بو طبيع مايجوز عن ( طبــعه ) - نادي الهلال السعودي - شبكة الزعيم

ابو طـــــلال · #1 05/10/2008, 03:03 AM

أحبتي أعضاء منتدى شبكة الزعيم وكل جمهور الأزرق .. تحية لكم جميعا .. وهاردلك الهزيمه
نجران فريق من هالـ 12 فريق في الدوري .. نتوقع منه يفوز ويتعادل زي مانتوقع هزيمتة .. أبسط حقوقه وهدف يتمنى الوصول له خصوصا أمام الهلال .. زعيم الكرة الآسيويه ... أتوقع لو يهبط الحين نجران عادي بالنسبة لهم .. كفو ووفو

نقاط سريعة :

ثالث مباراة .. وأشوف سب اللاعبين على ( وذنووه ) أللى انتهت صلاحيته . واللى سمن .. واللى ماينفع أبد .. حتى وصل النقد للإدارة ممثلة بالأمير عبد الرحمن بن مساعد .. والكابتن سامي الجابر ..
بعد هالخسارة كل إدارة الهلال والجهاز الفني واللاعبين نالو نصيبهم من الإنتقاد والتشكيك وو ...
بدري شوي يالربع ...... المشوار طويل .. لايصير توقيف طارق التايب فجر كل مافيكم من غضب على الزعيم ومن فيه !!

طالما ذكرنا التايب .. تم تقديم إستئناف وأعتقد بأن الحلول مطروحة حتى لو تم دفع الغرامه وإلغاء الإيقاف كإجراء يحفظ حق النادي واللذي لايتحمل خطاء غيره ..
الغريبه أن الهلال هو الوحيد من يواجه هذه المشكله .. أين الإتحاد السعودي !؟ أليست كل الأندية تحت مظلة هذا الكيان وهل الهلال نادي غير سعودي لكي يتم تجاهل مثل هذه القضيه المظلوم فيها خصوصا في مثل هذا الوقت والتوقيت ! أم هنالك من هم في ( المظله ) أشد من الفريق التركي حرصاً على تطبيق هذه العقوبة !!؟ ضد الهلال السعودي ..

في حلم الحالم اللى يحلم بناديه الحالمي .. تكون احلامه كالتالي دائما :
لغاء هدف صحيح ضده
عدم إحتساب ضربة جزاء صحيحه ميه بالميه
تحامل الحكام .. والرئاسة .. والحكومة .. والكونجرس الأمريكي .. واللوبي .. وهيئه حقوق الإنسان .. ووكالة ناسا مستقصدينهم ..
بطولاتهم الرسميه فوق 139 بطولة .. غير الخارجية 44 بطولة ..
جمهورة يتعرض للمضايقة والظلم من الجماهير الأخرى ..
جماهير الأندية المنافسة حاقدة عليهم وعلى ناديهم

بعد الإفاقة .. والإستيقاظ نجد التالي ..

قذارة في المدرجات من قبل جمهورهم .. إستخدام الليزر .. المفرقعات .. الأحذية ( عزكم الله ) الكلمات الوصخة ..
في كل فوضى يحدثها هذا الجمهور .. يأتي ( المهدي المنتظر ) حقهم .. ويقطع الملعب بالعرض والطول علشان يهدي جمهورة ( المشكلجي ) الزعلان !!

وكأنه من سيملاء الملعب عدلاً كما امتلأت جوراً وظلماً وهم أسباب الجور والظلم والفوضى !!
إلى متى كل ماتصرف جمهورهم الأرعن بتكلك التصرفات يسمح لشخص منهم لايقل عن عقلية هذا الجمهور تعصباً وفوضوية .. يعني يهديهم على أيش ؟؟ صدق لاقالوا ( أقرع ونزهي )

ناس تقول ننتظر وش العقوبة ضد هالجمهور ؟!! وانا اقول لاتنتظر عقوبة إلا مشكلة يكون طرفها الهلال .. حتى لو كان مظلوم ! تبي إجراء سريع ورادع .. إجعل الهلال طرفاً فيها
تبي قضيه منسيه ومطوية .. المطلوب فقط ان يكون النصر صاحب هذه الفوضى والمشكله ..

عجيب أمر الجار ..؟!!! والله عجيب ؟؟ فريقة .. جمهورة .. إدارته .. حتى قنواته ومحللية !!
اتوقع يبيلهم بعد عشر سنين ثانيه ( تعقلهم )

طالما ان الختام مسك كما يقال

.. سأختم حديثي عن جمهور الهلال ( الزعيم )

لاتستعجلون على فريقكم .. الدوري توه بادي .. المشاكل والظروف السيئه مع كل جهة !! حرب من هنا .. وهناااك
لابد من الوقوف مع الفريق في إنتصاراته وهزائمه .. المشوار طويل

وعسانا نطلع من مشكلة التايب على خير ..

اخوكم الصغير ابو طلال