|
يجب ان يستغل الهلاليون ماحصل بين الاصفرين خير استغلال اللهم صلي وسلم على نبينا محمد جميعنا شاهد ماحصل في مباراة البارحة بين فريقي الاتحاد والنصر واخص بالتحديد هدف نور ( القضيه ) لا اخفيكم بانني اعطيت نظره سريعه على منتديات الاصفرين ووجدت حمله شرسه بينهم واتهامات خطيره وكانهم الد الخصام الان بنو هلال يجب ان يستغلو الفرصه ويصطادو الشيطان من لغاليغو نحن ابناء الهلال تعلمنا من ديننا الحنيف أولا ثم من اكاديميتنا الثقافيه الهلال بان نكون مصلحين باغين للخير ساعين له فإ اقترح بان يكون هناك شيء من تقريب وجهات النظر بين الاصفرين بالتي هي احسن عن طريق ادارة النادي او ادارة المنتدى او الإعلاميين الهلاليين قال - صلى الله عليه وسلم -: (انصر أخاك ظالما أو مظلوما) فقال رجل: يا رسول الله، أنصره إذا كان مظلوماً، أفرأيت إذا كان ظالماً، كيف أنصره؟ قال: (تحجزه)، أو: (تمنعه من الظلم، فإن في ذلك نصره)، -------- ومن لم يستطع الاصلاح فأضعف الايمان هو تركهم في حالهم ولاتستهزء بأخيك فيعافيه الله و يبتليك استغفر الله لي ولكم ==== توقيع مستعجل :smilie47: طارق التائب :smilie47: |
مشــكـــــــــــــور على الموضوع |
تراها بالنهايه كوررررررررررررررره .. وراح تشوف علااااقتهم مع اكثر من اول وتذكر كلامي رغم ان الفقراويه مالهم آماااااااااااان .. اما حنا حالنا حال نادينا مايخصونا بشئ .. دمت بود .. |
مشكور اخوي على الموضوع ويعطيك ألف عافية |
معليــش أأخوي بس مشاكلهم بينهم!! مالنا دخل نجي نصلح فيهم!! .. يتضاربون..يتذابحون شي بينهم وهم اللي يصلحونه.. ماانبغا نكون مثاليين أكثر من اللآزم.. |
نحن الهلاليين في حالنا ولا نحب ندخل بمشاكل مع احد... انا ماني مع الدخول بينهم...لانه لا علاقة لنا بهم...خلونا بعيد عنهم...وفي حالنا ابرك.... اهم شيء نادينا فقط... مايميز الهلاليين عن غيرهم... هو اهتمامهم فقط في فريقهم لا يهتمون بشيء غيره....فارجوكم...خلونا على هذي الطريقه...الاهم هو الزعيم فقط...فقط... |
حيلهم بينهم وفي ستين قنبله كل واحد علمه في راسه ماهم أطفال نصالحهم مع بعض أو بالمعنى الأصح الكيان الهلالي مو فاضي لهالأشكال ورانا الشئ الأهم اللي يشغلنا الا عساهم في هالحال وأردى |
يحلون مشاكلهم بينهم .. وهم برى النادي اصدقاء .. شكراً لك .. |
الله يجعلهم كذا واكثر !! الهلال ماقصر معهم .. بس عيوا ينتفعون !! |
موضوع يخص الناديين و هم أبخص بما يدور |
الله يجعلهم كذا واكثر !! كلهم خرطي |
اهلا وسهلا بالاخوه الاعزاء وجهات نظر يجب ان تحترم تفضلتم بها شكرا لمروركم العاطر والقصد من الموضوع بان يعلم الجميع بان ابناء الزعيم ليسو ممن يتصيدون في الماء العكر 0 دمتم بود0 |
والقصد من الموضوع بان يعلم الجميع بان ابناء الزعيم ليسو ممن يتصيدون في الماء العكر 0 دمتم بود0[/CENTER][/QUOTE] معك حق ياخي بس هناك وجه نظر اننا مالنا دخل بينهم خليهم بحالهم احنا لو دخلنا نفسنا بينهم راح ونصالحهم راح تزيد المشاكل وتكثر الادعاءات على زعيمنا انت على نياتك قصدك المصالحه لكن انت ايش ضمنك انهم ماراح يتهمونك خلينا بنادينا احسن يكفينا الي جانا منهم واللة ثم واللة لو تدخلت الادراة الهلالية للمصالحه بينهم راح يقولو كلام مايعجبكم هما دايما نيتهم سيئة ويفكرو ان الي قدامهم يفكر بمصلحه وبس ماراح يعتقدو ان الهلال نيتة حسنة وقصدة المصالحه لاغير بس عقولهم غير ماتفهم قصدك وردود فعلهم في كل مبارا واضحه بعصبية وهمجية احنا خلينا في نادينا اهم شي نحقق البطولات |
بيض الله وجهك .. والافظل نتركهم .. اليوم يتزاعلون بكره يتراضون.. وفيه مثل يقول .. الذيخ يتبع خانقه :) |
والله انك صادق الف شكر لك |
| الوقت المعتمد في المنتدى بتوقيت جرينتش +3.
الوقت الان » 05:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd