|
حركة قوية بجهاز نوكيا N96 تصلح للي يستبثر عليك السلام عليكم ورحمة الله وبركاته الحمد لله شريت جهاز نوكيا N96 وانا من عاداتي انواع الإستبثار على الجهاز اللي أشتري أدخل كل داعوس وافر الجهاز فر المهم وأثناء فرفرتي بالجهاز وتجربة كل جديد في هذا النوع من النوكيا لقيت حركه حلوه جداً وهي انك تقدر تقفل الجوال عن بعد موب تطفيه لا تحط القفل اللي ماحد يقدر يفكه الا برقم سري والطريقه كالآتي : أدخل القائمة ---> الضبط ---> عام ---> الحماية ---> الهاتف وبطاقة SIM إذا وصلت هنا بتلقى بأحد الخيارات خيار اسمه ( قفل الهاتف عن بعد ) وبتلقاه عندك معطل ادخل عليه وحطه تمكين بيطلع لك خيار اللي هو رمز تحطه ولنفرض انك بتحطه ( aaaaa ) ولا ( 11111 ) للتجربه فقط وبيقولك ادخله مره ثانيه للتأكد وبعدين بيقولك ادخل رمز قفل الجهاز اللي هو بكل جوالات النوكيا بيكون ( 12345 ) بعدين بيقولك تم بكذا انت الحين ضبطت الأمور وباقي التجربه الحين خذ أي جوال ثاني غير جوالك وافتح رساله جديده وأكتب بالرساله الرمز اللي أدخلناه اللي هو ( aaaaa ) ولا ( 11111 ) وارسلها لجوالك بعد ثواني بتلقى جوالك اول ما يستقبل الرساله يقفل اتوماتيكياً ويرسل رساله للجوال اللي ارسلت منه الرساله يقولك ( تم قفل الجهاز ) وطبعاً فك القفل بالرقم السري حق النوكيا المعروف اللي هو ( 12345 ) . ملاحظة : الرمز اللي بتكتبه بالرساله لازم يتطابق مع اللي حاطه بالجهاز يعني لو حطيته حروف انقليزية صغيره لازم الرساله يكون نفسه بالضبط طبعاً أنت خلك ذهين وغير الرمز حق نوكيا المعروف عشان البثر اللي بتقفل عليه الجوال ما يفكه . ونصيحه مني ( الرمز اللي تبي تحطه لجوالك واللي ترسله برساله عشان يقفل الجهاز لا يعرفه احد ) لأني عانيت منها اخوياي عرفو الرمز وصارو يرسلون رسايل فيها الرمز ويقفلون الجهاز مليت وانا افك . واللي ماعرف يطبق يعلمني وبإذن الله نسهلها له وبكذا نكون خلصنا التطبيق والسلام عليكم |
إقتباس:
---------------------------------------- وصلت لما هينا |
غلطان رحت اتاكد لقيت الجوالN96 ولي معي n95 |
ارسل بلوتوث او sms وشكراً |
طريقة حلوة بس بتخسر فلوس صح ... |
وآو حركه حلوه و تفيد والله .. __________________ بكم الجهاز } |
والله طريقة حلوة بس ابي أسألك بكم خذته وتنصح اشتريه ياليت الرد |
هلا والله ابروح أشري <<<<<< مصدف نفسه الله يعطيك الف عافية على هالحركة |
هلا اخوي بالله كم شريته ؟ وش المميزات الي فيه ؟ وهل تنصحني فيه ؟ وش ضمانه ؟ وشكرااا |
حركه حلووووووووووووووووووووووووووووووه |
تيب اقدر في جوال N95 المطور............................ |
الزعيم*الهلالي الظاهر الحركه من N96 وطالع AL-QAHTANI 20 مادري عن البلوتوث انا جربت الرسايل بس وشكراً الجارح20 صحيح تخسر حق رساله وحده بس عاد انت قليل بتستخدمها يعني ما يضر الميزانيه ذيب المنتدى الجهاز وانا اخوك شريته اول ما نزل بـ 3100 لكن الحين اعتقد نزل سعره التورنيدو الهلالي يا طويل العمر اخذته بـ 3100 وأنصح بقوه هنري بريدة الله يعافيك حبيب قلبي ولد الغلبا شريته بـ 3100 وأنصح فيه بقوه ومميزاته زي الـ N95 تقريباً لكن الشاشه اكبر بقليل وأخف وفيه الحركه هذي هي الجديده وفيه برظو من الخلف إطار الكاميرا قطعه بلاستيك يخلي الجهاز يتكي على جنب وضمانه آي تو وصناعته صيني ماهو فنلندي لأن على حد علمي ان الفنلندي ماعاد ينزل اجهزة بس N95 و N95 8gb والباقي كله صيني لكن انا ماتغير علي نفس الجوده بالضبط ((البارسا)) انت احلى Hamd7770 للأسف ماتقدر لأن الميزه هذي من N96 وطالع على ما اعتقد |
يالحبيب التكفيل لابد أن تكون نفس الشريحة الأولى بالجهاز ،، يعني لو غيرة الشريحة يلتغي التكفيل من بعد ،،، و أيضا لو عمل له فرمته هل يطلب الرقم أولا أو لا |
طيب ياخوي من خلال إستخدامك للجهاز . هل الجهاز يكرف مثل بقية اجهزء نوكيا الاخرى |
والله حركة مجنونة تشكر عليها |
| الوقت المعتمد في المنتدى بتوقيت جرينتش +3.
الوقت الان » 08:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd