صح انه هلالي صميم بس كلامه جداً ... خطير... خطير .... خاصة بالوقت الحالي .....!!!! - نادي الهلال السعودي - شبكة الزعيم

الزعـــ شموخ ـــيم · #1 09/10/2008, 03:57 AM

اليوم وفي القناة الرياضية صب المدرب الهلالي عبدالعزيز الخالد جام غضبه على المدرب كوزمين
ولاول مره اراى او اسمع شخص هلالي قديم او جديد مشجع او مدرب او حتى اداري ينتقد المدرب
الهلالي السيد كوزمين بهذه الدرجة من القوه والصراحة وبالادلة ... انا من زمان كنت ارئ في كوزمين
اخطاء كثيرة ولكن اجلت الحديث عن الموضوع لبداية المواجهات واليكم بعض ما اذكر من
انتقادات الخالد لكوزمين :
اولاً : لا يوجد اي تجانس بين لاعبي الهلال الي الان .
ثانياً : لم يعرف المدرب الي الان قدرات لاعبيه واماكنهم التي يبدعون فيها والدليل التغييرات المستمره .
ثالثاً : اخطاء فنيه لا يقع فيها اي مدرب اشرف على الفريق اكثر من موسم ودلل
على ذلك بان الفريق متقدم على الوطني بهدفين ويخرج المميز والمبدع الصويلح
صاحب الهدفين والروح العالية ويضع مكانه لاعب صندوق او عكسيات وثقيل الحركة
ولا يساعدك على المرتدات ومن ثم يخرج ياسر ويكمل الناقص مع ان الوطني متقدم
الي الامام بحثا عن التعادل .
هذا بعض ما انتقد به الخالد للمدرب كوزمين .....
الله يستر شكل ايام كوزمين في نزول والله اعلم .......
8
8
8
8
اترك التعليق لكم .... على كلام الخالد ....

ســـــامـــــيوووووو · #2 09/10/2008, 03:58 AM

لا تعليييييييييييييييييييييييييق

والله غريبه

مايبون احد ينهزم والله حاله

احبك يا هلال حب خيال · #3 09/10/2008, 04:01 AM

كــــــــــــــــــــــوزمين صح صدقوني والا ما كان عطوه العضويه الشرفيه يكفي كم لاعب اظهره للعيان الفريدي عبدالعزيز الدوسري المؤشر خيرات الذياب وعد واغلط

هلالي من المافيا · #4 09/10/2008, 04:11 AM

كوزمين مدرب جيد ...

لكن الجمهور الهلالي مكابر ولايبغى يقول هذا تأثير غياب التايب عن الهلال ...

يانااااااااس التايب كان قلب الهلال النابض ...

في أحد يقدر يعيش بدووووووووون قلب ...

وصدقوني القادم اسوأ بدون التايب ...

ابو رنه الهلالي · #5 09/10/2008, 04:19 AM

ابشر مالك الا الي يقيله لعيونك ولعيون الخالد وش تبي اكثر من كذا

يا غالي خلاص الموسم بدا والفريق متجانس وشلون مو متجانس وبالعكس حقق لك بطولتين

ووصيف بطوله ثالثه ويكفيك انه ينافس على كل البطولات وبعدين يكفيك انه طلع فريق ثاني

في حال تعثر عنصر من العناصر وبعدين يوم طلع الصويلح تراه فايز بهدفين وهذا تكتيك مدرب

بالعكس اشوف ان كوزمين ماشي كويس والى الامام والتوفيق بيد العالمين مع احتراماتي للخالد ؟؟

المستشار... · #6 09/10/2008, 04:22 AM

?????????????????????

wafi99 · #7 09/10/2008, 04:31 AM

عبدالعزيز الخالد مدرب جيد لكن كثرة ا لأنتقاد للمدرب حاليا تزيد مشاكل الفريق أكثر من أن تنفعه . وهذه عادة بعض مدربينا الوطنيين منظرين من أعلى طراز ومقنعين جدا ولكن لو وضع في مكان المدرب الأجنبي يخبص آكثر منه .
الهلال بحاجة الوقوف معه في الملعب فقط .وليس في الأعلام .

only Hilali · #8 09/10/2008, 04:42 AM

لا ارى في نقده بهذي الطريقة ينفع الفريق ........ بل بالعكس ..... اتمنى انهم اذا كان فيه نقد يكون بناء و ليس للبطرنه كل واحد يبي يعلمنا انه فاهم ... طبعا كلامي للمدرب اللي تقول و غيره ....

نحبك يا هلال · #9 09/10/2008, 05:09 AM

انا مو فاهم شغله هل كوزمين مقتنع بالعنبر حت الآن ؟؟؟؟؟!!!!!!!!

نبض المشاعر · #10 09/10/2008, 05:12 AM

صدقت والله

كوزمين هاليومين بادي يخربها

اجل كل يوم مجرب لاعب وكل مره مجرب خطه

وش فايده المعسكر اجل ؟؟

عجبي من اللي يصير لزعيم وياخوفي انه لما تطيح الفأس برأس

يبدون يتحركون اصحاب الشأن

كيفي بحب الهلال · #11 09/10/2008, 05:13 AM

بالله وش تبوون يعني ..!!!

والله لو نجيب مورينهو ولا انشلوتي لابد انه يخسر الفريق

هذولا بشر يخطؤون ويصيبون

اما بالنسبه لكلام الكابتن يمكن اخذته الغيره على الفريق اكثر من الازم

كواليتي · #12 09/10/2008, 05:19 AM

ولا يقول المدرب لمن سمعتو امس ان العام الماضي ماقدم مستوى بمستوى الهلال المعروف
هوة صح في بعض الاخطاء الي سواها كوزمين لكن المدرب جيد
وبالنسبة لطارق التايب حتى لو مارجع انشالله الهلال بيعوض هوة اكيد حيكون في نقص لانهم متعودين على لاعب متل طارق كبير
بس هاذا مايقلل من ابداعات لاعبينا مو لدرجه الي تتوقعوها
وانتو اتفالو بالخير تجدوة

((البارسا)) · #13 09/10/2008, 05:20 AM

ياناس الخسارة وارده في اي مباراة لو نلعب مع جيبوتي يمكن نخسر

هوطان · #14 09/10/2008, 05:26 AM

ياجماعة الخير المدرب ذكي , أخرج الصويلح والقحطاني والفريدي علشان يريحهم لمباراة الأهلي .. وكذالك اللاعبين اللي مالعبوا مباراة اليوم لنفس السبب .

الزعيم الأليم · #15 09/10/2008, 05:28 AM

إقتباس


	اولاً : لا يوجد اي تجانس بين لاعبي الهلال الي الان . ثانياً : لم يعرف المدرب الي الان قدرات لاعبيه واماكنهم التي يبدعون فيها والدليل التغييرات المستمره . ثالثاً : اخطاء فنيه لا يقع فيها اي مدرب اشرف على الفريق اكثر من موسم ودلل على ذلك بان الفريق متقدم على الوطني بهدفين ويخرج المميز والمبدع الصويلح صاحب الهدفين والروح العالية ويضع مكانه لاعب صندوق او عكسيات وثقيل الحركة ولا يساعدك على المرتدات ومن ثم يخرج ياسر ويكمل الناقص مع ان الوطني متقدم الي الامام بحثا عن التعادل .

عزيزي الكل انتقد كوزمين بعد الخسارة من نجران مع ان كوزمين لم يكن السبب ..

بالنسبه للنقطتين الاولى والثانيه فكوزمين لا يلام ما دام ان هناك لاعبين مصابين ولاعبين يذهبون لتمثيل منتخباتهم ولاعبين موقوفين .. وبخصوص تغيراته فهي منطقيه الى حد ما ..ا فـ ياسر ليس بمستواه و يبقي الشلهوب لزرع الثقه فيه ليرجع لنا كما كان .

تحياتي لك