ياناس البلا مو في كوزمين + كلمة مني لأحلى جمهور ( جمهور الرياض ) - نادي الهلال السعودي - شبكة الزعيم

المجازف الازرق · #1 15/10/2008, 03:32 PM

أولا : بقول لكم كلمة ( لاتجعل مرورك مثل عدمه بل أثبت مرورك بردك ورأيك )

ثانيا : بدخل في الموضوع على طول

يؤسفني ماشاهدته من مواضيع فيها تجريح بكوزمين <<< كشخه كلمة يؤسفني

بصراحه كوزمين لا يلام في اللي صار للهلال من هبوط في المستوى

يعني بالله مدرب يروح يعسكر بفريق ويرجع يلعب بفريق آخر !!!

سأشرح لكم العباره السابقة

أخواني كما شاهدنا الفريق راح عسكر في الخارج ولعب مبارايات ودية وقدم مستوى جميل ولاحظنا التفاهم بين اللاعبين ولكن عندما رجع للرياض كان في إنتظاره

( أسامه هوساوي - المرشدي - الزوري - خالد عزيز - الشلهوب - الفريدي - ياسر - عبدالعزيز الدوسري - الغامدي )

9 لاعبين ( شبه فريق كامل )

يعني كأنك يابو زيد ماغزيت

رحت بفريق وسويت بينهم تفاهم ويوم ترجع تلقى بإنتظارك فريق آخر ( وأكيد لازم يسوي تفاهم بين اللاعبين المعسكرين واللاعبين اللي راجعين من المنتخب )

يعني التفاهم اللس سواه قبل لازم يعيده

وكما تعرفون إنه في شهر رمضان فترة التمارين الصباحيه تلغى وأصبح فترة تدريب وحده في رمضان وهي مسائية

فذلك سيبطئ من جعلهم يتفاهمون بسرعه

إنتهى شرح العبارة

أضيف لذلك هبوط مستوى بعض اللاعبين

وأنا أعتقد إنه كان واضح إن البلا في اللاعبين يعني مافحالهم يجرون ويستلمون كورة ومافحالهم يتحركون من غير كورة

والدليل على كلامي ويلهامسون أول مانزل لما إستلم الكورة شفناه كيف قاعد يأشر لياسر بالإندفاع علشان يقدر يسوي هجمه وياسر جالس عنده ( مع العلم إنه ياسر مهاجم والمفروض يندفع للأمام )

ممكن يجيني واحد ويقولي طيب ليش كوزمين مايحل هالمشكله

أنا أقوله كيف بيحلها إذا كان اللاعب مو راضي يتقبلها يعني صعب إنك تقنع لاعب إنه يتحرك من غير كوره غصبن عنه

و حتى كان واضح عصبية كوزمين على اللاعبين

اللي مازالوا يلقون اللوم على كوزمين

أنا بسألهم سؤال :

هل من المعقول أن تدريب المدرب يصل لدرجه عدم قدرة اللاعب على إنه يجري ويستلم كوره ( ولا لايكون كوزمين يدربهم وهو مربط رجولهم

)

هذي وجهة نظري في إنتظار وجهة نظركم يالزعماء

برايفت لجمهور الرياض : نريدكم تعلمونهم من هم جماهير الرياض في المباراة القادمه مع النصر حتى لايتطاولوا عليها مره ثانية

والسلاااام خير ختااااااام

عبييد · #2 15/10/2008, 03:35 PM

عــــيـــــن الصـــــواب

متعب بن زعيم الهلالي · #3 15/10/2008, 03:36 PM

إقتباس

الرسالة الأصلية كتبت بواسطة المجازف الازرق


	برايفت لجمهور الرياض : نريدكم تعلمونهم من هم جماهير الرياض في المباراة القادمه مع النصر حتى لايتطاولوا عليها مره ثانية والسلاااام خير ختااااااام

نتمنى ذالك

يعطيك العافــــــــيه

@أبو سيف@ · #4 15/10/2008, 03:49 PM

يعطيك العافية وفعلا كوزمين غير ملام وبالنسبة لويلهامسون ... ياحليل ليلو ؟

المجازف الازرق · #5 15/10/2008, 07:00 PM

إقتباس


	عــــيـــــن الصـــــواب

مرورك أسعدني وردك شرفني

MrBlue · #6 16/10/2008, 05:07 AM

بصراحة انتا نبهتنا لاشياء غائبة عن اذهاننا بيض الله وجهك وشاكر ومقدر لاسلوبك الجميل والراقي من انسان راقي وفالنا الفوز ان شاء الله

SAMI009 · #7 16/10/2008, 05:59 AM

( ولا لايكون كوزمين يدربهم وهو مربط رجولهم

)

خخخخخخخخخخخ

بعض الناس تحط اللوم على المدرب وهو مسكين انا حاضر مباراة الاهلي لو تشوفه وهو يناقز اذا واحد مرر غلط ولا شات شوته غلط قلت الله يلوم اللي يلومه

انا عتبي على المدرب في شي وحيد الا وهو معاقبة عزيز على حساب الهـــــــــــلال

الكـ20نج · #8 16/10/2008, 06:49 AM

مشكووووووووووووووووووووووووووور والله انك صادق

وانا قلت لو يلعبون العنبر بدال ياسر إلين يخف وزنه و تزيد لياقته يكون احسن

تقبل خالص تحياتي