|
لن ادافع عن جمهور الرياض ولكن ؟ - مافاضت به نفسي اليوم السلام عليكم ورحمة الله وبركاته كيف حالكم ياشعب الهلال العظيم اولا وقبل كل شي اقول هاردلكم التعادل وان شاء الله الزعيم بيرضينا على النصر s13s صراحة كثر الكلام عن جمهور الهلال اللي يجي يقول انه جمهور مقاهي ولا جمهور مجانا ولا ديربيات ونهائيات . انا بقول شي عن جمهور الرياض وقلة حضوره اليوم اكيد طبعا فيه اسباب كثيرة من ضمنها بداية الدوامات وكبر الاستاد واهمية المباراة ؟ لكن انا ارى اهم شي اللي هو ( ان نادي الهلال من الرياض ) ؟؟؟ !! استغربتوا صح ؟ ايه نعم لان الهلال من الرياض اكيد جمهوره بيكون حضوره قليل لان لو الهلال موجود في جده بيكون حضور جمهور جده قليل ولو كان في الشرقية بيكون حضور اهل الشرقية قليل :bigeek: عشان كذا لو تلاحظون ان الهلال لو لعب في الجنوب ولا الشمال ولا اي مدينة بعيدة من الرياض تشوف الجمهور يفلل الملعب تدرون ليه ؟؟؟ عشان اللي بيحضر الملعب يبغى يشوف اللاعبين عن قرب وعلى الطبيعه لكن جمهور الرياض يقولك عادي اي مباراة بحضرها وبشوف اللاعبين ولا النادي قريب اروح له واشوف فلان وعلان :yes: بضرب لكم مثل ؟ يعني توقعوا الهلال بيعلب في مدينة ماتبعد عن الرياض بعييد يعني 120 كيلو وفيها وفي مدينة صغيره وش تتوقع ؟ اكيييييييد بيمتلي الملعب . ============= * الزعيم فقد ميزة من سنوات طويله والان هي موجوده في الاتحاد الا وهي انه اذا كان متقدم باكثر من هدف مايرخي بل يحاول انه يجيب الثالث والرابع حاليا الزعيم اذا كان متقدم لو بهدف فانه تشوفه مرخي مرره وعادي يفوز لو بفرق هدف مع الفرق الصغيرة وحاليا تشوف الاتحاد موجوده عنده هذه الميزة . * مباراة اليوم اثبتت لي ان افضل طريقة للزعيم هي 4-4-2 * الشلهوب ورغم هبوط مستواه .. الا ان خروجه اليوم اثر على الفريق. * المحترف ولي لعب دقائق قليله وبالغرم من عدم جاهزيته الا انه قدم لمحات لا باس بها. * احمد الفريدي >>>>>>>>> صدق من قال ان الزين مايكمل . * ياسر القحطاني مستواك يخوف ولا تظن انك النجم الاوحد في الفريق الهلالي فكم من نجم انتقدناه وهم يمثلون الهلال كله امثال ( الثنيان وسامي ) فحبا فيك وفي الهلال اتمنى مراجعة نفسك . * عبدالرحمن بن مساعد >>>> صراحة بعد كل لقاء احب هذا الرجل فهو يقنعك بكلامه واسلوبه الرفيع . دمت لنا يابن مساعد . ===== بالتوفيق للزعيم في الجولات القادمة وان شاء الله تكون هذه آخر الكبوات |
كلامك جميل عن اخوي العزيز عن النقاط اللي كتبته اما بالنسبه لجمهور الرياض فلا تعليق مع الاسف |
كلامك جميل بس اختلف معك في بعض النقاط إقتباس:
ولا تزعل مني لأنك قلتها ... جمهورنا جمهور شاهي ومركة وانتقاد امام الشاشة ياخي شف جماهير الفقر والله حرام عليكم الموسم الي راح فريقهم مهدد بالهبوط والملعب مليان ... والله لو صارت للهلال ما اعتقد ان الجمهور بيكون كذا راح تلقى كل واحد ماسك بياله ويقول ليه ما طببوا فلان ولا ليه لعب فلان إقتباس:
إقتباس:
إقتباس:
من بدى الشوط ولما شفت ياسر بلحاله قلت الله يعين الدقاع والنص قالها معلق ابو غبي .. حرام يكون هاللاعب في الاحتياط . يقصد الصويلح إقتباس:
لم اشاهد له لمحات في المبارات صراجة ولا تقول اني ما اعرف الكورة بس اللاعب حسيت انه ضايع في الملعب بس ان شالله نتفاءل فيه خير إقتباس:
كل الشكر لك اخوي على هالموضوع وان شاءالله نشوف الهلال من أفضل لافضل |
اتفق معك في كل شي الا جمهور منطقة الرياض يكفي ان رابطة جمهور الشرقيه اكثر فعاليه من رابطه جمهور الرياض اذا كان فيه رابطه طبعا لا يزعلون سكان الرياض انا ساكن في الشرقيه ودايم احضر مباريات الهلال الي تكون في الشرقيه والبعض الي في الرياض وما مليت ولا شي لاني احضر لنداي الهلال مو علشان نجم ولا لاعب |
تصدقون اني ناوي اروح للملعب بس الحمدلله يارب انها راحت علي نومه :d ياخوووفي من النصر اشوفهم السنه هذي شاديين حيلهم |
قلناها من زمان جماهير الرياض جماهير مهايــــط بس ولن ينفع كلامنا ولكن الحل كما قال الأمير محمد بن فيصل نقل مباريات الهلال الى أي مدينة أخرى معقوله جمهور مثل الهلال في الرياض والملعب مافيه ثمانية الاف مشجع ؟؟ جماهير الدموع العام الماضي فريقهم مهدد بالدرجه الأولى ومالي الملعب ( يالله لك الحمد ) بصراحه الفريق ناقصه الروح وجماهير الرياض ناقصها الروح |
انا لاحدالان ماشفت مباراه بالدوري بذات بالرياض الجماهير ملت الملعب لامن النصر ولا من الهلال بصراحه |
إقتباس:
مشكور اخوي خالدي على التعليق ولا ادري وش الحل مع جمهور الرياض |
إقتباس:
مشكور اخوي على مرورك |
إقتباس:
اخوي مشكور على مرورك بس لا تنس جمهور القصيم وسدير وحايل والغربية والجنوب بس اللي ابغى اوصل له ان جمهور المناطق البعيدة انهم يتشفقون لحضور مباريات الهلال لانهم بعيدين عن اللاعبين والنادي فيستغل حضوره لمنطقته لمشاهدة اللاعبين على الطبيعة s13s |
إقتباس:
والله ياخوي انا ماعاد احضر مباريات للهلال مع الفرق السعودية لان بيني وبينك قد صار لي موقف ماانساه قبل كم سنه تفلقنا وانواع الدمان من الترجيم عقبها حرمت الحضور للمباريات المحلية لكن مباريات الزعيم في البطولات الخارجية احضرها اول واحد مثل يوم مع الوحدة الاماراتي واعتزال سامي ويوسف ومباريات دوري الابطال الاسيوي غيره مااحضر ولا يهون المنتخب بعد > حاضر مباراة ايران |
إقتباس:
لا ياخوي مهوب مسألة هياط بس اتوقع ان اهل الرياض اشغالهم واجد ولا يقولون انه مشوار |
إقتباس:
ان شاء الله تشوفها من مباراة الزعيم مع النصر بيمتلي الملعب عن بكرة ابيه :d وبالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 04:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd