|
سمو الأمير عبدالرحمن بن مساعد تعال معي نحسبها صح السلام عليكم ورحمة الله وبركاته أنا مشترك في ART وعندي إستعداد أشترك في قناة الزعيم لحالها بـ 1000 ريال وأي شي فيه فائده لنادي الهلال أكون من المتسابقين على المساهمه فيه حقيبة سامي الجابر نزلت دفعه الحقيبه قيمتها أول ما نزلت بـ 500 ريال صح المبلغ كبير بس الكميه محدوده ورغم ان الكميه محدوده تم تخفيض سعرها علشان ما تبقى في السوق ولان كثيرين اعترضوا على سعرها فانيلة الهلال قيمتها 200 ريال بس مبيعاتها بـ كميات محدوده قناة الهلال كم سعرها ؟؟ 480 ريال والزامي تشترك في باقي الباقات يعني 1480 ريال كم واحد عنده استطاعه يدفع ؟؟؟ بينما لو كان سعرها مثلا 200 ريال منفصله عن باقي قنوات ART كم واحد بيشترك ؟؟ نفرض إن المشتركين بيوصلون 100 الف مشترك ما يعني ان مدخول القناه من الاشتراكات 20 مليون ريال غير الإعلانات التجاريه ومعروف ان مدخولها أضعاف أضعاف هذا المبلغ إشتراكات شهريه لرسائل الوسائط أهداف مهارات لاعبي الزعيم مدخول رسائل الـ SMS يعني انتم مقبلين على مشروع من المؤكد أنه سيتخطى في أرباحه الفائده المرجوه من عقدكم مع شركة موبايلي الفائده في تخفيض قناة الزعيم تعود لكم قناه مشتركينها مثلا 20 الف كم سيكون سعر دقيقة الاعلان فيها مقارنه بقناه مشتركينها 100 الف صح السعر بيكون أقل للإشتراك وبتحسوا انكم بتخسروا بس بيزيد الأرباح في الإمور الإخرى أتمنى أن نستطيع الوصول بصوتنا من هنا لسمو الأمير عبد الرحمن بن مساعد أخوكم ولد الخرج |
والله انك صاااااااااااااادق تحياتي لك |
موضوع رائع أخوي .. وبصراحه دايم مبدع في مواضيعك السابقه لكن .. انت تقول الاشتراك إلزامي فيART مع قناة الزعيم وانا اتوقع ان قناة الزعيم لحاله باشتراك منفصل وشكرا.... |
أبقى شمالي على البركه تفعيل العضويه ولي الشرف أول مشاركه لك في موضوعي |
سعرها 1500 .. لك نيه تشتري وتخسر دراهمك عشان قناة وحدة تنقلك مبارة وحدة بالاسبوع ما اقول الا اشترو( دريم بوكس ) ابركلكم ارتي والجزيرة وشوتايم واوربت .. وكلها 500 ريال كل 6 شهور وش تبي دلع اكثر من كذا واذا عن اسم القناة رح ART7 وحط تعديل الاسم واكتب ART ALZAEEM |
والله ما ادري وش اقول لعيون الزعيم نقبل اي شي وهذ1نقطة ضعفناااا |
إقتباس:
حتى لو ما كان الزامي راح يفرق كثير في مدى انتشار القناه مجموعة قنوات الجزيره بدأت بدعم من الحكومه القطريه بالمليارات وبعد عام واحد صارت تدعم الحكومه القطريه بالمليارات وتم تدشين أكثر من قناه إضافيه لها بين رياضي وثائقي إخباري وسبب تخفيض سعرها للمشتركين المقصود منه زيادة عدد مشتركينها لرفع سعر الدقائق الإعلانيه وشف من يعلن عندها كلها شركات بترول وشركات كبار مو اعلان فيمتو والا عصير تانج اذا ما كان اعلان حفايض وأنتم بكرامه |
إقتباس:
وهذا الشي متأكد منه |
إقتباس:
وانا كاتب انا مستعد أِترك لو سعر القناه لحالها 1000 ريال بس كثيرين ما يقدرون |
لجل الزعيم كل شي يهون |
إقتباس:
ومعك كل شي يهون أنا أتكلم عن السعر للي ما يقدر والفائده من تخفيض السعر يعني اذا السعر أقل النادي مستفيد أكثر لان الخدمات الثانيه بيكون عليها إقبال أكثر لأن المشتركين أكثر وعلى سبيل المثال عندك موبايلي تكلفة مكالماتها أقل وتشتري جمهور الهلال بملايين لانها تدري انها مهما خفضت لهم الأسعار كثرتهم راح تضاعف الأرباح وكل ما قل السعر زاد المشتركين |
كلام عين العقل اخوي ولد الخرج فعلا لو يخفضون الاشتراك راح تكون الارباح اكثر لزيادة عدد المشتركين |
إقتباس:
وكل واحد يشوف رأيه هو الصح اللي قدر يقول السعر كل ما زاد زائدة فائدة النادي ونسى انه كل ما قل زاد مشتركين القناه صدقوني حتى لو تصير ببلاش وبدون تشفير فائدها للنادي تبقى كبيره والاشتراك مو مصدر دخلها الوحيد هو مجرد دخل ثابت وله حد معين وصعب يتعداه وخصوصا كل ما زاد سعره وفيه مصادر دخل ثانيه للقناه وهي زبدة الفائده الا اذا ART قالت لكم نسبة 60% من قيمة الاشتراك وباقي الفوائد في الإمور الثانيه لنا فهذا شي ثاني art تسويها |
بصـراحه كلامك صح ........... وانا معك انا وانت نقدر ندفع بس غيرنا لديه مشـاكـل واتمنى يوصل الموضوع لاابن مساعد ومشكووو اخووووي ماقصرت ,,,,,,,,, |
(هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) (هذه اتفاقية بيننا كجماهير هلالية لمقاطعة قنوات ART ) :::................ |
| الوقت المعتمد في المنتدى بتوقيت جرينتش +3.
الوقت الان » 11:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd