|
السلام عليكم ودي بس لو نتكلم بواقعية .. ؟ السلام عليكم ورحمة الله وبركاته إخواني في الله لو نرجع لل 3 سنوات الأخيره والهلال يلعب بدون هوية .. والله ياشباب إني أسوف الفريق بلى خطه مدروسه الروح معدومه ... والله فقدنا روح سامي والثنيان والتيماوي .. تتذكرون المدرب الهولندي هانجيم ولا أوسكار ولا بلاتشي وياليت بوسيرو كمل ولا كان الهلال بيكون شي ثاني معه .. والله الععظيم أنقهر لما أشوف نادي الإتحاد أو نادي الشباب يلعبون بخطه مددروسه وتكتيت واضح حتى في تنويع الهجمات شي يفتح النفس .. أما نادينا الحبيب والعريق واللي قاهرني أكثر حتى الأندية الصغيره قامت تتجرأ على الهلال عموما أنا عارف كلامي ما راح يقدم ولا بيأخر ولا بيعدل شي لكن والله الفريق في خطر وشكلنا بنصير في مسار النصر .. والسلام ختام |
معليش بس انا مدري هالإسطوانة وهالـ CD حق بعض الناس متى بيخلّص ( :d ) كلنا ترى عندنا ذاكرة .. وانا اذكر زمان ايام يوسف و سامي .. كان فيه مباريات نكون سيئين .. لا تقول لا عاد !! والا كان حققنا كل بطولات العالم .. يعني هذا شيء طبيعي اننا نكون سيئين في مباراة بس لو نرجع للموسم الي فات.. ماقد شفت الهلال في حياتي بنفس روح الموسم اللي فات !! تحسهم يحاربون .. والله ياهي أيام .. بس الله فرجها بالاخير وخذنا البطولة .. فرجاءً لا تكررون هالإسطوانة .. ترى تحسسوني ان الهلال مهوب فريق !! وتحسسوني انه مهوب الزعيم !! لأن القمة ماالها الا الهلال .. واذا كان كلامك صحيح .. فهذا يعني اننا محنا احسن فريق !! ولاحنا بالزعيم !! شكراً ورده |
تصدق يا ليت كل الاعضاء مثلك وشرواك كان المنتدى بيكون له روح وعطاء كبير وفائده اكبر |
الهلال هو الأفضل والدليل أنه يكسر راس أي فريق في الدوري اذا جى وقت الجد |
أخوي أنا أدري إنها اسطوانه جديده ... بس اسمحلي أي موسم تتكلم عنه قصدك اللي فات الهلال له أكثر من 3 سنوات ومستواه ضايع وبعدين لو ما تكلمت هنا وين أبتكلم فيه أروح للنادي وأكلم الرئيس ولا اللاعبين عشان يحسنون مستواهم !!! إنت مافهمتني أبد .. مافي مقارنه بجيل سامي والثنيان والتيماوي صحيح أيام جت للهلال أيام مستواهم سيئ لكن ينسونك المستوى ببطوله خارجيه أو داخليه ولكن با إستحقاق .. لكن من خلال الثلاث أو الأربع صار الهلال يلعب ويحط تركيزه للاعب واحد حتى بطولة آسيا ما قدرنا نوصل لربع النهائي .. وتقولي غير الموضوع يعني تبني أجامل الهلال وأمدح ياسر اللي حقيقة مستواه في انحدار لماذا الهلال الفريق الوحيد الذي لا يحسن في اختيار اللاعبين إلا بمعجزه .. حتى اللاعبين المحليين نامي والعنقري .. بصراحه كوزمين ما أحس أو متأكد إنه ما عنده تكتيت نهائي ياخي شوف لعب الشباب أو الإتحاد والله فريق متكامل بمعنى الكلمه الهلال يحتاج إلى لا عبين ذو مستوة رفيع .. يعني 54 مليون تدفع للاعب سويدي ومن الحين أقولك صفقه فاشله بكل المقاييس كان بإمكاننا ناتي بلاعبين محليين على أعل مستوى والله ويلي نكبة الموسم وراح أذكركم بكلامي .. ما في إلا نجمنا الخلوق طارق التايب اللي وفقنا وفيه ومدري الهلال وشلون طاحوا عليه وبالنسبة لرالديس أشوف إنه راح يتطور مستواه لكن كثرة مشاركاته مع منتخبه لم تعطيه الفرصه ليقدم كل ما لديه في الهلال .. أنتم تريدون أن نجامل إلين ما يضيع الهلال .. انا ودي كل يوم يكتب انتفادات على الفريق ختى يتعدل الوضع .. اما المجاملات التي لا تغني ولا تسمن من جوع ما راح تفيدنا بشي .. |
عزيزي كاتب الموضوع طيب الهلال يقدم مستويات طيبه واكبر دليل الانجازات الان الهلال يقدم مستويات لا باس فيها لكن الضروف والاحكام ضده فمثلن امام الهالي العالم في جده وامام النصر ثلاثه واحد |
الهلال يلعب بدون هويهـ ..!! طيب تقريبا في الـ 4 سنوات الأآخيرهـ .. جبنا أكثر من 7 بطولات .. !! كل هذا ونلعب بدون هويهـ طيب جيب شي لكلامك ..!! يعني تقول يلعب بدون هويهـ ..!! طيب جب وش الاشياء اللي دفعتك تقول هذا الكلام العام جبنا بطولتين .. وفي عام 1425 هـ جبنا 5 بطولات .. يعني تقريبا تقريبا .. جبنا 7 او 8 بطولات من عام 1425 هـ الى الحين كل هذا ونلعب بدون هويهـ أجل الفريق اللي يقعد 20 سنة ما جاب الدوري وش نقول عنهـ ..!! الفريق اللي يقعد 8 سنوات ما يجيب بطولهـ وش نقول عنهـ ..!! انا ما اتطنز بفريق النصر .. لكن اقول يعني وش اللي دفعك تقول كذا الهلال حاليا افضل الاندية السعودية لانه الافضل بالارقام وبكل شي ..!! أتمنى تراجع كلامك |
ومن يقوله إني ناكر لبطولات الهلال إنجاز غير مسبوق في تاريخ الهلال بإحرازه جميع البطولات في أحد المواسم للأسف فريقنا إلى الآن فريق وزعيم الدوري السعودي فقط لكن في الخارجية لا أظن ذلك أبدا فالبطولات الخارجية يحتاج إلى لا عبين ومدرب ذو إمكانات محليه وخارجية حتى تستطيع المنافسه ولا يكون هناك خوف على نادي الهلال انظروا لفريق الإتحاد والنصر والأهلي المصري ماذا فعلوا في بطولة العالم قدموا مستويات رائعه أرجوكم هلالنا هلال الدوري السعودي أما غير لا تحلم واجد يبيلك مدرب أولا مدرب على مستوى يودانيسكو عشان يظبط لعب الهلال العقيم جدا |
| الوقت المعتمد في المنتدى بتوقيت جرينتش +3.
الوقت الان » 09:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd