوي !!! جاء الهدف الثاني فسألت صديقي هل لاحظت كيف مرر ياسر الكرة من لمسة واحدة وضعت الفريدي في مواجهة المرمى ؟؟؟ فقال يالها من لمسة ساحرة ،، ثم قال اسمع ياصديقي ياسر نجم يؤدي كل مايخطر ببالك ومالا يخطر من الأدوار والحركات ،، ودائما أهدافه موسيقية ثم ذكرته أن أهداف ياسر في النصر جميعها موسيقية هدف بالكعب وهدف كبري بالرأس وهدف تسحيبة الخوجلي وغيرها انتهت المبارات وتراجع عن قوله واعترف بأن الهلال والاتحاد لابد أن يمر أحدهما فوق الآخر للوصول للبطولة شكرا لكم

أين أنت أيها الرجل ... لك مدة لم نراك..!!
على العموم فرصة سعيدة أننا شاهدناك وأتمنى أنك لا تنسى بإن تسلم لي (كثير السلام) على نفطويه وسيبويه
وابن الأحنف و لا ننسى الزاحف رفيقنا ( امرؤ القيس )

دمت بود

انا كنت اتفرج المباراة وكان معاي اخوي الصغير

وكان اخوي الصغير يحب يعابطيني دايم

وأول ما تسجل الهدف قمت ومسكته وشلته فوق ورميته (رفعته فوق وتركته) طاح وتعور راح يبكي ويقول والنصر أحسن منكم

وعلى الهدف الثاني أول ما تسجل الهدف قمت اصفر واصفق وادور اخوي ما لقيته راح الغرفه الثانيه

ويصيح والله احب الهلال بس لاتعورني وبعد المباراة يقول ليش انت تحب الهلال

قلت له تكبر وتعرف

انا كنت بالملعب و خميت العضو ( أ ع س ر )

لأنه رايح معي خخخخخخخخ و هو خمني بعد و جلسنا نطامر و بالشالات نرفرف

و نقول ( ياسر .. ياسر .. ياسر .. ياسر )

و هدف الفريدي بغيت أصيح بصراحة لكن الفرحة لحست مخي أضحك و لا أصيح

كنت على الصامت
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

والله انا مسكت الجوال وكتبت رساله هاردلك واسلتها للشباب النصراوية الي عندي بالقائمه

وكتبت لهم بعد

اهديكم اغنية يحلمون لعبدالمجيد عبدالله


تحياتي

احسن هدف ياسر الكبري هذا يكفينا

انا بصراحه كنت في الملعب ويوم جا هدف يااااسر نقزت نقزه وصقعت رجلي من تحت الركبه في حافة الكرسي اللي بالملعب وخميت خويي خمه مهيب صاحيه


ويوم جا هدف الفريدي طبعاصقع اصبعي الكبير في عيني والله اوجعتني

المهم مارحت للجامعه بسبب رجلي لانها كانت منتفخه وتوجعني بس الحمد لله عدت على خير ولعيون الزعيم كل شي يهون

والف الف مبروك الفوز

اما هدف ياسر الاول : عندي اخواني فيهم الهلالي والاتحادي
بس الاتحاديين يبون الهلال يفوز عشاااااااااان هدف نور اللي صرحوا النصراويين وسلكوا نور فيه ... اول مرة يشجعون الهلال

المهم: انا طبعاً تحت التلفزيون خخخخخخخخ يعني امامه بس وجهي في الشاشه وانقز نقزة واصيح ياسر ياسر والله ياسر
وصياح وتصفيق

اما هدف الفريدي قمت اناااااااااقز واقول والله ذبحناهم ذبح اليوم
وتصفيق وحركات على كيف كيفكــ

الاحظ من الردود ان غالب الشباب ماحضروا المباراة في الملعب

هذا والمباراة قدام النصر اللي مضمونة نتيجته
اجل ل لعل الهلال قدام الاتحاد او الشباب او الوحدة
فكيف الحضور...؟؟؟

بعد هدف ياسر كان جنبي خوويي في المدرج طبعا هو ماشاء الله عليه طول بعرض وانا نحيف وحالتي حاله .. وانقز عليه وشالني اقسم بالله لو طحت من يده كان شفتوني بنص الملعب كان طحت وماردني الا الفاصل الي يفصل الجهور عن الملعب ..

وبعد هدق الفريدي كنت ماسك هاذولي الثنتين الي يوزعوها في الملعب وتصقعهم في بعض تطلع صوت المهم يوم جا الهدف وانقز مره ثانيه على خويي وكنت جالس على يساره وما احصل نفسي الا على يمينه ووحده من الثنتين هاذولي للحين ماادري وين راحت .. وصراااااااااااااخ ليوم الصراخ ..

وربي مااقدر اوصف الشعور الي صابني بعد كل هدف من الهدفين ..

على العموم الحمد لله على الفوز .. وحصد الثلاث نقاط .. وان شاء الله الجاي يكون بعد احسن من الي راح ..

أنا شغلت المكيف .. وطفيت النور.. وزدت عدد مشاركاتي في منتدى الزعيم..

وكل يوم أنزل موضوع.. لأني أحب أقلد الي ينزلون مواضيع سواليف ..يعني مالها فايدة ..

والسلام عليكم ورحمة الله وبركاتة..