|
هل كل اعضاء منتدى الزعيم مندسيين السلام عليكم ورحمة الله وبركاته انا صراحه هذا اول موضوع اكتبه في المنتدى لأني احب اقرى المواضيع واعلق عليها لاكن صراحه في اشياء تحصل في المنتدى نستغرب منها , عندما يعلق شخص على موضوع معين ولا يعجب اراء الاشخاص الاخرين على طول نحطه مندس , طيب هذي وجهه نظرة , لابد علينا احترام وجهه نظرة انا قلت الكلام هذا بعد ما اطلعت على المواضيع الي تتكلم عن المدرب او عن بعض الاعبين انا صراحه ماني مع اقاله المدرب كوزمين , لاكن في اشياء لابد من الأدارة ان تناقش المدرب فيها , انا اشوف ان المدرب كوزمين مدرب نفسي اكثر من مايكون مدرب تكتيكي , والأدلة كثيرة والدليل الاقرب مباراة نجران صراحه تغيرات غريبة عجيبة. انا قلت لا اطالب من الإدارة اقاله المدرب كوزمين لاكن على الأقل محاسبتة في كل صغيرة وكبيرة , انا شفت من خلال الأعلام والمنتدى ان اغلب من في الأدارة الهلالية يعتبون على لاعبين الهلال على الهزيمة , ويتركون المدرب رغم اني اشوف ان نسبة الخسارة 90% يتحمله المدرب . بالله عليكم كيف تتوقعون من لاعبين داخل الملعب وهم يشوفون المدرب قاعد يخبص داخل الملعب بتغيرات الغريبة , اكيد راح يكون شئ سلبي عليهم . اما بالنسبة لإنخفاض مستوى بعض الاعبين , صراحه هذا شئ قاعد ادور له حل ماحصلت, الأدارة لم تقصر مع الاعبين معسكر ماتوقع فيه نادي في السعودية راح يسوي معسكر زينا , مكافآت فوز انا اشوف انه مبالغ فيها , يعني كل شئ جاهز للاعبين , بيض الله وجهه الأدارة رمت الكورة بأيدي الاعبين , لكن قاعدين نشوف في المقابل الاعبين شئ عادي عندهم. محمد الشلهوب والله ماراح ننساك يامحمد نجم كبير لاعب فنان نحن نحبك يامحمد , لاكن ارجع لمستواك ترى والله طولت يامحمد خلاص نبي التمريرات السحرية نبي التسحيبات الثنيانية , اذا انت يامحمد تحب جمهور الهلال كما يحبك فارجع لمستواك انت الأمل بعد اعتزال النجم الكبير نواف التمياط وايقاف الاعب الكبير طارق التائب . ياسر القحطاني نجم كبير نحن نعول عليك الكثير في المبارايات المتبقية لا تخيب املنا فيك ايها الكاسر , المباريات الأخير لم تكن ياسر الذي نعرفه , قاعدين نشوف ضل ياسر , اذا انت تحب الجمهور كما يحبك فارجع لمستواك ايها الكاسر . للمره الأخير انا لما طالبت الأداره ان يحاسبو المدرب ليس كرها فيه او طلب لأقاله هذا المدرب بالعكس كوزمين مدرب كبير ولاكن على الإدارة محاسبتة كما تحاسب الاعبين . اتمنى اني ماطولت عليكم , واعذروني هذا اول موضوع اكتبه واتمنى انه يعجبكم , ويكون قريب من الصواب والصلاة والسلام على اشرف خلق البرية محمداً عليه افضل الصلاة واتم التسليم |
إذا كوزمين مهب مدرب تكتيكي أجل مين المدرب التكتيكي .....!!!!!! مع إحترامي الشديد لك .. إلا إنك مخطئ ... كوزمين من أفضل المدربين الي مرورا على السعوديه تكتيكيا .. و التبديلات كانت جيده على حسب المباراة .. فتغيير ياسر و دخول العنبر صحيح 100% لأن ياسر ما كان بيومه .. مع إن رأيي ما أغير ياسر مهما كان لأنه يقدر يغيير نتيجه بلحظه . بس الرأي الأصح هو تغييره .. و الفريدي .. كان رائع في المباراة و لكنه كان غير موفق بتاتا بتاتا أمام المرمى فكل جهده و مهارته ذهبت سدى و ضيع جهد الفريق أيضا .. و كان واضح بأنه لن يحرز هدفا و لذلك تم تغييره .. و طبعا دخول أحمد الصويلح كان تغيير رااااائع جدا .. التغييرات لم تكن سيئه .. و لا تكتيك المباراة كان سئ .. و إنما اللاعبين هم المخطئيين فكان الدفاع شوارع و أعتقد هذا يرجع لعدم وجود خالد عزيز و عمر الغامدي في المباراة .. فغيابهم جميعهم مع بعض أثر على الهلال دفاعيا ..فالخثران المكان هذا ليس بمكانه الأصلي و هو كبير في السن لا يستطيع الركض و سد الفراغات .. أما عن الغنام فهو لاعب موزع و أكثر منه لاعب يقطع الكور .. في إعتقادي هذه هي المشكله التي حدثت للهلال .. و لا دخل لكوزمين فيها .. |
محد طلب بإستقالة كوزمين بس نحنا لنا حق إننا نعاتبه هو المسئول الأول للخسارة تغيرات أول مرة أشوف ثلاثة لاعبين يلعبوا في الوسط بالقدم اليسرى الشلهوب والدوسري والخثران ؟؟؟؟؟ ثلاثة جولات ماثبت على تشكيلة وحدة دحين المدرب مفضل العنبر على الكلثم والله حرام العنبر لاعب لا يقدم ولا يأخر المفروض الدوسري مكان القحطاني ومشكور |
لا تضلمهم كلوه تمام بس اصبر |
اخي الحبيب.. هل يخامرك ادنى شك انه لايوجد مندسين في هذا المنتدى ؟؟ انهم موجودون وبكثره .. وبعضهم يكتب بعدة معرفات.. نسال الله ان يكفينا شرهم وان يرد كيدهم في نحورهم |
اكيــــــــــــــــــــــــــد فيه مندسين |
اخي الحبيب.. هل يخامرك ادنى شك انه لايوجد مندسين في هذا المنتدى ؟؟ انهم موجودون وبكثره .. وبعضهم يكتب بعدة معرفات.. نسال الله ان يكفينا شرهم وان يرد كيدهم في نحورهم |
اخي @فهد@ لشك من محاسبة الكل عند التقصير ومعالجة الخلال وهذا ماصرح به اميرنا الحبيب عبدالرحمن بن مساعد حفظه الله حيث قال( كما انه هناك ثواب ومكافه للذى يعمل ويجتهد سيكون هناك عقاب للمقصر) وهذا الذي حدث حيث تم الاجتماع مع المدرب ثم مع اللاعبين ومناقشة الجميع وتم اتخذ اللازم بخصوص ماحدث في الجوله السابقه ويجب ترك الادارة تعمل حسب ماترى من مصلحة وان نقف ورائها 0 اما بخصوص المندسين يوجد في المنتدى ( بعض المندسين وتكتب وتثير بعض المشالكل من باب الانتقاد ووجهات النظر وان ليس هناك فوق النقد وهم في حقيقة الامر هدفهم ( تغير مسار وتعطيل المسيرة الهلاليه) وهناك من ليس منهم ولكن ينخدع بكتباتهم واسلوبهم فيردد ويؤيد مايقولون0 اللهم يالله يارب العالمين وفق نادي الهلال لكل خير واجعل جميع البطولات من نصيبه وله اكثر واوفر الخير اللهم آمين 0 |
ياحبيبي جمهور الزعيم يعرف منهو المندس وبعدين يجيك واحد يكتب عن المدرب ببدايه الموسم من ثاني مباراه للفريق وش تقول عنه هذا مايفهم كوره او يحسب المدرب لاعب يسجل اهداف مع انه ماقصر كوزمين سوى الي عليه وزياده بس ناقصه التوفيق و جمهور الهلال محب لناديه لدرجه خياليه ومايحب يشوفه خسران ... ويعطيك العافيه على الموضوع |
إقتباس:
لاكن تضل وجهة نظرك وانا احترمها , وانا هذي وجهه نظري ولابد تحترمها وانا ماتكلمت الى عن طريق ادله كثيرة عليك ان تشاهد مباريات الدوري الماضي وتعرف فيه مباريات غلط فيها كوزمين كثيرة لاكن الأدارة ساكته مافيه محاسبة له , انا صراحه ملاحظ الأشياء هذي من العام الماضي لاكن بحكم ان الفريق قاعد يمشي صح فضلنا السكوت ماشي ولك في مباراة الأتحاد مبارة الذهاب بكأس الملك لاحظنا كيف كوزمين اخطاء , ثلاث مبارايات في بداية الدوري لم يثبت على تشكيلة معينه , انا ماني ضد كوزمين لاكن على الأدارة محاسبته . |
| الوقت المعتمد في المنتدى بتوقيت جرينتش +3.
الوقت الان » 01:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd