|
الحزب الغربي والحزب الشرقي وايضا الوسطى ومعها الشمالي .. وياتقسيمة ماحبيناها السلام عليكم ورحمة الله وبركاته تحية طيبة وبعد بكل امانه انا منقطع فترة عن الكتابه ومكتفي بالاطلاع ولكن مادعاني للعودة مرة اخرى لمزاولة الكتابة هي بعض الملاحظات التي استغرب جدا من طرحها (( جمهور المقاهي وجمهور الرياض وفيكم ومافيكم و و و و ... ) بكل امانه اسطوانة مليت من سماعها واعتقد الكثير مل من سماعها ثانيا مواضيع في جهة والواقع في جهة أخرى مع احترامي للجميع الهلال هذا الموسم لم يلعب الا مباراة واحدة على ارضة امام الرائد وكان الحضور مشرف جدا ومع ذلك تخرج الينا مواضيع لاتهدف الى فائدة مثل اللي ذكرتها لكم الرجاء كل الرجاء عدم طرح هذه المواضيع التي قسمت جمهور الهلال الى احزاب جمهور يكره الرياض وجمهور يدافع عن الرياض وجمهور يبرر وجمهور يتشمت و و و في النهاية كلنا هلاليين اللي يحضر اهلا وسهلا واللي مايحضر نقول له نتمنى نشوفك في المباراة الجاية هذا الموضوع مو لإنتقاد اشخاص لكن لإنتقاد مواضيع مالها هدف وقد تثير الانقسام داخل المنتدى اتمنى اني أصبح بكره على ردود تحترم وجهة نظري وتحياتي للجميع وتصبحون على خير |
بيض الله وجهك على هالكلام الموزون ياخي الكلام هذا ماكنا نسمعه من اول ماطلع علينا الا هالكم سنه كلنا بنو هلال سواء في صبيا ولا عرعر ولا القطيف او جده بيض الله وجهك |
وبيض الله وجهك على مرورك الطيب ومثل ماتفضلت هالكلام ماطلع الا في السنتين الاخيره والله يسامح اللي اثار مواضيع مثل كذا تحياتي |
والله يالغلا اخالفك في نقطة ان هالشيء يثير الانقسام بين الجماهير بالعكس .. جمهورنا واعي وانا شخصيا اعترف اني اطلق مسميات جمهور الرياض والشرقية والغربية والمقاهي ايضا لان هناك تكتلات هلالية في كل هذه المناطق يعني لما نقول جمهور جدة نقصد الجمهور الهلالي الي يقطن جده ولما نقول جمهور المقاهي نقصد الجمهور الي اربعه وعشرين ساعه تاكي بالمقاهي ولما نذكر هالاصناف حنا نذكرهم تحت اطار موضوع واحد [ تحفيزهم للحضور للمدرج ] !! هل انت يالغالي تعذر الاشخاص الموجودين في المقاهي؟ هل انت تعذر ملايين الهلاليين في الهلال الي مايملون الملعب وقت المباريات ؟؟ اذا انت راضي بهالشيء فـ " انا شخصيا ماني راضي عنه " جمهور المقاهي فقط ( يستطيع ملىء الاستاد ) .. لذلك يحق لي ان اصف جمهور المقاهي باوصاف تحفزه للحضور ولاتمنعه ايضا من المشاهدة في المقاهي ولاتنسى ان وضيفة المشجع الاساسية ( الحضـــــور ) نعم هناك اعذار للجميع ولكن كلنا نعلم ان جمهور الرياض مرت فترات كان فيه مقصرا والسبب اننا نعذره وفي الحقيقة ليس له اي عذر واكبر دليل مباراة الشباب في العام الماضي في نصف النهائي وفي نهاية الدوري :smilie47: لما يجي واحد من الشرقية وينتقد بعض جمهور الرياض هو ماينتقدهم لانهم من الرياض !! هو ينتقدهم لانهم في معقل الزعيم ومع ذلك يتقاعسون عن الحضور !! ينبغي ان تكون النظرة اوسع .. بحيث ان لانرضى عن الجمهور إلا اذا ملأ الملعب لان هذه وضيفته !! كما اننا لانرضى عن اللاعب إلا اذا قدم كل مالديه داخل الملعـب !! وانا من جماهير الرياض .. وعمري مازعلت من كلام الاخوان !! لانهم مايقولون هالشيء الا لمصلحة الهلال ومصلحة هيبة جمهور الهلال في الرياض !! وتفاديا للأخطاء في العام الماضي .. والمباريات الكثيرة التي اساءت لـ " سمعة " جمهورنا اخيرا انا اشوف هالشيء نقطة ايجابية .. تزيد من الحضور والدليل ماحدث في مباراة الرائد !! جماهير الرياض حينما نهاجمها فانها تحضر وتعترف بانها كانت مقصرة !! ولو شاهدنا الملعب عن بكرة أبيه ممتلىء فلن ارضى .. كذلك !! لاني اريد حتى الساحات خارج ارض الملعب تمتلىء !! هكذا نكون جمهور يساهم في خدمة النادي .. تحياتي لك واختلاف الرأي لايفسد للود قضية .. !! كل الهلاليين في كل مكان .. هم هلاليين .. الرياض جدة الدمام ابها القصيم تبوك حائل الرس مكة المدينة إلخ !! لما نذكر ان الجمهور الشمالي بدّع في مباراة تبوك مثلاّ .. فهذا يعني اننا نبي الكل يقتدي فيه يعني ناخذ الايجابيات ونترك السلبيات !! وترى مستحيل يفرق بيننا موضوع لاننا نعرف .. ان المصلحة وحدة هي ( زيادة الحضور ) وتفادي السلبيات في جميع المناطق بالتالي ( صخب المدرج ) بالتالي ( زرع ثقافة الحضور ) ( تأصيل حضارة زعماء المدرجات ) في كل اصقاع المملكة .. :smilie47: :) |
ياخي من بداية الموسم ياجمهور ابها .ياجمهور الرياض ؟؟؟ غيثونا من ادخل المنتدى وكل المواضيع كذا .. وذا ماامتلى المدرج خير ياطير ؟؟ اهم شي البطولة وبصراحة لاعيبن الهلال هم من يجذب الجمهور .. يعني لعب حلو وتكتيك حلو وتسحيب حلو تلقى جمهور احلى واكثر ومتحمس |
وعليكم السلام ورحمه الله وبركاته .. وعاش من شافك يابو ناصر واخيرا نزلت موضوع .. انا اشوف ان جماهير الرياض حضورها معقول ... لو تشوف جماهير الهلال في المدن الثانيه ( من ناحيه الحضور ) ما يجون 8 الالف لصغر المدرج وتوهم ان الحضور كبير وكبيرا جدا ... وهو حضور قليل ..( وجهه نظر ) والهلال ما يجيهم الا كل سنه مرتين وعشان كذا تشوف جماهير المناطق متحمسين للزعيم بس جمهور الرياض عنده اكثر من 15 مباراه فالموسم .. يعني صعبه يحضرها كلها او نصفها ... وجمهور الرياض يعيبه هذا الشي ويقول جماهير الرياض اكثرها هلاليه وقفت علي انا عالحضور .. اذا قال كل واحد كذا محد بجي :d وهذا الواقع صراحه ويعطيك العافيه يا سعد بن ناصر :smilie47: تقبل مرروري وسجلني حاضر ومعي 5 :smilie47: |
والله انا معك بهذا الكلام ومعك حق |
أنا اخالفك الراي ,,, الجمهور لازم يتحفز لحضور المباراة ,,, تخيل لو قلت لك تعال الملعب وفيه اثنين حاضرين ,,, ولو قلت لك فيه 60000 الف حاضرين قارن بين الثنتين وجاوب؟؟؟ أي مباراة ستحضر؟؟؟ |
| الوقت المعتمد في المنتدى بتوقيت جرينتش +3.
الوقت الان » 06:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd