ما شفت في العالم كله جمهور مثل جمهور الهلال
بصراحة مافي مباراة للهلال في الرياض خلال الست سنوات الماضية إلا وحضرتها وحضرت مباريات الهلال في البطولة العربية بمصر وتصفيات كأس آسيا بلبنان ...
ولكن هذا هو جمهور الهلال ما تغير
في المباريات المهمة يمتلي الملعب وفي النهائي وخصوصا اذا كان الدخول مجاني يبلك تحضر قبل المبارة بساعة ويالله تقالك مكان ورى الدعيع....
بس مع ذالك الجمهور ساكت وان شجع غنى
يا عيوني....هالله الله
وان جت هجمه لنا وقفوا وما خلوك تشوف وان ضاع سبوا ولعنوا في الآعب وان سجل قلنا هذا النجم مو لآعبين النصر
وان كسروا لآعب من لآعبينا صرخوا كرت يا حكم وان ما طلع كرت قالوا فاشل وإلا غير كذا ساكتين طول المباراة
والرابطة اثنين ما سكين طيران ومصري لآبس طربوش ويترقوص بعد كل هدف ....
بصراحة أغار لما اشوف رابطة الإتحاد او الأهلي إلى تهتف لفريقها طول المباراة بأهازيج وأغاني خاصة بهم وجمهور الزعيم ساكت
ومن القهر يقوم واحد من الجمهور ويصرخ يا هلال يا هلال
ولا واحد ثاني يقول الغز كله عزك ... ويرد معه كل الجمهور ياهلال..
وبس وبعدين تجي فترة صمت أخرى وهكذا ....
لية ما يصير لنا رابطة فعالة وعندنا أغانينا الخاصة وخاصة اغنية راشد الماجد يا هلال عديت بأمجادك وغيرك يعدد
وزاد الطين بلة الوضع في البطولة العربية اجل هذا جمهور الزعيم مستحيل مو محتاج الهلال ان يحط 10 الآف لواحد يشوت الكورة علشان يجي جمهور ...
والله العظيم بتشوفون الجمهور بيملى الملعب في نصف النهائي والنهائي ....
بس ليش ما يكون هذا هو الوضع طول الموسم مو بس في النهائيات....
وأقدم إقتراح لنادي الهلال بوضع تذكرة الموسم مثل ما يحصل في أوروبا
تذكرة او بطاقة تخول لصاحبها حضور تدريبات النادي وجميع المباريات التي تقام على أرضه سواء كانت محلية او ودية او بطولات آسيوية او عربية وخليجية ويكون لها سعر معقول واكيد بيزيد معها حضور الجماهير بنسبة كبيره
وخلوا هلالنا يستفيد من جمهورة الكبير ....
فالهلال صاحب اكبر قاعدة جماهرية خليجية إن لم تكن آسيوية

وآسف على الإطالة


------------------
ومسائكم ورد