نادي الهلال السعودي - شبكة الزعيم - الموقع الرسمي

:d:dالسلام عليكم ورحمة الله وبركاته

بما انه أول موضوع لي حبيت أشاركم برحلتي إلى مصر وما صار فيها من أحداث ( زيارة الآثار ، نصب .......... إلخ )

وراح اقسم الموضوع الى جزئين لآن الصور كثيرة

------------------------------------

وسط دندرة وإزعاج وأخذ ورد .. هذي تبي مصر وهذي تبي ماليزيا ، قرر الوالد العزيز على مصر ( وضرب بآرائنا عرض الحائط ) اللي عايز يامرحبا واللي مش عايز ( يخيس بشمس الرياض ):d

الإقلاع: من الرياض للقاهرة كان الساعة 8 الصباح طلعنا الساعة ، والوالد العزيز من ست ونص الصباح الله يهديه وهو على روسنا http://www5.0zz0.com/2008/10/10/01/551219543.jpg

الوالد لما شاف العفش إستغرب كثرة شنط البنات ، وأبدأ رأيه بجمع كل أغراض ( الصبايا بشنطة وحدة ) :surprised:

لكن محاولاته باءت بالفشل :d

كان موعد الوصول للقاهرة الساعة 12 ، والوالد مجهز الوضع من الرياض و مستأجر ( ميكرو باص بسواقه ) :d

أحسن شي إن الشقة كانت قريبه من المطار في مصر ( القديدة ) :d

عمائر العبور .. واصنصيرها زين مو مثل باقي العماير ( يوم يشتغل وباقي السنة حرك رجولك ) :surprised:

وهذي مناظر من برى الشقة.
http://www5.0zz0.com/2008/10/10/01/418011327.jpg

http://www6.0zz0.com/2008/10/10/03/478962597.jpg

http://www6.0zz0.com/2008/10/10/01/559445643.jpg

دا( الخضرجي بتاع الحارة ) أحسن ما عندهم إن كل حارة لها خضرجي وصيدلاني وبقاله :d

بأول يوم طلعنا نتمشى على نهر النيل

وهذي صورة للنيل

http://www6.0zz0.com/2008/10/10/01/165946234.jpg

ثاني يوم رحنا لملاهي دريم بارك في مدينة 6 أكتوبر وكان أكثر يوم إستانست فيه بالسفرة كلها:clap: ، بس للأسف انحذفت الصور كلها حقت هذاك اليوم وما بقى إلا هذي الصورة :upset:

اللي هي صورة للعبة الشواية اللي لو رزقي فيها ماركبتها :d

http://www6.0zz0.com/2008/10/10/01/257347451.jpg

ثالث يوم طلعنا للمتحف القومي المصري اللي يعتبر من أقدم المتاحف بالعالم ، وهو المتحف الوحيد اللي بالعالم اللي يحوي آثار حضارة واحدة فقط.

http://www6.0zz0.com/2008/10/10/01/468547006.jpg

http://www6.0zz0.com/2008/10/10/01/959124214.jpg

الشئ اللي يرفع الضغط إن التصوير ممنوع داخل المتحف :surprised:

على كلامهم ( وما يندرى صدزهم من تسذبهم ) إن التصوير يؤثر على المومياء ( قوية شوي ) :d

نصيحة للي يبي يزور المتحف لا ياخذ ( مرشد سياحي ) لأنهم اكبر ( نصابين )

أول ما دخلنا المتحف مسكنا واحد

قال :تصورا الأسبوع اللي فات الأمير ( مشفر إسمه ) :d

جيه هنا للمتحف خصوصي علشاني :surprised:

وإداني الف وخمسمية ريال سعودي :surprised:

هالأمير فيه خير ( شاري تذكرة ومتعني الجية للشخص هذا ):d

( مهوب عاقل سمية الخشاب ) :naughty:

ما علينا منهم ( إنت خذ وخل ) :d

ويغمز لأبوي يعني ( إفهم يا فهيم ) :d

اللي خلاني أموت من الضحك على هالمرشد السياحي ، كنا نمشي بالمتحف وقدامي ( عيني عينك ) يغمز للعامل اللي بالمتحف ويجينا ( العامل ) يمدح فينا:surprised:

الله انتو مع الاستاز دا اقدع واحد بالمتحف كله :thumbup:

والمشكلة مو مره ولا مرتين، كل عامل يشوفه المرشد يسوي نفس الحركة.. يعني ( إفهم يا فهيم وعطنا مما أعطاك الله ) :d

هالمرشد من النصب ما غير يبربر : دنتا محظوظ لأنك معايا :surprised:

ليه مع مين حنا ( السير أليس فريقسون ) :d

عطيناه ميتين وخمسين بعد ما لفينا بالمتحف نص ساعة !!

طلعنا بعدها نتغدى على النايل سيتي وهذي سفينة ثابته على النهر وفيها مجموعة مطاعم ، و أكلهم مره روعه s60s

http://www6.0zz0.com/2008/10/10/02/639847928.jpg

وهذا الممر اللي يدخل على السفينه

http://www6.0zz0.com/2008/10/10/01/688862058.jpg

وهذي مناظرمن السفينه:)
http://www6.0zz0.com/2008/10/10/01/220324172.jpg

http://www6.0zz0.com/2008/10/10/02/855188505.jpg

وبعد ماطلعنا من النايل ركبنا مركب عالنيل :clap: واحلى شي لما تناظر الغروب والهوا يلفحك يمين يسار :d

http://www6.0zz0.com/2008/10/10/02/905773589.jpg

اليوم الرابع قررنا إننا نزور قلعة صلاح الدين بس للأسف قالوا لنا مايمديكم تلفون القلعة إلا وهي صاكه :surprised:

فشدينا الرحال إلى الأهرامات استأجرنا كارته خذوا علينا فيها ميه وعشرين للكرته الوحده :surprised:

ولا يقولون لك الكارته ما تركبش إلا اتنين وبس ( سعوديين ينلعب علينا الله يخلف بس ) :d
http://www6.0zz0.com/2008/10/10/02/420362941.jpg

http://www6.0zz0.com/2008/10/10/02/153467419.jpg

http://www6.0zz0.com/2008/10/10/02/915424002.jpg

يقولون ان ابو الهول وجهه على شكل ملكهم اول اسمه خفرع <<كل ماقالو اسمه تجيني هستيريا :dوجسمه حاطينه جسم اسد عشان يرمز الى القوه :d

ركبنا مع واحد مصري شايب ويستخف دمه

قالي : سمعتي أخر خبر؟

قلت لا !!

قال : حسني مبارك غير اسمه لصاحب الهرمين تعرفي ليه ؟ :surprised:

ويغمز قلت : ( يا صبر الأرض ) لا ما أعرف !!

قال : عشان يسموه صاحب الهرمين (عندنا صاحب الحرمين ):d

من الفلسفة الزايدة علينا قلت لأختي مدري ليش أحس رجولهم كبار:bigeek:

الشايب صار من العائلة وذب الميانة ، لف علي

وقال : لا إلا أنا اللي بتكلم بس ومتئطعنيش فاهمه:naughty: لما اخلص ابئي اسأليني وأنا اللي أجاوبك

فيه كلمة حيرتني وما عرفت وش معناتها:surprised:

كنا راكبين ( الحنطور ) وقابلنا صاحب ( حنطور ) ثاني يصارخ وقال لنا أهلا باصحاب التلفزيون ( ما أدري ليه أحس إنه يذب علينا ) :d

باليوم الخامس رحنا لمجمع ستي ستارز بمدينة نصر

الى دخلته تحس إنك بالسعودية من كثر السعوديين اللي فيها عكس المواقع التراثية والاثريه:d
والكل يدري وش السبب من شبابنا السعودي :d

http://www6.0zz0.com/2008/10/10/02/674505387.jpg

اللي يفقع القلب :upset:، عندهم مطعم إسمه مؤمن وهو مطعم مشهور تقريبا مثل كودو عندنا بالضبط بس كودو أفضل من ناحية النظافة

.ولما تجي تطلب من عندهم ما يسألونك ( super size ) من راسه يحط لك الطلب ( super size ) من غير ما يسأل:surprised:

هذا إهداء للعضو ( نيوتن ) اللي يتهم السعوديين بس ، الشغله هذي ( عالمية ) :d

.وهذي صورة للمطعم

http://www6.0zz0.com/2008/10/10/02/596950119.jpg

باليوم السادس زرنا حديقة الأزهر وكان يوافق يوم جمعه فكانت زحمه ، وأحسن مافيها إن رسوم الدخول فيها موحده للمصرين وللعرب والأجانب :)

ورسوم الدخول كانت خمسه جنيهات بس.. فتشوفون فيها كثير مصرين ، وفيها مطعمين اللي هم ( ترانينيون ) و مطعم ( القلعة )

:d <------- تفكيرها مطاعم

وكم من مقهى والباقي مسطحات خضرا وجلسات

تغدينا في مطعم ترانينيون واللي أنصح فيه :yes:

... وهذي صور من الطلعة

هذا هومدخل الحديقة

http://www6.0zz0.com/2008/10/10/02/719099767.jpg

http://www6.0zz0.com/2008/10/10/02/383534103.jpg

هذا مطعم القلعة

http://www6.0zz0.com/2008/10/10/02/900935440.jpg

أما هنا شي سمعنا صوت إزعاج وصجه مو صاحيه قمنا من أماكننا وتتطايرنا من زود اللقافة:d

وشفنا زحمه مو طبيعية:surprised:

http://www6.0zz0.com/2008/10/10/02/601884215.jpg

بالأخير طلع زواج s51s

اللي عرفناه إنه كل يوم جمعه والحديقة هذي الأيام تفتح أبوابها للزواجات :)

بس العرس كان فله وبسيييط يا زين زواجاتهم ، تعالي بفستانس وبس :d

والمعازيم كأنهم طالعين للبر :d

.. وكان على حظنا فيه أربع عرايس مر وحده عااد معد قمنا ابد ما غير فاقين خششنا مو ممستوعبين ... :bigeek:

وعقب ما ( تغرنا مناظر هالعروس ) على قولة أمي من قدكم حظرتوا أربعة عروس بيوم واحد ....:biggrin2:

طلعنا ورجعنا للشقة عشان نبدأ صباح جديد من بكرى ....

وهذا نهاية الجزء الأول وهذي بعض المواقف اللي صارت لنا وتتعلق بالجزء الأول:

1 - أول يوم لنا في مصر بالنيل وحنا نتمشى جتنا عجوز مصريه تهلي وترحب .. :surprised:
ويا هلا - يامرحبا منورينا السنة دي دي مصر نورت بوجودكم وكل عام وانتم بخير
أنا قلت على ايش !!!
قالت : الله دا رمضان قريب هتصوموه السنه دي معنا ؟
قلنا : لها إننا مو صامين معكم وإنا إحنا بنروح قبل :d
قالت : طيب حلوان رمضان شهر الخير وانتو ا أهل الخير والبركة ( قولي كذا من الأول إثر التهلي مولله للفز ) :nono:

2 - لما كنا بدريم بارك دخلت أنا وأختي البقاله جانا العامل يناضر يناضر ومبقق عيونه :bigeek:
أنا بوقت طقت تسبدي وش يناضر عبايه سوداء :upset:
مادريت الا صرخ بأعلى صوته : عرفت عرفت :d
أ نا واختي إرتعنا وش عرف ذا؟
قال : إنتوا توأم توأم !!!!:d
قلت: ايه حنا توأم وش المشكلة ؟ !!!!
قال : كنت عارف من لحظة مادخلتوا دنتوا توأم ياسبحا الله :d

3 - باليوم اللي كنا زايرين المتحف ما فيه إلا مشي وكلن لاهي وحنا طالعين تعدينا اختي الصغيرة
عاد زنقرت وقامت تصارخ انتم وشو - كيف تخلوني انا مو بنتكم !!!
السيكيورتي لف عليها وقالها : طب ماتتجوزيني وانا مش هتركك ولا هخليكي ابداا:d

http://www6.0zz0.com/2008/10/10/03/574881431.jpg

4-يوم كنا قاعين على النايل نستنى لما يجي الطلب :essen:الا وذا القارب يقرب وتقعد تقول اخباركو ياستات الكل <<:d:d كل سنه وانتو طيببين.. عاد انا قلت لها بصورك قالت : حتطليعيني بالتلفزيون بصي يازينات حنخرج بالتلفزيون :dوتظبط نفسها وانا ميته من الظحك:d وعقب ماصورتها وقلت لها طالعتن تهبلين:naughty: قالت امال فين الحلوان ياست الكل قلت لها اصبري وخذت علبة علك وحطيت فيها ثلاثة جنيهات ورميتها عليها يوم شافتها صرخت علي صرخه:jawdrop: فزعتني فزعه بس بس ثلاثه دي ماتجيب بتاع خبزة قلتلها ابد انشالله تسدس واحمدي ربتس :d <<شانت الاخلاق وراحت وهي تسب وتحط عفب ماكانت تهلي وتمرحب:d

وهاذا كان نهاية الجزء الاول ان شالله يكون عجبكم وافادكم:clapping: ....وان شالله انزل الجزء الثاني اذا شفتكم متحمسين:clap:

ترقبوا في الجزء الثاني<<<اقالي تحمس:d

رحلتنا الى كريزي ووتر واااااو <<كف:d
والى خان الخليلي والحسين وسالفة امييوم تناشبت مع بياع :d
والى مدينة الانتاج الاعلامي
والى القرية الفرعونيه المصريه
ومناظر عامه من مصر

تقبلوا تحياتي بتيل ورده وردهورده