هذي شاعــره سمـعت شريط لواحد من المشايخـ يقول انه مر على الكورنـيش
وشاف شاب لابــس ( تـــنوره ) ومــطول شعــره يعني متــشبه بالـنساء وتأثـرت بالـقصه
وبالـكلام اللي قـاله الشيخ للشاب وان الشاب رد عليه بكـلمة (( حريه شخصيه )) وهي طبـعا
شاعــره وتـكتب هجـااء فاستـغلت هذه القصه لـتبوح عن المكـنون في خاطـرها على وضـع بعض
الشباب في الوقـت الـحالي هداهم الله ...


اترككم مع القصيده


إذا المراجل لبسة شماغ وعقال .......... قل للعذارى يلبسنّ العمايم
ما عاد يفرق زول حرمه ورجال ..... دام الفعايل تشبه البعض دايم
المرجله ما هيب كلمه وتنقال ...... وتروح ما راحت هبوب النسايم
وإلا خشونة صوت أو رفع الأثقال .......... أو رزة صدور وفعل الزلايم
ولا هي بعد مفتاح موتر وجوال .......... وإلا ردى لسانن حديثه شتايم
المرجله شيمه عن القيل والقال .......... رفيع نفس (ن ) حر بالجو حايم
المرجله عقلٍ وزن وزنه جبال .......... ودون العقل وش فرقنا والبهايم
يا مسندي لو مايل الوقت بي مال .......... يا ولد أبوي يا عظيم العزايم
يا معرب الجدين من العم والخال .......... يا نخوة المفزوع وقت الهزايم
المرجله يا خوي هي طولة البال .......... هي العزم هي الصبر فالظلايم
فيها الكرم عزه دله وفنجال .......... فيها الكرامه عن ردى الطبع شايم
والدين لامنه خذا القلب منزال .......... مشى طريق الحق وابليس نايم
ومن لا عرف ربه في طيب الحال .......... لابد وقت الضيق بالهم هايم
حتى صلاتك مع جماعات ورجال .......... في خيرها يا خوي نعم الغنايم
ولامن نصف ليلك قم صفي البال .......... يا عظم أجرك بين ساجد وقايم
ولا من رفع ربي له كل الأعمال .......... حسن الذكر لا قالو فلان صايم
وخلك شريف القصد يا طيب الفال .......... سوء المقاصد فالبيوت الهدايم
واحذر تبيع النفس في درب الأنذال .......... وتتبع خوي إبليس راع النمايم
النفس خيل لك إذا كنت خيّال .......... ومن لا قوى نفسه قوته الهزايم
ولا صرت ما تدري لو يش أنت رجال .......... والله خسارة فيك ذبح التمايم

وســــلااامــــتكـــم

حـــب الــــعــــيــــون ــــر

حبر العيون

سلمت و لا هنت صح لسان الشاعره نوف شطيط العتيبي

للعلم هذه الشاعره قريبتي و كل مناسبات القصيدة التي كتبت في النت

هي أجتهادات لأن الشاعره كتبتها من باب النصح لأخوانها المسلمين و ليس أشقائها فقط و هي بلا مناسبه

و البعض نسبها للشاعره بنت أبوها و هذا غير صحيح

هي الشاعره نوف شطيط العتيبي من مدينة عنيزه


سلمت و لا هنت

ولا صرت ما تدري لو يش أنت رجال .......... والله خسارة فيك ذبح التمايم



صح لسناها وصح لسانك اختي حبر العيون

ما أروع من القصيده الا الي نقلتها لنا

عوافي اختي على الطرح المفيد وما ننرحم من مواضيعك

والمرجله..والشعر..والدين..والغيره..في مهب الريح..!!!

اسئل الله ان يعافينا من كل مكروه

تحياتي

المرجله ما هيب كلمه وتنقال ...... وتروح ما راحت هبوب النسايم

الله يعطيك العافيه

على المووضوع وعلى القصهـ

تقبلي مروري

صح لسانها..

قصيدة توضح منهم الرجال فعلا بكرمهم وأفعالهم..

مشكورة اختي على القصيدة..

لا فض فوكـ >>>> حبر العيون

لكـ >>> كل الشكر والتقدير

الله اكبر اقترب للناس حسابهم
خلاص ماباقي إلا خروج الدجال كل شي ظهر


صح لسانك حبر العيون