مأ إن يهـ لّ عليّ جزء من ش ـريط ذكري ـاتي إلا وتهلّ معها دموعي أربع أربع على قول أمي رع ـاها الله

ذكرياتنا جزءً من ح ـياتنا و ي ـوماً ما سنـ ص ـبح نـ ح ـن ذك ـريات لـ م ـن ح ـولنا

لم أقرأ الا الموضوع فـ ع ـذراً إن ك ـان هناك المزيد في تالي المـ ش ـاركات


لي ع ـوده للمزيد من مـ ح ـاكاتك لـ ذكرياتك ورده

محمد صاير تتفلسف وااجد راجع لك يالبزر الخوااف

آآآآه بس يا انا كنت اروح اول يوم لحالي لا ابو ولا اخو يوديني مجوودي الله يذكره بالخير

يجدعني ثم يمسك الشارع والله اني اذكر البزران يصيحون وانا اقول ليه يصيحون !!

بالعكس فله عصيرات وفشافيش وفله ولعب كوره وهذوول يصيحوون !!

راااااجع راااجع

اااااااااااااااااااخ يا ايام الدراسه ياليت ترجع

والله انها احلا ايام والله انا كنت اقول متى اتخرج وافتك بس والله الحين اقول ليتني الين الحين في الثانوي
والله مايحس فيها الا المتخرج

الاخ قصد الذكريات والاغلبيه فهمو الموضوع غلط على العموم كلها تعتبر ذكريات

الذكريات شي حلو لاني كل ماحسيت بضيقه في صدري حاولت اتذكر الايام الحلوة زمان بين

اقاربي واصحابي افرح قلبي اشوي بها وبعدها افكر في الاشخاص اللي كنت انا وهم طول الوقت

مع بعض والحين البعض يمكن مااقابله في السنه مره وحده

ذكريات البعض مؤلمه ويحاول دايم ينساها والبعض يتمنى لو يرجع سنه وحده من الذكريات

الجميله واسف على الاطاله

آآآه يـ الزمن !!


قبل 12 سنة كنت في أول ابتدائي بالمدرسة الأهلية و مع الأستاذ أبو بكر ادريس و أذكر بأول أسبوع فقعت عين اللي قدامي


فتحت الشنطة على وجهه و المسكين يبي يعطيني بسكوت


الله يرحمك يا عبد الله كنت كريم و محترم توفى مريض العام الماضي بالاجازة الصيفية

اييييييييييييه يعطيك العافية جرح يشكي
بالله لحظة صمت

ايييييييييييه الله يرحم ذيك الايام>>>لازم يسوي قديم مادروا انه مواليد 1410
الزبده اللي يقول السواق وداني وابوي معي واللي يقول ابوي وعمي
والله انكم اقوياء ابوي كان يفر فيني من عند المدرسة بالاجازة يقولي شف ياولدي
هذي المدرسة اللي بتدرس فيها خلك رجااااااااااال طبعا انا كنت مسوي قوي وكان يدرس بنفس المدرسة عمي ولد عم ابوي كان بزر انا درست باول ابتدائي وهو بخامس مدري سادس الزبده كنت امغط الصغار ويجي اخوهم الكبير يتكلم علي واروح اشتكيه عند عمي هذا طقني وسوا وسوا
وهذاك حليله يتمغط >>>>حظي والذكريات
كل اللي اتذكره وانقهر منه بالابتدائي انه اخوكم بالله كان فتيت كورة ولا يلبس الا الهلال ايام سلكي لاسلكي ورقم 15 وابن امه يلعب مثله فكنت دايم افوز
زبدة الهرج مدرس الرياضة صار يلعب ضدي عشان يفوز الفريق اللي ضدي واجلس اصيح من القهر اموت ولا اخسر فهذي من المواقف التي كثيرا ماضحكت على نفسي من اجلها
والذاكرة لاتخلو من مثل هذه المواقف
وسلامتكم

لحظآت الطفوله .. يآلجمالها..وعذوبتها..

آيآم لطالما تتمنى لو تعود..


لكن يحيل بيننا وبينها الزمان..

أظن أن آباك .. يفتخر بك .. ثق من ذاك..ورده ..
وفقك الله .. وجعلك ذخرا.. لوالديك ورده
ولنا اجمعينورده ..وطناً وامةٌ ..

كم هو رآئع اول يوم لنا في المدرسه .. عني شخصياً كنت جدا متحسمه ومن كثر الحماس رحت بلحالي مسويه مآخاف..رآجعه البيت من شد الوناسه
ماما قررنا انا وصديقاتي نغيب بكرى<< اشكل يالبزر بزعه من اول يوم
الله بس ياذيك الايام جدا حلوه خصوصا لاشفتي نفسك انك كبيره ..
بالاول كنت اهم مرحله عندي المتوسط ..
حآليا أحن للثآنوي بشكل عجيب
هذا وانتي مابديتي دوام للحين .!؟
بس من جد احساس عجيب تحس نفسك ماتدري مع وين هابه


ورده جرح موضوع جدا رآئع ..
مآأجمل أستعادة الذكريات فلها مشاعرها الخاصة دوما ..

شكراً لكل من اكرمني بـ مرورهـ على ماكتبت


..|| يا كآآآبة الرياض ||..

ناصر .. عبدالله .. منصور .. ، اعتقد ان كلمة اخواني ما تكفي منصور تعرفت عليه في اولى متوسط .. هنا بدات القصه كان هو الاقرب لي في المدرسه .. ما زلت اتذكر ذلك الفصل الذي تعرفنا على بعض فيه .. وما زلت اتذكر ..|| شطحاتي ||.. .. ناصر .. تعرفت عليه في المرحله الثانويه .. كان هو فكاهينا .. عبدالله تعرفت عليه في المرحله الثاوية ايضاً .. عبدالله هو شاعرنا ..

اتذكر ثاني ثانوي فصل 1 .. كنا ابضايات الفصل ..مقاعدنا بـ جنب بعض .. وفي يوم من الايام بعد ان زادوني جرعه ..|| هياط ||.. بدأت اثير الضجه في الفصل .. وحولته من فصل دراسي الى مدرجات جمهور .." شبيه بـ مدرجات النادي الجار في مباره الاتفاق " تحول الفصل الى " سيرفر ترافيان " فمن غزو مشاهـ الى رمي بـ المقاليع ..بدات علب المياه تلوح في افق الفصل .. وهرع اكثر الطلاب " الدوافير " الى المخبأ ..في خضم الاحداث .. فتح الاستاذ الباب الا وعلبة الماء الممزوجه بـ حبتان من الطباشير الازرق تضرب الجدار " فوق الباب " لـ تنهل على الجميع .. منهم الاستاذ .. بداْ في سيل من الشتم والتهديد .. بعد ان هداء الوضع امرنا بـ اخراج ورقه صغيرهـ وكتابة اسم من رمى العلبه " وللامانه والله موب انا " الجميع كتب اسم الطالب .. بداء الاستاذ يركز علي بـ عيناهـ وكاني " ذابح واحدن من اهله " .. انتهت الحصه وخرجنا الى الفسحه .. بعد الفسحه عدنا الى الفصل وكان شي لم يكن .. بدات الحصه الرابعه الا والوكيل .. عند الباب ..!!!!

الطالب محمد ... العتيبي ..!! تعال لـ المكتب .. استأذنت من استاذي فتحي " بدون قلب طبعاً " .. خرجت من الفصل .. قاصداً مكتب وكيلنا .. عند اقترابي من المكتب .. خرج الوكيل .. وقال تعال يا محمد " تعبت من الفصحى " .. بدا يكلمني ويذكرني بـ صفاتي الطيبه والتي تدل على تربية اهلي لي .. محاولاً ان اقر بـ ما فعلته .. وهيهات هيهات ان اعترف .. بدا بـ الضغط علي .. بقوله ان والدي عنده بـ المكتب .. دخلنا في المكتب .. سلمت على ابوي .. وما رد علي " في نفسي قلت عزالله نبي ناكلها قدام الله وخلقه " .. بديت ازاعق على الوكيل وان ابوي ما علمني هـ الحركات ووو << خوفاً من ضرب الوالد .. بعدها قلت لـ الوكيل ترا فيه طالب في فصلنا اسمه الاول والثاني مثل اسمي .. تعال انا وانت لـ الفصل .. واسألهم اذا انا اللي رجمت .. عطني ملفي " واثق الولد " .. طلعنا للفصل وسألهم وقالوا لا .. الا واحد مصري .. موب مصري مصري .. بس اومه مصريه قال يا استاذ بس محمد اهو اللي اشعل الشرارهـ .."" بس ترا بعد ما طلع الوكيل اخوياي ما طقوهـ " .. اعتذر الوكيل لـ ابوي وقال بحثنا في ملف محمد وحصلنا حسن السيرة والسلوك .. وبـ الصدفه دخل علينا استاذ ناصر الاحمري استاذ الفيزياء .. بدا المدح فيني وفي مستواي الدراسي وتحولت زيارة ابوي من شكوى الى تكريم

هذه احدى ذكرياتي مع ناصر ومنصور وعبدالله ..

اليوم الجمعه 18/10/1429 هـ .. تشتت الشمل .. اليوم الرياض مظلمة .. اليوم بيسافرون الى المنطقة الشرقيه .. لـ الدراسه والعمل بيكون هناك .." ارامكوا وسلاح البحريه " مشاعر مختلطه .. بين حب وكرهـ المنطقة الشرقيه .. لكن متأكد اني بدات اكره الرياض ..

من الاخر ..

كانوا هم طعم الرياض لي

حرر في الجمعه 18/10/1429 هـ
2.30م

جـــرح يــ ش ــكـــي

سليتني الله يمتعك بالعافية

واعذرني ودي افصفص موضوعك حبه حبه لكن خلها على ربك

ياليت ما توقف إبداعك

0

0


هلا والله جرحرح ورده

ذكريات الطفوله يالها من ذكريات تحزن ودك الواحد يعيد الشريط الى الوراء>>ياخي ما اعرف اتكلم عربي فصحى

والله كانت ايام جميله وخاصه بالمدرسه يعني البراءه تقطعنا تقطيع

لا حقد ولا حسد والله كنا على نياتنا صحيح من كنت صغيرا وانا في ذاك الوقت

في مخيلتي كبيرا ولاحد يقدر علي >>كان تفكير بزران

كنا انا وصاحباتي على بالنا ناكل علك في الحصه ونفقعه والمدرسه تشرح

واذا نفخت نفخنا وعقبها الدموع اربع اربع واذكر دايم اذا جينا نرد

وكلمتنا المعتاد عليها ( وش شايفتنا اصغر عيالكـ ،، او انتي مو ولية امري عشان تقولين كذا ...) هذي كنا مبسوطين اننا حافظينها


يعني ذكريااات مرا حلوا ياليت نقدر نرجعها

جرح الله يعطيك العافيه على هالموضوع

تقبل مروري بنت فهد