|
بسم الله الرحمن الرحيم السلام عليكم ورحمة الله و بركاته اول شي انا ما اعرف اكتب مقدمات ثاني شي انا صريحه و ما يهمني احد الصراحه و انا اتابع مباراة الهلال و النصر امس و خصوصا بعد هدف ياسر المهم حطو الكاميرا على جمهور الهلال الا الاحظ انهم يطالعون جمهور النصر و يطنزون عليهم ابي تفسير على هالموقف ؟؟!!! و انتو اللي كاتبين مواضيع تعاتبون سعد و مدري مين عاتبو نفسكم و بعدين عاتبو الغير و انا اللي اقول جمهور الهلال جمهور راقي بس الصراحه عقب هالموقف طحتو من عيني و اتمنى ان هالموقف ما يتكرر انا ادري انكم الحين بتقولون ان انتي مو هلاليه و مدري ايش و من هالكلام بس انا هلاليه بس الحمدلله ان انا مو متعصبه و هالموقف الصراحه قهرني من جد ؟؟؟!!! و اتمنى اللي يبي يرد يرد بكل روح رياضيه سلامتكم ,,,,,,, |
اي 13 مشاهده للموضوع و لا رد يعني لهدرجه ما عندكم رد او تفسير على هالموقف ؟؟؟؟ سلامتكم ,,,, |
انا عندي رد وتفسير اذا كنتي متكيه ع التلفزون تحت المكيف فوالله اني في الملعب من الرابعه عصرا كلنا شفنا فرحة الهلاليين لا فيها لا تطنز ولا يحزنون بعدين من حقنا لو هم الفايزين وش بيسوون هاااااه للاسف لم توفقين في موضوعك |
مشكور على الرد بس و الله من جد المنظر كان يقهر اذا هم ما عندهم اخلاق لا نصير مثلهم نصير احسن منهم سلامتكم ,,,, |
اول شي مبروك الفوز وثاني شي مباراه ديربي مباراه حساسه لابد يكون فيها تطنز على قولتك |
ياسخف اللي مايعرف يكتب موضوع شكلتس تسمعين بالمواضيع انتي :d |
نفس الشي انا شفت بس يمكن مو ع النصر او عليه انا مدري بس نتمنى ان نرقى بتشجيعنا |
بنفرح بطريقتنا اللي نبيها..! |
اقول لا يكثر الكلام اللي ماله سنع وعلى قولة عبدالرحمن بن سعود الله يرحمه دقت عليه وحده ببرنامج تقوله طال عمرك مكانك ما هو عند اللاعبين بدكة الاحتياط انت مكانك بالمنصه رد عليه وقال وانتي بعد مكانك بالمطبخ ماهو مكانك تتابعين برنامج رياضي |
جمهور غريب !! ان حضرنا قالوا الهدف الفلاني ليه ما فرحتوا زين فيه ؟ وان ما حضرنا صجونا بانكم يا جمهور الرياض ما تستاهلون الهلال :bigeek: حددوا موقفكم .. ما صارت ان حضرنا ولا ما حضرنا ما راح نسلم من النقد :nono: |
أقول وشلونك ؟ ـــــــــــــــــــــــــــــــــــــــــــ |
يمكن اخوها نصراوي وبعد ما طلع من المبارة طلع يبكي يقولها الهلاليين يتطنزون علي عاد انتي شمرتي عن ساعدك وقلتي اوريك فيهم اللي يتطنزون باخوي الصغير وكتبتي هالموضوع نصرة لاخوك بس للأمانه الكبري مضحك جدا لحد السخرية:d وش نسوي الهدف يضحك مرة وعلشان كذا ضحكنا وابشرك قلنا لهم ائاعدين ليه ما تؤموا تروحوا :naughty: واذا بنطيح من عينك عادي مافيه مشكلة .. |
إقتباس:
بس بشرط نرجع لعيونك (: إقتباس:
|
بهذا الموضوع ومع احترامي اقف وقفه احترام لكل مشجع هلالي امس كان بالملعب صح مثل ما ذكر احد الاخوان اللي بالملعب غير اللي جالس عند مكيف تواجد واهازيج من الرابعه عصرا وجمهور كنا نتمنى ان تكون هناك اعداد فقط اكثر من الموجودين وماهو قصور فيهم يعطيهم العافيه شخصا شخصا بس الشي الوحيد اللي ممكن اعلق عليه تربيط الفانيلات وشبكها مع بعض من فوق الى تحت ( العجلان ) ماقصر على حسابه ليكون هناك جمهور بزي موحد بين الجميع مو عشان تربيطها تخيلوا !! لو كل الجماهير بنفس الزي ؟ جمهور راقي .. محترم .. مثالي اضيفوا عليه جمهور بزي موحد وما اقدر اقول الا يالبى قلبهم جماهير الهلال قول وفعل ومبرووك فوز الهلال امس والوعد ان شاء الله بالرس يوم الاربعاء ولنا موعد ان شاء الله مع فوز هلالي احترامي لكم |
الجمهور الهلالي بعد الهدف .. اصبح يشاهد الشاشة التي بالملعب .. وكل ماأتت اعادة للكبري.. قام يضحك .. فقط .. !! وسلمي لي على اخوك النصراوي .... على فكرة والله انا ماقطعة مسافة من الشرقية وتركت دوام الجامعة إلا على شان اضحك على الفريق الأصفر وجمهورة تحياتي لك . |
| الوقت المعتمد في المنتدى بتوقيت جرينتش +3.
الوقت الان » 03:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd