|
استفسارات بخصوص الابتعاث .. اتمنى ان اجد لها حل .. !! السلام عليكم ورحمة الله وبركاته .. هلا اخواني المبتعثين .. كيف حالكم .. ان شاء الله مبسوطين !! تكل اشوف بعضكم خاطره متكدر :) وسع صدرك وعسى ربي يسهل عليك وترجع للوطن وانت حامل اعلى الدرجات s13s والشئ مايجي بالسهوله لابد من صبر وكفاااح s60s حبايبي انا عندي استفسارات مشغله بالي صراحه ياليت تفيدوني عنها واكون لكم شاكر ومقدر . س / هل هناك ابتعاث لدراسه التربيه الخاصه بالخارج لدرجة البكالوريوس.. وكم اقل مده للدراسه .. وبعد فتره الدارسه هل التوظيف مباشره بعد التخرج ؟ س / عندما اشاهد عدد المبتعثين من اخواننا الله يحفظهم بالخارج .. استغرب كيف يتم ابتعاث كل هذا العدد .. وهل بعد تخرجهم سيتم توظيفهم ؟ --> ابي جواب بالتفصيل الممل عن طريقة الابتعاث والتوظيف وكل شئ . لمن يريد تعلم اللغه الانجليزيه بماذا تنصحونه ؟ وماهي افضل الطرق لتعلمها ؟ {من واقع تجربه} كل الشكر والتقدير لكم جيمعاً .. واسال الله لكم التوفيق . |
عليكم السلام اخي خالد التربية الخاصة اعتقد انها مطلوبة لعشر سنوات للامام واكيد متوفر في الخارج بس الظاهر الان وقفو الابتعاث للبكالوريوس الا في حالتين الحالة الاولى تكون محرم لاحد المبتعثات وبالتالى تستطيع ان تدرس اللغة الانجليزية وتجيب قبول من اجامعة وتطلب الحاق بالبعثة الحالة الثانية تجي على حسابك شهرين اوثلاثة لدراسة اللغة ويكون معك قبول جامعة وتطلب الحاق بالبعثة وبالنسبة للوظايف هذي ارزاق وهي من عندالله سبحانه وتعالى وفي ناس معهم ابتدائي ومتوظفين ومرتاحين وبالمقابل هناك جامعيين قاعدين في بيوتهم. والدراسةمافيه احد يتحسف عليها وهي احد الاسباب لزيادة فرصة الحصول على الوظائف الجيدة وايضا وهو المهم فرصة للتطور الوظيفي بالنسبة لدراسة اللغة الانجليزية الافضل في البداية ان تدرس في السعودية لاختصار زمن الغربة والاساسيات في اللغة تتعلمها بسرعة في بلدك وعن طريق بعض مواقع تعليم اللغة الانجليزية ومن ثم الالتحاق بالمعاهد الاجنبة مع تمنياتي لك بالتوفيق |
هلا وغلا ابوهلال إقتباس:
بليز .. لو سمحت ممكن توضيح :) لان كيف انا طالع للدراسه التربيه وادخل لغه ثمن التحق بالبعثه .. من خلال التحاقي بالبعثه اكيد راح اتعلم اللغه !! او لايمكن لي بالاول الالتحاق بالبعثه ؟ هالنقطه هذي كثير ما اسمعه بس لحد الان مافهمته !! :d هذا مايعني ان كلامك غير صحيح .. لا بس لم افهمه والله . إقتباس:
حلو .. طيب الالحاق بالبعثه متوفر او قد يكون هناك عراقيل :surprised: بالنسبه لكلامي عن الوظائف .. انا عارف ان الارزاق بيد الله سبحانه وتعالى وفيه من لم يقراء ولم يكتب رزقه الله من المليارات :d بس سؤالي هو احتياجة المملكه للتخصص او مكتفين هذا سؤالي .. يعني فيه اقسام لو تدرسه وتتخرج مافيه امل تتوظف لان مقفله ومكتفين من سنين زي الاجتماعيات :d انا هنا اضرب مثل ياغالي . الله يوفق .. وجزاك الله خير وماقصرت على الافاده ! s60s وبعدين .. كم اقل فتره ممكن تخلص فيها البكالوريوس .. سمعت من واحد سنتين ونص :) طبعاً من دون اجازات ولا شئ .. الترم بينه وبين الثاني اربع ايام :d بابنتظاار البقيه ؟ وينهم اخواننا المبتعثين :d |
اخوي ليش تروح بعيد في دراسسه بالاردن بجـآمعة اليرموك تربيه خآصـه وسهله .. والوضيفه تجيك اول مآتخلص وقريب لأهلك |
إقتباس:
طيب ممكن ادرس فيها الترم الثاني لاني الان مانب ادرس وكم اقل مده للدراسه فيها ؟ انتظرك الله يخليك ورده |
إقتباس:
أعتقد أن أفضل الطرق هي الدراسه بالخآرج( بريطانيا - كندا - نيوزيلندا..... ) عشان تدرس بالمعهد وتطبق برى مع النآس لكن هذا ما يعني إنها الطريقه الوحيده ، وإذا مآ تقدر في معاهد بالرياض ممتآزه مثل دآيركت إنقلش وغيرهـ كثير.. إقتباس:
فيه تسجيل الترم الثاني ،، تدرس ترم وإذا جبت معدل حلو يضمونك للبعثه ويعوضونك عن اللي دفعته للجامعه .. أمآ أقل مده للدراسه وتآريخ التسجيل مآ أقدر اقولك عنها لاني ماني متأكد منها .. وممكن يفيدك الاخ D-link |
شمالي هلالي :smilie47: الله يعطيك العافيه وناا متردد لان فيه ناس واجد قالوا اللي هنا مافيه فائده تدرس ثمن تطلع وتتكلم مع اللي برى وتنسى اللي تعلمته .. بس لو بالخارج تتعلم وتطلع وغصب عليك تتكلم معهم كذا تضبط :yes: قهر تدفع وباالاخير ما تستفيد بقد اللي دفعته !! :) ماقصرت وعسى الله يسهل يالغالي .. شمالي .. عزام .. الله يعطيكم العافيه :smilie47: بالتوفيق للجميع s13s |
من شروط الأنضمام للبعثه انه يكون عندك قبول جامعي وتكون بديت بـ الدراسه.. فيه جامعات يكون فيها معهد خاص بالطلاب الراغبين بتعلم اللغه الأنجليزيه .. والوزاره تعتبرك طالب جامعي إذا دخلت هذي المعاهد تحيتي لك وأي استفسار انا حاضر :) |
| الوقت المعتمد في المنتدى بتوقيت جرينتش +3.
الوقت الان » 07:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd