|
ز بـــــدهـ وساحت في استاد الملك فـهد + سامي حاول ترويض كـوزمن + نقاش وليس عتاب ياجمهور الرياض.. بسم الرحمن الرحيم حبايبي جمهور الهلال لايخفى عليكم حزني الشديد بسبب التعادل..ولاكن قدر الله وماشاء فعل.. الفريق كاملا ضاع في الشوط الثاني ...لماذا؟ الجواب : ضعف الياقة, بذل كل الجهد في شوط واحد فقط وهو الشوط الأول, خشونة لعبي الهلال مثلا: عبدالعزيز الخثران , صالح الدوسري. بالمناسبة من شاف كورة صالح الدوسري يوم رجعها لاسامة هوساوي وخطفها لاعب الاهلي..؟ أنا شفتها ومن بعد ماشفتها حسيت إن المدرب يعاقب فريق على حساب لاعب..! ((بكل صراحه وشفافيه هذي التشكيلة لاتصلح ل اسيا ابدا...)) قلناها قبل ونرددها الان اسيا مهرها غالي..وهنا لا اقصد ثمن الاعبين, اقصد فيها الاعداد الجيد وسد الخانات ((الناقصه))..((ظهير ايمن)) والله اني صرت احسد النوادي على اظهرتهم اليمنى.. الزبدهـ الي ساحت = هي فضائح الاعداد الخارجي والمكلف على غير سنع والي بتكلم عليها في الشق الثاني من الموضوع. --------------------------------------------------------------------- من تابع مباراة الهلال اليوم اكيد سمع صراخات تأتي من رجل اكاد اجزم ان صوته مبحـــوح الان.. الشخص هذا جلب لنا السعاده في الموسم الماضي ويطمح بتحقيق بطولات الموسم والبطولة الأغلى لدينا (الأسيويه). اليوم ولاول مره اسمع صراخ كوزمن بهذه الطريقة.. اليوم ولاول مره أشاهد سامي بهذا التوتر ويحاول تهدأت كوزمن ولاكن دون جدوا.. حتى الدكتور يقدح حاول مع كوزمن ولاكنه فشل ايضا..!! من الواظح ان الاعبين لم يطبقوا الخطه المطلوبه منهم وهذا التفسير الوحيد..ولاكن عادة كوزمن يوجهه ويصرخ ويسكت غالب المباراة لان الاعبين يطبقون الي عليهم ..ولاكن هذي المره يوجد سر خلف الصرخات المتتالية.. -------------------------------------------------------------------- الى احبتي وجمهور مدينتي جمهور الرياض بكل صراحه انا ازعل لما اشوف احد يغلط ويقول عنكم جمهور نهائي لانكم العكس.. وأنا عارف ان عودة المدارس هي خلف غيابكم اليوم....((معذورين)) والي كان مسافر توه يجي..طيب.. واعرف ان الي مر عليكم من تكسير لسيارات والهجوم عليكم من الجماهير الانديه الخرى بكفه وصبركم على الظلم في كفه ثانية.. جمهور الرياض يا جماهير الزعيم لايحتاج الى دعوه لانه هو من يوزع الدعوات للمناطق الاخرى:clapping: ياجماهير الريـــاض مالكم عذر في مباراتنا الجاية امام الجار جايين جايين الله لايعوق بشر.. على الاقل احتراما لرئيسنا الجديد يحتاجكم لاتقصرون معه وتخيبون ضنه تحياتي للجميع,, |
صح لسانك اخوي هلال العمر صراحة موضوع رائع ,,, بالفعل كوزمين اليوم متوتر على غير العادة و هذا اتوقع مثل ما قلت ان اللاعبين لم يطبقوا الخطه عالعموم بالتوفيق للزعيم في المباريات القادمة ,,, |
إقتباس:
|
بالعكس الهلال كان افضل بالشوط الثاني من الشوط الاول وكوزمين كان صوته عالي بس يصارخ الله يعينه عصبي شكله وان شاء الله نشوف الجماهير بالمباراه الجايه امام جارنا النصر والله يوفق الهلال يارب يارب يارب يارب يارب امام النصر ياكريم تحياتي عاشقه المحبه |
ياطويل العمر الفريق واضح فيه نقص التايب وكنا نحتاج زيادة تركيز من الفريدي والشلهوب ويااااسر والا من ناحية الدفاع اشوف انه يستحق جيد جداً |
ماقصرت كلام رائع يااخي انت شايف التشكلية اول شي والله ماألعب فيها ولا مع الدرجه الثالثة |
أنا واخوي ما قصرنا حضرنا,,وتفاجأنا بالحضور الضعيف لكن انشاء الله المباريات الجاية تكون اكثر حضور والمشكلة الرئيسية اللي يعاني منها الهلال..هي انهاء الهجمة الفريق ما قصر قدم مباراة حلوه ووصل للمرمى كثير لكن ما يعرفون ينهون الكورة في المرمى الله يكون بالعون,,ولا نزال في الجولة الخامسة ,,والجاي احلى |
قسم بالله لو اني مدرب الهلااال اول قراااار اسووويه اكررش صالح الدوووسري ؟؟ يا ناس بالله هذا لاااعب ؟؟ ولا يهوون العنبر أول ما ناداااه كوزمين عشااان يشااارك قالوا الجماهير اللي جنبي بالدرجه الاولى (( لا لا لا لا لا لا )) مع بعض خخخخخخخخخ لعنبوا لايمهم والله :) تحياتي لكـ |
ابشششششششر بنجي عشان الهلال ولاشي غير الهلال بس نبي أداء داخل الملعب نبي نلمس الروح داخل الفريق اتحدى اذا في لاعب في الهلال يلعب بروح قليل تلقىا |
اخي الكريم الهلال تسيد الشوط الثاني كاملا وهذا ينفي تهمة ضعف اللياقه السبب الرئيسي لمستوي الهلال بهذا الشكل هو غياب طارق التايب وبصراحة الهلال بدونه نادي لايملك صانع العاب بربع مستواه والدليل نفوز علي الأتحاد العام الماضي بجده ونحصل علي الدوري وبعد ايقافه ننهزم بالأربعة |
سلملي على جمهوووور العاصمه اللي يفشل اقسم بالله اني اتمنى كل مباريات الهلال خارج الرياااض |
والله بصراحه الفريق يبيله شوي س الجمهور ضروري يحضر |
كفو يالذيب ومازال في جماهير الهلال .. جمهور عقلاني وكوزمن دآهيه رغم الانوف |
جمـــهور الهـــلال في الرياض ما ينشد فيهم الظهـــر !!! شوفوا مباراة النصــر والرائد بس الملعب كان فل من الساعه 6 ََ!!! تحياتي يا صاحب الموضوع |
إقتباس:
شكرا لك اول شي على المرور اخوي شفنا لعب الفريق في الشوط الاول وكيف الشلهوب والفريدي شالو الفريق لحالهم مع الدفاع.. باعكس الشوط الثاني الي ماتوفق في الا احمد الصويلح وغياب تام من الفريدي الي كان ينقصه صانع لعب اخر.. |
| الوقت المعتمد في المنتدى بتوقيت جرينتش +3.
الوقت الان » 11:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd