كـبـيـرة يالأزرق .. كبيرة يا كويتي
 

أنتهت قبل قليل المباراة الودية الدولية التي أقيمت بمدينة فرايبورغ الألمانية بين منتخبي الكويت وألمانيا بفوز كبير للمنتخب الألماني وبسبعة أهداف دون مقابل وأضاع المنتخب الألماني مثلها :(

سجل أهداف المنتخب الألماني كل من تورستن فرينس ( 10 ) وأوليفر بيرهوف ( 24،43،71 ) وألأخير من ضربة جزاء وسباستيان ديسلر ( 40،43 ) وكريستان يانكر ( 77 ) .

مباراة طبعاً من طرف واحد ويتضح ذلك من النتيجة :confused:

مشكووووووووور على هذا الخبر

وحظ اوفر للمنتخب الكويتي






ملاحظة :
كنت باكتب الموضوع بس سبقتني

ههههههههههههههه

سبعة اهداف هههههه

الله يعين الأخضر

الله يستر من مبنى التجاره العالميه ( برهوف و يانكر )

والله يعين الدفاع السعودي عليهم ...

كني أشوف عبدالغني والدوخي متسدحين من كثر أختراقات الألمان

اي والله كبيره

حظ اوفر للمنتخب الكويتي

حتى لو كانت 7 المنتخب الالماني ما منه خوف
كل الخوف من منتخب الكاميرون

:p :p :p :p

هلالي الجوف .. يريتك تكون واقعي ولو لمره وحده !! المباراة من طرف واحد ؟؟ الظاهر ودك تغلط على الكويتيين بس مو عارف !!

8
8
8
8
هد اللعب هو ماجاب شى من راسه !!!

رد: كـبـيـرة يالأزرق .. كبيرة يا كويتي
 

أولاً .. أبو عبدالرحمن غير سعيد (أبداً)ً بهذه النتيجة ...
وهذا يظهر من موضوعه ... وبعدين هو ما كذب ...

والكل يعلم أن التجربة هذي كان يمكن تنفع المنتخب السعودي ..كمتابعه للقاء تكتيكي قوي ندّي بين الفريقين الكويتي والألماني ...

بإذن الله سيوفق الأخضر في المونديال .. وسبحان لله ممكن الأداء الضعيف من الكويتين قد يصب في مصلحتنا ..

أخوي Fc BaRcElOnA لا تزعلنا عليك :( ... ولا تزعل منا .. أحنا أخوان وحبايب قبل كل شيء :):)
بس عندي سؤال : بالله عليك (أبو عبدالرحمن) ليه وده يغلط على الكويتين ولا هو عارف ؟؟؟

:confused: :confused: :confused: :confused: :confused: :confused:

لا يا برشلونه .. اخونا الهلالي صادق اللعب في اغلب الاحيان كان من طرف الألمان فقط اما منتخبنا فكانت له هجمات قليله ماكانت خطره غير مالت بدر الشمري :(

يا ساااااااااااااتر

7 .. والله كبيرة جداً ,, :( :( :( :( :( :(

لم أتوقع ذلك ابداً

حظ أوفر لمنتخب الكويت الشقيق .. وان شاء الله كبوة وتعدي

القلب الأزرق .. المثل يقول : اذا طاح الجمل كثرت سجاجينه ! فهلالي الجوف استغل النتيجه الكبيره على منتخبنا للضحك و الطنازه و هذا يدل على حقده و كرهه لمنتخبنا او لدولتنا باكملها !! لكن السبب ؟ الله اعلم

Q8i82 .. الظاهر انك ماشفت المباراة ! شوتت وليد علي - شوتت فرج لهيب - شوتت خلف السلامه - شوتت صالح البريكي - شوتت بدر الشمري و يوجد القليل التي لا تسعني الذاكره لذكرهم

البحار المحب .. اشكرك على هالشعور .. اتمنى و الله انها تكون ازمه و تعدي

صور من المباراة ...

http://us.news1.yimg.com/us.yimg.com.../873398278.jpg
محاوله من نهير الشمري و سامر المرطه لاخراج الكره من الشباك لكن بدون جدوى !


http://us.news1.yimg.com/us.yimg.com.../135217153.jpg
محمد عيسى و القفز البهلواني !!


http://us.news1.yimg.com/us.yimg.com.../605011974.jpg
.. و تحيه بعد الهدف


http://us.news1.yimg.com/us.yimg.com.../202366986.jpg
دربكة الهدف الاول بالدقيقه 10


http://us.news1.yimg.com/us.yimg.com...1007665158.jpg
يرميز - نهير الشمري و خلف السلامه .. و الانظار متجهه للكره


http://us.news1.yimg.com/us.yimg.com.../873406470.jpg
لعبه خشنه على محمد عيسى من قبل لاعب الوسط الالماني


http://us.news1.yimg.com/us.yimg.com.../672071680.jpg
.. و فرحه بعد الهدف السابع الذي سجله يانكر


http://www.dailyfootball.com/files/D....090502.214822
نواف الخالدي .. و الحسره التي تكررت 7 مرات !


http://www.dailyfootball.com/files/D....090502.211055
صراع على الكره بين خلف السلامه و يرميز

أخوي Fc BaRcElOnA هاردلك للأزرق الكويتي......

وبصراحه الموضوع ما فيه ولا شئ ومدري ايش مزعلك من الموضوع بالرغم اني قاريه اكثر من 3 مرات لكن ماني شايف فيه شئ ....... واخوي هلالي الجوف انسان فيه من الاحترام والأخلاق مالا يملكه كل اعضاء المنتدى .

وتبي الصراحه مباراه سبعة أهدف دون مقابل وتبي تقول المباراه من طرفين اي واقعيه هذه اللي تتكلم عنها . ...................

أخوي NYS15 : العفو .. وياليتك سبقتني علشان اشوف ردة الفعل عند بعض ناس :D

أخوي ســ(الثنيان)ـامي : أتمنى ان هالنتيجة ماتأثر على منتخبنا .. والله يعين .

أخوي abo3abed : بصراحه بيرهوف ويانكر عمالقة لكن بدون مهارة اللهم مهارة التسديد بالرأس .. ومتى ماكانت الرقابة لصيقة من قلبي الدفاع مع خروج الدعيع بالتوقيت السليم للكرات العالية فلن يفعلوا شيئاً بإذن الله .

أخوي Q8i82 : شكراً لك وفعلاً نتيجة كبيرة وماهي متوقعة .. وهجمة وهجمتين ماهي مقياس على التكافؤ ابد .. وحتى لو جاب المنتخب الكويتي هدف وهدفين ترى المنتخب الألماني جايب سبعة :(

أخوي الفيصل الهلالي : الخوف من كل المنتخبات عزيزي وليس من الكاميرون فقط .. وأهم شي المستوى لأن من المستحيل بالطبع الفوز بكأس العالم ، ويكفينا التأهل للدور الثاني مع رؤية مستوى مشرف :)

أخوي كانافارو : الينك صاز .. يعني لو جبت النتيجة من حدى المواقع كان مشيناها .. لكن المصيبة اني شفت المباراة هههههههه

أخوي القلب الأزرق : ماني راد عليك من انت ؟ ماعرفك هههههههههه
بس اعجبتني كلمة ابوعبدالرحمن غير سعيد .. ايه انا غير سعيد ومبارك :D مشكور عبدالله :)

أخوي البحار المحب : ياسبحان الله .. تقبلوها منك ولا تقبلوها مني !!

أخوي اليساندرو : اذا انت قريت الموضوع 3 مرات .. تراي قريته ولا 10 مرات .. حتى أني ترددت بحذفه لكن اقتنعت بوجوده بعد شوفة كلام طنازة وضحك ووصل الأمر لحقد وكره لدولة الكويت كلها :(





ياخوي يا Fc BaRcElOnA أغلط على الكويت والكويتيين ليش ؟ واضحك واتطنز ليش ؟ وأحقد وأكره ليش ؟

أولاً والحمدلله أخلاقي ماتسمحلي .. ولو سمحت لي أخلاقي فموقعي بأكبر شبكة رياضية مايسمحلي وتحسب ادارة الشبكة تسمح بهالشي !! .. وحتى لو كنت عضو لا والله ماتجرأ على الغلط على أحد أبد الا على من يبدأ بالغلط ومهو على شخصي لا .. أنا واثق من نفسي والحمدلله ولا علي من أحد .. ارد على من يغلط على الهلال والهلاليين وبحدود الأدب فقط .. وشلون عاد أغلط على دولة الكويت والكويتين .. وبمباراة ودية !!
واغلط ليش ؟ وانتم اخوان بالجوار وبالعروبه وبالإسلام وقرايب ونسايب وبمنطقة اقليمية وحدة وتجمعنا الكثير من العادات والتقاليد !!
يشيخ يكفي ان الكويت تلعب بالشعار الأزرق .. وشكلك ماتعرف غلاة الشعار الأزرق عندي !!

الله يهديك بس .. لعلمك تابعت المباراة وشجعت الكويت من كل قلبي وكأني اشوف الهلال بالملعب .. ولعلمك أن أكره ماعلي شوفة الألمان وفرقهم واذا تبي تتأكد تابع ردودي وتمنياتي بفوز اي فريق يقابل فريق الماني .. وأخرها مباراة فينورد روتردام وبروسيا دورتموند بنهائي كأس الإتحاد الأوروبي والحمدلله تحقق .. وتمنياتي بفوز فريق ريال مدريد على فريق باير ليفركوزن بنهائي دوري الأندية الأوروبية الأبطال وان شاء الله يتحقق ( أكتب هالرد وانا فاصل الاشتراك بصراحة والا كان جبتلك الروابط :D ). ومن عام 1990 يوم اغتصبت المانيا كأس العالم من الأرجنتين وأنا أكرهها وأكره فرقها لأني متعصب جداً للأرجنتين ولمارادونا .
ولعلمك اني بغيت اكتب اي شي عن المباراة لكن النتيجة واضحة وماهي بحاجة تحليل وكتبت انها مباراة من طرف واحد .. وانا ماجبت شي من عندي هذا اللي انا شفته . واذا انت شفت شي ثاني اكتب تحليلك .
وتكفى خلك واقعي وقل وش رايك بس بأخر ربع ساعه من المباراة وكم ضيع المنتخب الألماني هدف ومن انفرادات بعد .

ياخي بدل ماتفرح بقولتي أنها نتيجة كبيرة جاي تعاتبني !! أجل تبغاني اقول نتيجة متوقعة ومنطقية !! ووشلون لو كتبت قدم المنتخب الكويتي اداءً سيئاً وكان ملطشة وشوارع مفتوحة لهجوم الألمان ولا يستحق اي لاعب ارتداء الشعار الأزرق ؟ وش تبي تقول عني ؟ تبي تطلب بشنقي والله اعلم !!

على كل حال لك كل الأسف والاعتذار مني :shy:
والمرة الجاية لو ينهزم الأزرق بعشر أهداف والا أكثر ( وانشالله ماتصير ) راح اقول الكويت لعبت بمستواها وهذا مستوى الكويت وهي اللي ضاغطة ومن هالكلام :D .

تصدق .. تخيلت اني قلت هالكلام عن مباراة امس وجاني صداع :D وكأني شايف اخواني الأعضاء يقولون وشو هالمهبول ووشلون صار مشرف علينا هههههههههه


أخيراً .. صدقني ماتوقعتها منك ابد خاصة اني كنت متابع لمواضيعك وردودك من ايام كأس الخليج أنا وباقي الأخوان المشرفين حتى مايغلط عليك أحد وبالفعل حذفنا الكثير من الردود ايامها وتذكر بالتأكيد موضوع انسحابك من الشبكة بسبب بعض الأخوان المتعصبين ( وكل هذا موجود بمنتدى الادارة للأن ) .. وجاي اليوم تكتب رد بقمة التعصب و تتجنى علي ووتتهمني بشي يدمي القلب ويدمع العين .

ما أقول غير سامحك الله :shy: