|
انا يوم اني صغيرة امي تقولي اذا مانمتي وهجدتي انتي واختس بنادي لكم العافيه :surprised: ولا تقعد تقول لا اذن المغرب تبي تهجدنا : اقعدوا اقعدوا الحين يجون (بسم الله الرحمن الرحيم) ياخذونكم:bigeek: << مادري وش الحكمة من الاسم :d ولا ايش بعد ياربي : كلوا ولا ترا بتصغرون :baby:ولا عاد تكبرون :baby:زي هذيك البنت اللي ماتاكل وماتت:crybaby: وياكثر مايكذبون علينا عشام يهجدونا:razz: يعطيك العافيه |
اييييه يا زمن الطفوله والذكريات الجميله :d كانت الوالده الله يخليها اذا بغت تنومنا تقول ناموا ولا بتجيكم ام السعف والليف :d او اذا ما تبينا نلعب القوايل اجلسو ولا تجيكم حمارة القايله :d واحنا مساكين نصدق |
كانت تقولي أمي ( الله يطول بعمرها ) لاتسهر علشان ما ياكلك العوي s122s وأنا من الخوف ما اقدر أنام :d العوي: شبح يجي للبزران ياكلهم و يروح :surprised::d طبعاً الكلمة ذي قصيمية بحته :smilie47::stoned: يعطيكِ العافية على الموضوع :) |
شاكره لكم مروركم الجمــــــــيل راجعه ارد عليكم واااحد وااحد شكرا مره ثااانيه |
جآ ابو راسين هجو هجو<<للحين يصدق ذالتخويفات:d موضوع حلوه لاهنتي:stoned: اما بالنسبة لأبو راسين الي مادري وش يبي:bigeek: هذا شخصية وهمية كان يقالي اذا حاولت تتزحلق مع الدرج بيجيك ويزرطك<يوومة:d بروح اخاف يجي ابو راسين:d:naughty: |
الله يذكر أيام اول بالخيــر .. :) أمـي كانـت تكذب على والكل يصدقهـا لان أول كنأ مخفآت .. زي بعض النآآس :naughty: والله فيه اكثر من كذبـه ومنهـا : 1) إذا ما أكلت زين ، يجيك مغص في بطنك .. وتموت علطـــول :surprised: 2) اللي يطق أمـــه .. تنكسـر رجولــه :yes: وفيه اكثر من كذا .. بوركت |
اذكر انااا وبنااات عماني ق كلنااا جح مع عمــي واحنا طبعا نبلع عبس مدري بذور الجح وعاااد عمي يبي يخوفنااا قالناا لاتشربون مويه عشان ماتنبت شجرة في بطنكم ... عـــاااد طقتنا ام الركب من الخوووف ع بالناا صدق بتطلع شجرة>> ماادري ليش الصغار دلووخ:d مشكوورة ع الموضوع الحلوو |
الاء ماشاء الله نزلتي مووضووع شكل تاثير المدرسه تهورتي ونزلتي موضووع :d:d بصراااحه مااذكر اهلي كذبوا علي لان ذاكرتي انمسحت :bigeek::bigeek: بس صدق والله ماكذبوا علي يمكن كذبوا يوم كنت فاقده الوعي:d يعني يوم عمري خمس ست سبع بس ماااذكر شي شكل المدرسه خربت ذكرياتي :(:(:d بس لايهمك برووح لامي واقول وش كنتي تكذبين علي يوم كنت صغيره :d يعطيك العافيه وطلعتي كذبات الاهالي وفضحتيهم يامجرمه :d:d:d شكلك اللحين بالمدرسه يامصريه ورده :smilie47: مدري وش محببك بالدراسه قلت لك اول اسبووع مافيه شي بس تبين تنظفين المدرسه <<<<<<<<صديقة سوء :d:d |
والله انا اول كنت داشر صغير يعني ادوج بالقوايل واذا بغوا اهلي يخلوني انثبر بالبيت يقولون لي بتجيك حمارة القايله وسيده انام الين العصر ولا في الليل اذا ما نمت يقولون بتجيك ام السعف والليف وانا انواع الخرش وسيدة نوم |
في يوم من الايام وبعد الحنه والزنه من عقلي المصون القابع في"" دميجتي الجميله "":d:d:d موضوعك فكرته مو خطير ه لا مدمره.. امي يوم كنت في ريعان طفولتي كانت تقولي لاتطلع من البيت ولا بياخذك الحرامي والحرامي ذا طول ماجاء وسحبت عليه وقمت اطلع. هاذا اللي اتذكره:stoned: تحياتي. |
كانت امي تخوفني بالعين الحمرا اللي تلبس عباية سودا وتقعد عن الباب اذا ما نمت وتخلي خالتي تلبس عباية وتقعد عند الباب واذا ما نمت تناديها امي وتعالوا شوفوني ذيك اللحظة |
يوم اني صغير كانت أمي تخوفني وتقول ترى بنادي العافية تجي تاخذك :D مشكورة أختي على الموضوع الرائع |
انا كانوا يقولون لي اذا اكلت لسان الخروف تصير شاعر وحنا مصدقين هههههههههههههه |
الله اياااااام انا اول الا مانمت تقولي امي ارقد والا بيجيك مسدد عيونه بالخرق :d الخرق = الخرقه اللي هي قطعة القماش:d والا جدتي بالليل تقول اقعدو لا تجيكم بنت الدرج:d موضوع روعه تسلمين عليه |
ههههههههههههههههههههه والله ياواجد عندي اول شي الا كلت شوكولاته قبل الأكل تصير ارنب بدون اذان بعد هع <<< قوييييه ذي من امي مدري وشلون صدقت والا بغيت تفتح الباب لازم تقول مين لأن فيه ناس ياخذون الاولاد الحلوين <<< احم احم اثري حلو هع والبيبسي يصغر هذذي نيوو وهذي اول وحده حسيت انه كايده هههههههههه مشكووووووووره خيتوووووووو وماننحرمش من جديدك sa3don |
| الوقت المعتمد في المنتدى بتوقيت جرينتش +3.
الوقت الان » 08:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd