07/10/2008, 04:15 PM
|
| زعيــم متواصــل | | تاريخ التسجيل: 25/11/2007 المكان: الرياض
مشاركات: 140
| |
|
قصه واقعيه عن الهلال
السلام عليكم يا احلي جمهور
بأختصار ابدخل في الموضوع
انا رجال في مشارف الاربعين خريف ( من وين طلعت خريف ؟ ) اقصد اربعين سنه منها سنتين رضاعه وثمان وثلاثين سنه رضاعة لحب الزعيم .
وترا واحد من عماني الله يرحمه كان احد لعيبة الهلال بس ( منذ مبطي )
يقول رحمة الله عليه كان ساكن في البطحاء ( من جد ترا ما امزح ) وكان عنده دباب ( مين مثله الله يرحمه في ذاك الزمان ) المهم الرجال يقول اذا صحي الصبح شرب طاسة حليب ورقع فوقها 8 بيضات نيه وطلع يهرول من البطحاء الين مقر نادي الهلال ( ماشالله والله الصحة ) ويحضر التمرين همن يضرب الباب بس ماهب مشي يخلي احد زملاه يوصله .
ويقول الله يرحمه ما كان يتعبه (غير معسكر) العليا ما قبل المباريات كان مشوار صعب عليه بالحيل وخاصة بالدباب ما يصل ذيك الفله الا وجه مغبر ومتغير اللوانه .
الله يازين ذيك الايام يوم كنت اروح معاه وان متشقق من الفرحه
في ذاك الزمان لا في احتراف ولا عقود ولا طيارات خاصة ولا شركات ولا ملايين كان فيه حب الهلال فقط لا غير .
اليوم الدنيا اتغيرت وصارت الدعوه ( طق عصي ) ملاين لعقود اللعيبه الله يرزقهم وطيارات خاصه واحلي انواع الدلع ويجي السيناريو كالتالي
فوز في مباره او اثنين على فرق اقل بكثير من مستوي الهلال
همن استهتار في الثالث ويلعبون اللعيبه باسم الهلال بدون روح الهلال والطبيعي انهم ينهزمون
والضعيف يجي بعد الهزيمه عقب ما يتشرشح في اللعيبه شوي ويحسون انهم لابسين اغلي شعار ويرح فيها الضعيف الي يبي يقابلهم
والمره ذي جت من حظ الوطني
فمبروك الفوز مقدما
وهذا الكلام من واقع خبرة 38 سنه في حب الزعيم
وتصبحون على الف خير |
الوضع الشجري
