أشكر مروركم جميعاً

ومن قال نقده عن المدرب (زعيم ثرمداوي ـ ونيس البرق) نقطة بالفعل تستحق النقاش
المدرب قلنا نعترف إنه عالمي، وحقق بطولات.....الخ وكل من ناقشناه قال المدرب جاب لكم بطولة العام الماضي
يعني بالعربي لا تناقش فيه؟
وهذا الكلام مو معقول، المدرب الحين وبكل صراحة له فترة طويلة، وللحين يتخبط في التشكيلة، يلعب لأول مباراة رسمية بتوليفة غريبة، طيب سؤالي وينك يا كوزمين في المباريات التجريبية!!؟ ليه ما لعبت خيرات ظهير مباريتين أو ثلاث من التجريبيات ... والا يظن هذه مباراة تجريبة؟ كارثة بالفعل.
ثم إن كوزمين شفتوه يعتمد على مهاجم واحد خطة عقيمة ولا يطبقها إلا الفريق الضعيف، يا جمااااااااااااااعه أدركوا الأمر قبل فوات الأوان قناعات المدرب العقيمة بمهاجم يجب أن تزول، ياسر زاد وزنه بعد عرسه وتحركاته ضعفت
إذا المدرب في الحالة هذه يلعب بدون مهاجم ، يلعب بطريقة دفاعية، ومع فرق المؤخرة، يا حسافة بس على اللعب الصح، والمشكلة إن رجالات الهلال الله يوفقهم ويبارك فيهم يدافعون عن المدرب ، ويقولون المدرب ما عليه كلام ولا هو متخبط اللاعبين هم السبب وهذا نقد من عين وحده فقط، صحيح اللاعبين أو بعضهم متماوت وبارد والظاهر إن الطيارة الخاصة والمعسكر الخارجي والتدليل هذي نتيجته ................!!!! لكن تغييرات المدرب ماهو في مباراة نجران بس بل في كثير من مباريات الزعيم تظهر لك إن المدرب ماهو عارف يوظف لاعبيه، والتغييرات غريبة جداً.
الواجب من إدارة الكرة المشرفة أن تناقش المدرب ولا تغض الطرف ، وتدافع عن المدرب، كل واحد ياخذ نصيبه من التوجيه والنقد، المدرب واللاعب، ولا بد من المصارحة، وإلا إذا بنقيم المدرب بعد [10] مباريات على تصريح رئيس النادي الله يطول عمره على الطاعة اليوم، فحلق حواجبي إن خذينا بطولة.وسلامتكم.