انقلوا للشرقيه وريحونا
 

السلام عليكم ورحمة الله وبركاتة
اول شيء هارد لك ياشباب على المستوى قبل النقاط لان المستوى صراحة باهت باهت جدا:nono: اذا لعبنا قدام الاتحاد بالمستوى هذا بياكلونا مهب اربعة 6
واذا كان الشلهوب بيظل يلعب اساسي على حساب غيره فابشروا ان الدوري مهب لنا
الشلهوب نفسه قال منب لاعب قبل موسم ترجعة ليش:upset:
اما موضوعنا الاساسي هو
نقل مبارايات الهلال او بالاصح مقر الهلال الى الشرقية
والله تعبنا ياجمهور الرياض احضر فيردون ازهله ماعليكم بنملاء الاستاد مدام الكلام ببلاش خلنا نهرج وبنرعب الملعب وبنسوي وبنفعل!!
تلعب على روحك يابابا
صدق من قال ان جمهور الرياض جمهور مقاهي يبي الشيشة والدخان قدام التلفزيون ياشيخ مالت عليهم
والله ان مبارايات الهلال بالشرقيه دائما هي الاكثر حضور جماهيري بين كل المناطق
مباراة الهلال والاتفاق العام الماضي جمهور الهلال اكثر وامتع بعد والله يطربك جمهور الشرقيةs13ss60s
مهب هالجمهور البايخ اللي بالرياض
بعدين تراي منب من الشرقية يجي واحد يقول تبيه بديرك
بس الكل يدري ان جمهور الشرقية غير
حتى تصريح الامير محمد بن فيصل العام الماضي كان يمدح فيه جمهور الشرقية:smilie47:
على العموم انا ماراح اطلب شيء من جمهور المقاهي بس اقول فشلتونا لاعادت عليكم .

شوف والله أني من أهل الشرقية وساكن بالشرقية ...
بس في أسباب تعذرهم :-
1- أول اسبوع دراسة ... العالم تشتري أقلام ومساطر .. ولاتحضر مبارايات!!
2- الهلال والنصر الأسبوع الجاي.. في ناس ماتقدر تحضر مباراتين ورى بعض!!
3- الدوري توه في بدايته ..!
4- الحضور الجماهيري اليوم .. ليس بالسيئ بل بالعكس... كان جيد جدا .. بالنسبة لمباراة كهذة !!
5- اتحدى اذا جمهور الهلال ماصار أكثر من جمهو رالنصر ... في 18 من اكتوبر.. أي مايصادف يوم السبت القادم !!
انا من الشرقية وبأذن الله حاضر .. وأخر مباراة حضرتها في الرياض كانت نهائي فيصل الموسم الماضي ... امام النصر أيضا ...

والحزازية ذة مانبيها ...
وحلاة الهلال بالرياض . وحلاة الرياض بالهلال .

مالها دخل اول اسبوع دراسة يعني كل جماهير الهلال بالمدارس
اغلبهم بالجامعة وفوق والجامعات مافيه شي ابد هاالاسبوع
ولاتقول حزازيه وانا اخوك مهب اول مرة يزينونة ولاراح تكون الاخيرة
وتقول بعض الناس مايقدر يحضر مبارتين ورى بعض ؟ وش دعوى التذكرة باليورو
شف باوروبا يلعبون السبت والثلاثاء دوري الابطال ومالين الملعب لا وتذاكرهم اغلى منا بواجد
جماهير مقاهي ماله فايدة ها

اقول لا يكثر انا امس حاظر والجمهور مليان


بس استاد الملك فهد يتسع اكثر من 70 الف

لو امس جايين ملعب الشرقيه كان صار فوووول الفل


لانه صغير ياشين الهياط وانت بعيد


تعال للاستاد وتبي تعرف وش كبره


25 الف ومزعجينا امس اللي حاظرين فوق 10 الالف

الف شكر اخوي على حماسك
ولايوجد عذر
العاشق للزعيم يذلل جميع الصعاب امامه
لكي يدعم فريقه
فيه ناس تلوم الفريق على البرود وانا اقول هذا دوركم احضروا وحركوهم وشجعوهم شوف كيف
راح يتحمسون

كثير من الهلالين يقارنون الاستاد بملعب الملز
وكانهم يقولون نحن لسنا بمستوى الاستاد نريد اصغر لكي يمتلئ
انا متأكد لو اراد الجمهور بالرياض فقط لملأ الاستاد 5 مرات
لكن للاسف اصبح جمهور متقاعس
يشجع من خلف الشاشه
واحب اقول لمن يشجع من خلف الشاشه ترا مااحد درى عنك ولاعن تشجيعك
احضر وخل الاعبين يشوفونك حتى يتحمسون ويحملون المسئوليه
ويقدمون كل مالديهم حتى لاتخرج وانت غير راضي

ياجمهور ارجوكم لاتهمشون دوركم المهم انتم الدافع الاول للفوز
احضروااا وشوفوا كيف الاعبين راح يقدمون
بطل الدوري لايجد المسانده من جمهور شي يقهر والله
همسه
البعيد عن العين بعيد عن القلب

اقول انثبر فوق 10 الاف قال مادري تبيع تذاكر معهم ؟!
تعرف تعد الى10 انت اللحين
ماعمرنا شفنا بالاستاد حضور تافه زي امس تجي انت تقولي 10 الاف
اقول خل المقاهي تنفعك

لا احد يتفلسف على مخ اهلي ويقول اول اسبوع دراسة وماني عارف ايش

طيب وين الحضور الموسم الي راح؟؟؟؟؟؟

هذي اول مباراة في الرياض وكذا وقدام الاهلي

اجل وشلون البااااقي

لا والمشكلة انكم زعلانين على مستوى اللاعبين

حاسبو نفسكم اول بعدين حاسبو اللاعبين