|
أقولها بالفم المليان :: لست واثقاً من لاعبي الهلال .. وواثق من روح الهلال في مباراة اليوم .. السلام عليكم ورحمة الله وبركاته .. مباراة اليوم أمام النصر جعل منها النصراويين نهائي مبكر .. وخرج النصراويين من جحورهم اللي كانوا يتخبون فيها في المواسم الماضية واللي كان عذر الواحد منهم : أنت إلى اللحين تتابع كورة :D والثاني يقول إترك عنك الدوري السعودي وتابع الإسباني والإ الإنجليزي :D الآن هم نفسهم يقولون : خايفين من مباراة بكرى :razz: طبعاً أعجبني كوزمين يوم قال مثلهم مثل نجران المباراة بثلاث نقاط فزنا أخذناها خسرنا خسرنا ثلاث نقاط مثل مباراة نجران .. لكن المباراة لها أبعاد معنوية .. طبعاً هي بقية أوراق ديربي قديمة .. والأحداث اللي حدثت من جمهور وفريق النصر في المباريات السابقة متأكد أنه سيكون لهم بصمة أمام الهلال خصوصاً إن تقدم الهلال في فترة من فترات المباريات .. ففريقهم للأسف مثل الثور الهائج حالياً .. يقتحم الجميع ويضرب الجميع .. لكن الهلال بيركده إن شاء الله .. أيضاً قناة أبو ظبي ودورها في إشعال فتيل التعصب وسخونة الدوري ستجعل من المباراة وكأنها مباراة ثأرية .. وللأسف جمهور النصر يراها قمة القمم .. مع أننا نراها مثل نجران :D لا أنكر أنني حتى الآن لم أشاهد مستوى الهلال المعروف عنه وما أشاهده هو بقايا من مستوى الهلال في الموسم الماضي .. نريد هلال متطور .. قد يكون للمشاكل السابقة والتي شتت الأذهان دور في ذلك : مثل قضية موبايلي وقناة الزعيم وإيقاف التائب ومقاطعة أبو ظبي وإستدعاء رالديس وإصابة ويلهامسون . جميعها ظروف تكابلت على الهلال في بداية الموسم .. ولكن الهلال بحاجة إبى قرصة أذن ليعود من جديد .. القرصة أتت من نجران ولكنها كانت خفيفة لأن نجاح العقد مع موبايلي أبرد هذه القرصة .. أتمنى أن يكون التعادل مع الأهلي هو قرصة أذن لجميع اللاعبين للعودة لمستوياتهم .. الهلال يخوّف اليوم .. ولكن أعتقد أن روح الهلال ستحضر اليوم .. مع توافد الجمهور للإستاد .. حينها بإذن الله سننتصر .. وسنبدأ مسيرة الدوري من جديد .. فلا زال الدوري بأيدي الجميع .. فورة النصراووين لو يدقق فيها واحد منا بيعرف أن كل المباريات خدمتهم الظروف فيها والبلنتيات والأخطاء التحكيمية .. واتوقع أنهم أعطوا ما يكفي هذا الموسم .. فالعودة تدريجية ليكونوا ضمن الأربعة الأوائل .. بدأت الموسم بنفس ممتاز إلى الجولة الخامسة ممتاز .. خلاص هنا حدك جاك الهلال .. نتمنى الموسم الجاي توصل للجولة الثامنة برتم واحد .. واللي يعده لنهاية الدور الاول وهكذا لين تصير من الأربعة الكبار .. بالنهاية أحب أقول إن فارس الرهان اليوم هو : توفيق الله أولاً ومن ثم : روح الهلال .. جمهور الهلال .. أما اللاعبين فأتمنى أنهم يخذلونني ويكونون في الموعد .. نلتقي بعد المباراة .. ولحفظ الحقوق فهي إن شاء الله هلالية بفارق هدفين :clap: |
سلام عليكم.... صباحك عسل اخوي وبإذن الي ماتنام عينـــه ماراح نقصر في الملعب بالحضور والمسآنــده لكن عودة روح الفريق ستتظهر لنآ هلالنا الذي عودنا على التلألأ حتى في آخر الشهـــر احييك على تفآؤلــك... وموضوعك المعنوي الاكثر من رآئع افتقدنا للمواضيع الهآدفـة والمبآشرة والبسيطة الف شكر لـك... مع ارق التحآيا |
اهم شئ الروح الروح الروح |
والله بيني وبينك انا خايف ومرتبك صراحه .. لكن الهلال كبير وهذا ديربي :) ان شاء الله الفوز لنا تحياتي لك أخوكـ / الوليد |
الفوز للزعيم بأذن الله |
توقعاتي تعادل والله العالم.. او فوز هلالي... تسلم مولع على هالتفائل,, |
بدايتك بكتابة الموضوع .. كان عذرهم الى فترة بسيطه .. ولكن رجع الأمل بالغصب .. و" وبالهياط" وعلى نهج إن ما فزنا بنخرب وبنسب وبشتم .. وفيه 50 بلنتي ما حسبه الحكم .. و صاروا ما شاء الله يوجهون الناس .. وينصحونهم بفتح مدارس للتأديب وتعليم الأخلاق .. الله اكبر الله اكبر .. واللــه يوفق الزعيم اليوم .. ونفوز عليهم فوز ساحق .. من الحين ترى الحكم لك عليه .. وترى عزيز سب التون ومن هالكلام جاي كثير .. ونتمنى نملي الأستاد |
هلا والله بولد ديرتي :razz: تحليلك رائع وإن شاءالله الزعيم يبي يبيض وجيهنا اليوم:smilie47: |
مشكور اخوي مولع بالهلال والله النصر قادم بقوة والمباراة صحيح انها مثل نجران :d بس الروح غير لانها مباراة ديربي وايضا ان الهلال ما كان مقدم المستوى المطلوب لكن ان شاء الله الفوز هلالي |
االاعب الخفي سيظهر اليوم ان شاء الله واتمنى تواجد الجماهير بشكل كبير مره |
كلام مقبول نوعاً ما لكن مباراة اليوم ليست مجرد ثلاث نقاط بل أكثر من ذلك النصر هذا الموسم مختلف تماماً عن المواسم السابقه ربما بسبب مساعدة التحكيم له في أغلب مبارياته لكن إن شاء الله سيقول الزعيم كلمته في لقاء هذا اليوم لأن ثقتي فيهم كبيره وأخيراً الثلاث نقاط من نصيب الزعيم بإذن الله ، ودُمت بحفظ الله ورعايته ... |
والله بيني وبينك انا خايف ومرتبك صراحه .. لكن الهلال كبير وهذا ديربي :) ان شاء الله الفوز لنا |
الله يوفقهم الليلة , وبروح الفريق والقتالية ان شاء الله فايزين |
متاكد انها هلاليه بس ابيها تاريخيه تنتهي اقل شي 3 للهلال |
شكراً للجميع تواجدكم .. وإن شاء الله التوفيق للهلال اليوم |
| الوقت المعتمد في المنتدى بتوقيت جرينتش +3.
الوقت الان » 09:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd