نادي الهلال السعودي - شبكة الزعيم - الموقع الرسمي

- منتدى الجمهور الهلالي (http://vb.alhilal.com/forumdisplay.php?f=28)

- - رئيس الهلالVs قناة ابو ظبي (http://vb.alhilal.com/showthread.php?t=653305)

رئيس الهلالVs قناة ابو ظبي,,, قصيده

[IMG]http://www.rofof.com/img/10i1b0x3.jpg[/IMG]

معك معك حتى بلوغ المنصات
.............معك معك بالفوز والا الخساره
اعزم توكل في جميع القرارات
.............وجمهور الازرق منك ياخذ قراره
لاجلك يابو فيصل تهون المسافات
.................وتهاب من ظل الوزير الوزاره
منّك جميل الصمت واحلى العبارات
.............الصمت حكمه ...واول الهرج غاره
غارة بطل تهدم جميع الضلالات
..................جسارته مابعدها من جساره
اعطيت من يتجاهل الحق اشارات
...................والحُر حُر ويكتفي بالاشاره
وابوظبي من ضمن سبع الامارات
........................امارةً يازينها من اماره
قناتها من ضمن كل كل القنوات
.......................اللي تدور للخبر والاثاره
لكن عن المنطق تعدت ولاجات
.............. وصار المقدم منزوي في حواره
واللي نسج له من خياله لاحكايات
................ ليته على العالم يقول اعتذاره
الكذب لاميزه ولاهو بشيمات
..................وكم كاذبً يشعل حرايق بناره
وهلالنا يسمو عن الاتهامات
.................اخذ من الشيخ المحنّك وقاره
له في دروب العز والمجد صولات
.................خمسين عامً معتلي بالصداره
بيارقه فوق الجبال الطويلات
............تمشي مع نجم الجدي في مساره
معه تهنينا بكثر البشارات
.....................لنا منه في كل حزه بشاره
ابداع متواصل وفي كل الاوقات
....................وتاريخ ناصع مايجوز اختصاره
تعطيل سيره ثامن المستحيلات
.................ملك ولاحد يعترض في مساره
اميرنا المحبوب الا انت بالذات
............ ........الا انت يافخرالشعر والاماره
ياصوت عدى واعتلى كل الاصوات
...................ياعقل مثقل بالفكر والشطاره
اعزم توكل في جميع القرارات
..................وجمهور الازرق منك ياخذ قراره
وحنا معك حتى بلوغ المنصات
.................وحنا معك بالفوز والا الخساره

لكن عن المنطق تعدت ولاجات
.............. وصار المقدم منزوي في حواره
واللي نسج له من خياله لاحكايات
................ ليته على العالم يقول اعتذاره
الكذب لاميزه ولاهو بشيمات
..................وكم كاذبً يشعل حرايق بناره
وهلالنا يسمو عن الاتهامات
.................اخذ من الشيخ المحنّك وقاره
له في دروب العز والمجد صولات
.................خمسين عامً معتلي بالصداره

ابدااااااااااااااااااااااااااااااااااع

صح لسانك سليمان الشدوي
القرار كان صائب جداً
وفي محله
يعطيك العافيه

أسيرالآآآه

صح لسانك لاهنت ولا هان غاليك الله عليك اعجبتني بالحيل
تسلم الف شكرا لك
تحتاج لعنوان اقوى من هذا العنوان فكر وراسل مشرفين لتعديله
ربي يسعد ايامك

:clapping:

s13s:smilie47:

صح لسانك سليمان الشدوي</B>
القرار كان صائب جداً</B>
وفي محله</B>
يعطيك العافيه

صح لسانك سليمان الشدوي

ومآزلت متميز ومبدع

لآهنت اخوي ووقفآتك مع الزعيم كثيرهـ

بيض الله وجهك

صح لسانك يالغالي والله يعطيك العافيه ماقصررت..ورده

صح لسانك سليمان الشدوي
القرار كان صائب جداً
وفي محله
يعطيك العافيه

إقتباس:

الرسالة الأصلية كتبت بواسطة H.Z.S (مشاركة 9865390)