نادي الهلال السعودي - شبكة الزعيم - الموقع الرسمي

- منتدى الجمهور الهلالي (http://vb.alhilal.com/forumdisplay.php?f=28)

- - جمهــور الريــااض .. (http://vb.alhilal.com/showthread.php?t=653769)

جمهــور الريــااض ..

السلام عليكم /

مساء الخير لـ الزعمااء

والله يافيني حررررررة على جمهور الرياض ..

والله يافيني قهــرر .. قلت مالي الا اكتب موضوع وانفــّس عن نفسي شوي ..

في المباراه الي راحت : والتعادل الي قهرنا ، وتشجيع الجمهور الي قهرني زيادهـ " مباراه الاهلي "

لـ الاسف كنت منشغل ولا خلصت شغلي الا بعد انتهاء وقت صلاه العشاء .. واقرب كوفي شوب اتابع المباراه

دخلت الكوفي على دخول اللاعبين لـ : ارض الملعب ، واشوف الجمهور ساكت .. وانا انقهر واقول لـ الي جنبي ، بروح الملعب .. ! يطالع فيني مستغرب ويقول بدت المباراه .. قلت ماهيب مشكله لاحقين وكلها عشر دقائق وانا في المدرج

.. اول مادخلـــــــت الملعب : في نص الشوط الاول ، استغربت صراحه الجمهور ساااااااكت بالحيل محد ينفس

صرخت باعلى صوتي " شجعــــــوااا ياجمهـــــور " .. والناس تطالع فيني وتضحك ؟ احس يقولون فـ انفسهم وش هالمتخلف ! ..

اجل ليه جاي انت وياه ، مادام انك سااااااكت !

يحق لـ جمهور الهلال في المناطق الثانيه غير الرياض ان " .. ينتقدون / جمهور الهلال في العاصمه .. " لـ انهم وبكل صراحه وبدون ما احد يزعل ( جمهور مقاهي ) .. وانا اتكلم عن منطقه الرياض عموماً وليس مشجعين الازرق فقط !

مباراه الهلال والاهلي الي راحت .. صحيح فيه جمهور " ملى ربع الملعب فقط " وهذي غريبه على الزعيم ومباراه مهمه امام نادي كبير هو الاهلي .. المشكله في هالجمهور انه مايشجع الا اذا طاح لاعب في منطقه الجزاء .. او اذا جات هجمه خطيره وتصدى لها الدعيع ! عجبي

قبلها مباراه النصر والاهلي : مافيه جمهور وهذا يدعم نظريتي ان جمهور الرياض " مقاهي " ..

المباراه الجايه امام النصر : ودي ان كل الي يقرؤون موضوعي يحضرون ، نحتااج الجميع لـ نشد من ازر اللاعبين ، بدون جماهير وتشجيع حماسي مافيه لعب حماسي .. اذا تبون الزعيم يطلع بابهى صورة شجعوا باقوى صورة ..

وبالاخير مالها الا هلالهـــاا - والفوز قادم باذن الله - امام جارنا النصر الي ظاهر هالموسم غير عن المواسم القادمه

خارج الموضوع : الرابطه بيض الله وجيههم وماقصروا جهدهم يشكرون عليه .. لكن وقت مباراه الاهلي / يغنون : بالروح بالدم نفديك يازعيم ؟ .. ما اظن تعصبا يوصلنا لـ هالنقطه .. ارواحنا فداء لـ الاسلام والمسلمين وليست فداء لكره قدم ..

اسف على الاطاله ، وتقبلوا / نقدي ، فانا منك واتشرف ..

تحياتي

جمهور الهلال تشبع من البطولات..يمكن هذا السبب

إقتباس:

الرسالة الأصلية كتبت بواسطة هلالي عاشق ام كلثوم (مشاركة 9872549)

جمهور الهلال تشبع من البطولات..يمكن هذا السبب

طيب جمهور الدوريات الاوروبيه : مانشستر على سبيل المثال ليه مايقفون حضور مادام انهم تشبعوا بطولات !

اي جمهور لـ اي نادي في العالم وده ان كل البطولات له .. مافيه شيء اسمه تشبع ..

.. وشاكر لك ردك يالغالي ،

إقتباس:

الرسالة الأصلية كتبت بواسطة أبومسعد الشلاحي (مشاركة 9872610)

الله يهديك اصلا مافي مجال للمقارنه بين الدوري السعودي والدوريات الاوربيه من جميع النواحي من ضمنها الجمهور..وعلى طاري الدوريات تدري ان الفيفا مصنف الدوري السعودي بعد الاردني والسوداني والسوري..اقول عساك سالم بس..

إقتباس:

الرسالة الأصلية كتبت بواسطة هلالي عاشق ام كلثوم (مشاركة 9872729)

.. اتفق معك ان مافي مجال لـ : المقارنة ، لكن الشعب السعودي رياضياً : حبه الاول كره القدم ، لكن الشعوب الاخرى الي دورياتها ضعيفه / ماتلقاها تهتم بكرة القدم يكفيها المشاكل اياً كانت " سياسيه - تعليميه .. الخ "

وبالعكس - الجمهور عندنا يحبون الكورة ويحبون ناديهم والدليل شوف المواضيع في هالقسم !

طلعنا من موضوعنا ودخلنا في موضوع ثاني ..

اتمنى ان كل مباريات الهلال في الرياض يكون الملعب فيها مليان عن اخرهـ .. والتشجيع بكل حماس لينعكس التشجيع على ارض الملعب بالاهداف والاداء الجميل

شاكر لك اخوي ..