|
سبني يا موقرم .. سبني يا متوحش .. لأة .. لأة .. اااااااه .. !! بســم اللــه الرحمــن الرحيــم حيالله الجميع .. حيالله كل(ن) باسمه .. صنت إنسان همجي من الطراز الرفيع . مدلّع من قبل أبوه دلع(ن) زايد . إنسان نصاب . واللي يقهرني فيه أنه معجب بنفسه إعجاب الله لا يوريكم . يشوف في نفسه انه هو أفضل شاب في الحارة . مع أنه ما فيه شي يفتح النفس . أكثر كلمة في لغتنا العربية تثير إشمئزازه هي كلمة (( نظام )) . إنسان متابع للأفلام المصرية بشكل أقدر أسميه (( إدمان )) . الصدز انه مبهذل بـ أميمته وأبيّه . لاهو اللي يشوف وش يبي ابوه عشان يعاونه ولا هو اللي بار(ن) بـ أميمته هالعجيّز الضعيّفة . وش أقولكم بس . هالادمي حتى حارته ما سلمت من شرّه . خلوني أقولكم سالفته ذاك اليوم . في ذيك العصرية طلع صنت من بيتهم متجه للملعب اللي ورا بيتهم طبعاً رايحن بالثوب واذا لعب يلعب حافي مستحيل يلبس جزم (( أعزكم الله )) لأن حضرته ما يرتاح بـ الترنق (( لبس الرياضة )) . وصل للملعب والشباب صار لهم نص ساعة يلعبون (( السلام عليكم .. يالله يا شبااااااااااب من يبيني أطب معه ؟ )) .. جا له منيف وهو الحكم وقتها (( وعليكم السلام .. يالله حيّه .. والله يا صنت العذر والسموحة ألحين لنا نص ساعة نلعب .. ولا نقدر نفرقك .. بكرة ان شاء الله نشوفك )) .. (( وشو .. وشو ؟؟ منتب ملعبني ؟؟ .. ألا بـ ألعب وغصب(ن) عنك )) .. (( طب وشف وش بيجيك ؟؟ )) .. المهم ويطب صنت الملعب ويجيه منيف (( يا صنت .. احترم نفسك واطلع احسن لك .. وخل هالعصرية تمر على خير )) .. (( خخخخخخخخ .. خفت يالذروق .. وين كلامك قبل شوي ؟؟ )) .. منيف ما تحمل كلامه . راح وخنقه . وكف من صنت . ورجفة من منيف . في النهاية الشباب فكوهم . على أن الاثنين عيال حارة وعيب انهم يتطاقون . وراحت ذيك العصرية نكد في نكد ويالله انهم تراضو هالاثنين . وصنت وسيع الوجه قبل لا يمشي التفت عليهم وقال (( لو ما جا من هالعصر .. ألا أني خربت عليكم يالزلايب ههههههههههههه )) . الشباب خلّوه لإنهم عارفين أنه إنسان ما ينعطى وجه وتبون الصدز مهوب رايقين له . مشى صنت وإعجابه بنفسه يزيد وخصوصاً بعد سالفة منيف والعيال . لانه خرّب اللعب عليهم ولا واحد تكلّم . وما أخفيكم أنه حس بـ أن له هيبة أكثر من قبل . وهذي هي حياة صنت . من جرف لـ دحديره . المشاكل عادة أقدر أصنفها عادة يومية . وابوه ما عمره تكلّم عليه بـ كلمة بـ زعمه أن الدنيا راح تعلّمه وبأكثر دقة مدلعه و أمه عجوز لا لها ولا عليها . ما غير هالرادو يرنع عندها والشيء الوحيد اللي ممكن تطلبه هو حجر الرادو . يا حبني لها إنسانة قنوعة بشكل غريب . المهم صنت وللأسف أنه ما يحترم أهله لإنهم معطينه وجه وهذي مشكلة الدلع الزايد . (( سبني يا موقرم .. سبني يا متوحش .. لأة .. لأة .. اااااااه )) خخخخخخخخخخخخ 8 8 8 هذا صنت الله يخلف عليه قاعد يتابع فلم مصري :no: صنت إنسان من كثر إعجابه بنفسه كل ما جلس عند واحد يسوي دعاية عن نفسه . ذاك اليوم قاعد(ن) مع صويلح ويقوله (( تصدق يا صويلح ان حارة شايع طالبيني ألعب معهم في فريقهم )) وهالنصاب أصلاًهو قليل يلعب واذا لعب يلعب عشان يخرب على الشباب وبرضوه اذا لعب يلعب بثوب وطبعاً صويلح يمشّي له نصباته لأنه عارفه ومعطيه جوّه . وذاك اليوم يقول لـ عايض (( تصدق يا عايض أني ماخذ شهادة شكر وتقدير من إدارة المدرسة )) وهالنصاب قاعد في الابتدائي عشر سنوات والمتوسطة ست سنوات والثانوية ست سنوات . يعني عشرات سنوات ساقط وطبعاً برضوه عايض معيّش صنت جوّه ومخليّه ينصّب على راحته . المراد . والأسوء من هذا كلّه ان صنت يعتقد أن الشباب اللي يسولف عليهم مصدقينه . وهذا اللي يدفعه للتوغل في عالم النصب . عموماً .. مثل ما قلت لكم . صنت مدمن أفلام مصرية وما أخفيكم أن هالأفلام لها تأثير عليه . ومن الاشياء اللي لاحظتها عليه أنه صار بخيل بقوة ولا فيه أمل يدفع ريال واحد وصار كل ما سمع عن واحد شرى له شي يردد جملته (( يا حبه للتبذير .. المفروض انه يحفظ قرشه الأبيض ليومه الأسود :d )) . وذاك اليوم شاف له فلم فيه واحد(ن) يصّيد طيور . وتمسك مع صنت أن يصّيد مع العلم أنه ما يعرف يمسك البندق . عموماً ويتسلل ذيك العصرية لـ غرفة أبوه ويسرق البندق (( نوعها .. شوزن )) ويطلع لمزرعة ابو سليمان . وصل للمزرعة وللمعلومية ابو سليمان شايب اربع وعشرين ساعة في هالمرزعة لا يروح ولا يجي . جا صنت ودخل المزرعة ولا أحم ولا دستور . وابو سليمان جالس في الدكّة ألا ويسمع صوت رمي . استغرب ابو سليمان من هالصوت وما توقع أن صنت جاي بالبندق لعلمه التام ان صنت ما يدري وشو الصيد . راح للنخل . والشيخ صنت يرمي على عماه ومرة طايح(ن) عسيب نخلة ومرة طايح(ن) عذق تمر يعني العربي ابو الشباب فسّد مرزعة هالشايب . ابو سليمان شايب ما هنا ذاك النشاط . قعد يصّوت (( صنت .. صنت )) بعد نص ساعة تقريباً .. طلع له صنت (( هلا ابو سليمان .. اخبارك ؟ )) .. (( بخير وانا عمك .. وبعدين ياصنت ليش ترمي بهالبندق في نخلي ؟ ما تدري أن هالبندق تدمر النخل الله يهديك )) .. (( وش دعوة .. يابو سليمان .. وانا جاي ادمر نخلك .. انا جاي أصيد طيور )) .. مع العلم ان صنت كان يشوف الفساد اللي سواه لكن رده لـ ابو سليمان كان تهرب . المهم .. انتهى الحوار بجملة من ابو سليمان اللي هي (( الله يهديك بس .. وسلمني على ابوك )) . وصنت بدون مبالاة مشى من المزرعة و لا كأنه مسوي شي . في صلاة العشاء جا ابو سليمان وكلم ابو صنت وعلمه عن اللي سواه صنت في المزرعة . وكالعادة راح ابو صنت للبيت ولا قال لـ صنت شي وصنت اصلاً مهوب يم ابوه ابو الشباب لاهي مع روتانا سينما كالعادة . وتمر الايام . ومهازل صنت تزود وكل يوم يفاجأ الحارة بمشكلة جديدة . مرة أحرق عداد كهرب الحارة و مرة طاق(ن) له واحد .. إلخ . والجيران تبون الصدز ملّو منه وطبايعه . وفي قرارة أنفسهم أنهم سكتوا بما فيه الكفاية . العيال اللي يلعبون في الملعب يشتكون منه لإن يجي ويخرب و ابو سليمان متوذي منه بسبب هواية الصيد اللي طلعت فجأة . وكثير من الجيران يعانون منه واعذروني ما اقدر اسرد سوالفهم لاني لو بأقولكم كل السوالف سواها صنت ان كان طالبت ادارة المنتدى يحطون لي منتدى لحالي من كثر سواياه . لكن هذا ما يهم . واللي يهمني هو ليش استمر صنت في سوالفه هذي ؟؟ الجواب ببساطة لانه ما لقى أحد يردعه . المهم الحارة قرروا بالاجماع انهم يروحون لـ ابو صنت ويقدمون شكوى جماعية . قلطوا عند ابو صنت . علموه بـ سوالف ولده . و أصلاً ابو صنت يعرف كل اللي قالوه ضيوفه لكن زيارة شياب الحارة صار لها وقع بقلبه . طلعوا الجماعة من عندهم وبعدها حس أنه كان مدلّع ولده فعلاً . وبالفعل تغيرت معاملة ابو صنت لولده وأول إجراء سواه .. شال التلفزيون من غرفة ولده ومسح قناة روتانا من تلفزيون الصالة . ما ودي اكذب عليكم وأقولكم أن صنت عقل مرة وحدة . لكن اللي أقدر أقوله انه تحسن . وصار يحس ان وراه أبو لما يغلط راح يعاقبه . أبشركم ألحين صنت أفضل من قبل وان شاء الله أن راح يتحسن .. دعواتكم يا شباب .. @@ بالمنقــاش @@ ** في السابق ..نقلت مباراة للهلال لـ أجل كلمة خرجت من (( فئة بسيطة )) من عشاق الزعيم وهي بالفعل خطأ ولا أنكر ذلك ولكن الغريب في الامر أن التصرفات المحسوسة لا يتبعها عقاب والتصرفات (( الصوتية )) أصبحت جريمة لابد من تسليط الضوء عليها . ** أحداث هوليوودية عشناها في المواسم السابقة . فـ قبيل فترة الكل شاهد ذاك المشجع البريء وهو يعكّر صفوة الهواء الطلق بـ دخان (( المعسّل )) الذي أحظره معه لمدرجات الملعب . وهذه مشكلة كبيرة و المؤسف في الموضوع أن عشاق العالمي يحاولون تعتيم ما جرا . والعقوبة ما هي ؟ هي الصمت ** تتكرر المهازل .. مروراً بالعروض الليزية من قبل الجماهير العالمية . فعلاً أمر يثير الإستغراب . شعاع ليزري يسلط على أعين نجومنا ولجنة الإنضباط لا تحرك ساكناً . مالذي حدث بعد أول مساندة ليزرية بدون وجود عقوبة ؟ تتكرر العمليات الليزرية بشراهة والمعنين بالامر يرفعون راية الصمت . ** (( احفظ طرطعانك الأبيض ليومك الأسود )) جملة رددها عشاق العالمي وفعلاً طبقوها في مباراة الإتفاق الماضية وحتى هذه اللحظة لم نسمع ري اكشن . هل سنسمع القرار الرادع ؟؟ لا تلوموني يا سادة فكثرة المساس تفقد الإحساس . وكثرة مساسي بـ تجاهل اللجنة المعنية لما يحدث من تصرفات همجية .. أفقدني إستشعار عظمة الخطأ المرتكب . ** صنت .. إنسان همجي بشكل غريب واستمراره في تصرفاته الهمجية يعود لعدم وجود الرادع . الجمهور الشمسي وضعه مشابه لـ صنت فـ عدم وجود الرادع لهم أصبحوا يتفنون في تطبيق المخالفات .. ** أبا صنت .. كان في غفلة .. عندما كان يتجاهل (( ضرورة )) عقاب أبنه . و اللجنة المعنية وضعها مشابه أيضاً لوضع أبا صنت . فقد كانت في سبات عميق (( قد يكون .. نوم مقصود )) . عندما تجاهلت ما مضى . ولكن .. هل سيستمر الصمت المثير ؟؟ أم سنسمع ما يسمى مجازاً عقوبة أم ستكون هناك عقوبة فعلية ؟ وما أصعب الإختيار الاخير . ** أبا صنت .. راجع حساباته .. بعد زيارة أعيان الحارة له . هو كان يعلم ما كان يفعله أبنه . ولكن تلك الزيارة لها تأثيرها . الجمهور السعودي وضعه مثل أعيان الحارة . و وحدوا أصواتهم من أجل المطالبة بالمساواة . ولكن هل اللجنة المعنية ستفعل مثل ما فعل أبا صنت ؟؟ أتمنى ذلك . ** أبا صنت صادر التلفاز من غرفة ابنه و حذف قناة روتانا سينما من تلفاز الصالة . وهذا كان أقوى إجراء فعله أبا صنت . السؤال هل لجنة الإنضباط ستعزل العالمي عن شمسه بوجه الحق ؟ لست انا من يطالب بذلك .. بل الحياد نفسه هو من يتحدث عني . . . . يالجنة الإنضباط يسلم عليكم صنت ويقول (( نعنبوا بليسكم .. أبوي هالشايب وعاقبني وانتم إلى ألحين ما عاقبتم الجمهور الشمسي َ!! )) . . . إنتهــى . . نيوتن |
صرآحة يا نيوتن اسلوبك يشد كل عضو يقرا الموضوع من اول حرف لاخر حرف :smilie47: صدقـت فعلاً , فـ صنت لا يزال يوآصل حركاته الطفولية , دون اي رادع , تدري ليش مايعاقبونه , لان فصولـي يصير صديق لابو صنـت و مايرضى يزعله , خايف تروح عليه s60s فعلا هذا حال جمهور الشمـس مع لجنة الانضباط , حنا نتفق ان الانضباط راح تعاقب الجمهور النصراوي لكن بنقل مباراة واحده خارج ارضـه , هل يعقل بعد كل هالحفله و الالعاب الناريه و رمي الجله :d يكتفون بنقل مباراة واحده بس ؟ لا و بتصير المباراة في ارض الاتحاد يعني موب خسرانين شيء :d و كل هذا بسبب ابو صنت و صداقته مع فصولي :yes: نيوتـن , وقفة احترام لقلمـك المميـز :) |
ههههههههههههههههه فعلاً شر البلية ما يضحك و الله جمهور ابو طاقية صفراء تمادوا اكثر من اللازم و لجنة الانضباط لا حس و لا خبر ما نقول الا لاحول و لا قوة الا بالله اخوي نيوتن : موضوعك رائع و شيق و تشبه صنت بالجمهور الحالمي تشبيه رائع و قوي ألف شكر لك اخوي الغالي |
إقتباس:
الامور هذي يشوفونها بسيطة ولا يتحركون لها . الله يرحمك يافيصل . إقتباس:
بالصميم يانيوتن .. والله طفشنا من لجنة الانظباط ، الى متى بس . كل موسم نشوف مجاملة للجار .. ماصار دوري هذا . مبدع يانيوتن .. ماشاء الله |
موضوووووووووووووووووووووووووووووووووووووووع رااااااااااااااااااااااااااااااااااااااااااااااائع من كااتب اروووع وتسلم يمينك |
نيوتن يـ تترك النصر وغيره في حالـه مالنا فيـه لو قلبهـآ سـآمري لنـآ في فريقنـآ وضعنـآ يبيلـه وقفـه :) |
مشكور على الموضوع الجميل .. ..وبالتوفيق .. .. |
والله ماشاء الله عليك دائما تبهرني بقلمك و تذهلني بتشبيهاتك الى الامام دائما و با النسبه للجمهور الليزري ف والله انا ما الومهم الوم كبيرهم (الدغيثر) يوم يطلع في الجرايد ويقول الحكم والحكم (يا خي سد حلقك الين تنتهي المباراه على الاقل) و شكرا على الموضوع محب الزعامه |
مشكور على الموضوع الجميل .. ..وبالتوفيق .. .. |
تسللللللللللللللللللللللللللم ياشيخ كلام عين العقل والله قهررررر |
صدقني لو ان جمهور النصر عارف ومتأكد انه بيتعاقب ماسوا الشغب هذا عشان مايضر بفريقه , ولو بيكون فيه عقوبه بتكون نقل مباراة واتحدى يحطونها مثل عقوبة الهلال بدون جمهور بس من أمن العقوبه اسـاء الأدب نصر بلنتي فوق القانون المشكله ان النصراويين بعد المباراة الحكم ظلمنا والحم ظلمنا ابي يطلعون لي حكم واحد ماظلمهم حتى وهم فايزين مظلومين !! ياساتر الله يعطيك العافيه |
صنت .. إنسان همجي بشكل غريب واستمراره في تصرفاته الهمجية يعود لعدم وجود الرادع . الجمهور الشمسي وضعه مشابه لـ صنت فـ عدم وجود الرادع لهم أصبحوا يتفنون في تطبيق المخالفات .. لو لم يكن من المقال الا هذه الفقره لكفى ............................... تحياتي واعجابي بقلمك يا نيوتن |
متى بيتحركون لا جابو جمهور الحالمي مسدسات ورمو الفريق الثاني << صنت يتابع الافلام الاكشن هع بعدها بينقلون ودققو على بينقلون مباراتهم للشرقيه بس يصكتونااا وعلى فكره تراهم قاتلين كم واحد بس نقل ياحرام عذبوعم بنقل مباراتهم هع هوع اخي نيوتن يسلم قلمك ياشيخ وربي روعه روعه احسنت من البدايه للنهايه يعطيك ربي العافيه |
هههههههههههههههه خخخخخخخخخخخخخخخخخخخخخخخخخخخخخخخخخ |
شنكراً الله يعطيكـ العافيه |
يعطيك الف عافيه على الموضوع الرائع كاتب بمعنى الكلمه ماشاء الله عليك عقب فيصل الله يرحمه ماحولك احد الله يصبرنا عليهم |
يعطيك الف عافيه على هالموضوع الخرافي من جد انت ماشاء الله اجدت التشبيه ماقصرت ياصديقي ودمتم |
تسلم يمناك اخي الكريم ،،، موضوع قمة وفي الصميم ’’’’ والله لو ابو صنت سوا اكثر من كذا الجنة التخبط مابتسوي ’’’ ولكن حنا مالنا فيهم الي يهمنا فريقنا الي ضيع مبارة عاديه لااسباب مجهوله ‘‘‘ الف شكر لك اخي الكريم ولقلمك الرااااااااائع .... |
يعطيك الف عافيه على هالموضوع الخرافي من جد انت ماشاء الله اجدت التشبيه ماقصرت ياصديقي ودمتم |
فعلا الاخ صنت بلوى البلاوي |
مشكووور عادل امام خخخخخخخ ابدااع x ابدااع ننتظر جديدكــ فلا تحرمنا منهـ |
يالجنة الإنضباط يسلم عليكم صنت ويقول (( نعنبوا بليسكم .. أبوي هالشايب وعاقبني وانتم إلى ألحين ما عاقبتم الجمهور الشمسي َ!! )) ،، .. ،، نيوتن .. أنا و مواضيعك (مثل سالفة تفاحتك) !! ســلــمــت يــمــيــنــك .. |
يعطيك العافية اخووي نيوتن اسلوب مميز يجذب القارئ لمعرفة المخفي وراء ذلك الابداع إقتباس:
اي بالله صدقت ما نقول غير حسبي الله ونعم الوكيل |
والله يانيوتن استمتعت بموضوعك بقدر لاتتخيلة موضوع ممتع جدا (( فعلا صنت زودها حبتييين :yes:)) أنت تقول : . ولكن هل اللجنة المعنية ستفعل مثل ما فعل أبا صنت ؟؟ أتمنى ذلك . ................ فيه مثل قديييم يقول (( هذا بلا أبوك يا عقاب )) وأنا أقولك يا أخوي (( هذا بلانا يانيوتن )) يارب أبو صنت يصحصح ويطلع عنده ولو نص ضميير يارب رساله أوجهها لأبو صنت : ((( صحيح شيبان الحارة مابعد أجتمعو وجو لمك للحين مع انك داري وش بيقولون وكلامهم دايم يوصل لك من بعيد .. لكن صدقني يا أبو صنت ((الضغط يولد الإنفجار )) تدارك الموقف يا أبو صنت قبل لا ينفجرون شيبان الحارة )))أنتهت الرسالة وياليت الرسائل والأصوات تصل لكن .. لقد أسمعت لو ناديت حيا .....لكن .......... ............................................................ شاكر لك أخوي نيوتن وتقبل مروري وشكر لك أخوك : دبــــوج @ |
شكراً على المرور والتعقيب وإن كان الشكر لله أولاً وأخيراً .. أبو صنت .. بيض الله وجهه .. صح انه تقريباً هو السبب الرئيسي في هجولة ولده .. لكن .. يكفي انه صحصح في الاخير ولحّق على ولده .. وهااه .. هذا هو ولده بدا يتحسن .. لكن .. المشكلة المشكلة .. والله يكون بالعون |
سلمت اناملك من امن العقاب اساء الأدب |
أشكرك على الموضوع الرائع يانيوتن القصمنجي !! اول رد لي بالمنتدى الموضوع اعجبني بصراحه... واقترح ينزل باحد الجرايد طبعا بدون ذكر اسم النادي .. لاكن يكفي التلميح اتوقع الموضوع يضرب وبقوة وياصل فوق_ وأشكرك على الموضوع |
صنت بلنتي دلع ابوه له مفرعنه |
خخخخخخخخخخخ فعلاً شر البلية ما يضحك |
ولا راح يعاقبونه خبرك صنت سليط لسان وراعي بيانات وراعي خراط فاضي والفاظ بالمنصة وخارج المنصة صنت ياسادة تنصت له كل الاسماع(الغير شريفه) |
لو اكتب اي كلام ما اقدر اوفيك حقك دائما ً تبهرني وتجبرني على الاشاده بقلمك وبفكرك الراقي الله لا يضرك يا شيخ ما شاء الله عليك |
نيوتن إحتراماتي ()() |
سبني يامووووقرم سبني يامتوووووووحش لأه لأه ااااه <<< خخخخخخخخخخخخخخخخخخخخخخخخخخخخخخخخخخخخخ مرررررررره عاجبني العنواااااااااان والمجاز اللي فيه احلى خخخخخخخخ بالعكس انا مبسوطه على العقاب اللي طلع لأن بعض حماهير الاتحاد بدت تفتح عيونه وتعرف من هو النادي المدلل :) وثانيا لأن الاتحاد بيكون تحت ضغط نفسي ويمكن مايحقق الفوز << كل شي جايز وهذا طبعا بيكون بصالحنا لأنه وقف مسيرة منافسنا (التقليدي) :) عموما انا اتمنى ان اول هزيمه للنصر بالدوري تكون بمباراته القريبه امام الزعيم وهذا ان شاء الله اللي بيحصل :) << ودي اشوف وجه اسير الشوق وقته خخخخخخخخخ بالتوفيق للزعيم |
الله يعطيك العافيه على الكلام الاكثر من رائع والى الامام صديقي الغالي..... |
ههههههههههههههههه فعلاً شر البلية ما يضحك و الله جمهور ابو طاقية صفراء تمادوا اكثر من اللازم و لجنة الانضباط لا حس و لا خبر ما نقول الا لاحول و لا قوة الا بالله اخوي نيوتن : موضوعك رائع و شيق و تشبه صنت بالجمهور الحالمي تشبيه رائع و قوي ألف شكر لك اخوي الغالي |
كلامك مرررره خطير تشكر خيو نيوتن على هذا الكلام وتشبيهك في محله.. يتمادووون والجنه لا حس ولا خبر وما سمعت ولا شافت ليه ما ادري؟؟ يمكن مثل ما قلت زي ابو صنت بس ابوه عاقبه ...وذولي ابد ولا كنه سواء شي ليه ما ادري...؟؟!! حسبي الله ونعم الوكيل وبعدين خلاص ما علينا منهم لا اهم ولا نصرهم الزم ما علينا هلالنا الغالي..والله يكتب الخيرل للهلال .....بالتوفيق لزعيم الهلالي...... |
موضوع مميز كالعاده مبدع يا نيوتن تحياتي |
لافض فوك,,,, وتسلم يمينك. |
والله إنك كاتب مبدع بحق .. شدتني طريقتك في الكتابه .. وانا والله لا احب القراءة للقصص .. ولكن إسلوبك الجميل والإبداعي جعلني اكمل القصه للنهايه .. مع مراعاة العنوان الأكثر من مثير ورائع ويسحب إلي ماينسحب هههههههههه .. موفق إن شاء الله وننتظر إبداعاتك يا نيوتن تقبل تحياتي ... بقايا الذكرى |
صنت على وزن فقر ،، يعطيك ألف عافيه أخوي نيوتن ، عايشت حقيقة كرة القدم السعوديه بالدلع الزايد لجمهور الفقر ،،، |
اخي نيوتن يسلم قلمك ياشيخ وربي روعه روعه احسنت من البدايه للنهايه يعطيك العافيه |
مشكور اخوي نيوتن ع القصه الرائعه والله يعينا ع لجنة الانحطاط !!!!!!!!!!!!! |
صرآحة يا نيوتن اسلوبك يشد كل عضو يقرا الموضوع من اول حرف لاخر حرف :smilie47: صدقـت فعلاً , فـ صنت لا يزال يوآصل حركاته الطفولية , دون اي رادع , تدري ليش مايعاقبونه , لان فصولـي يصير صديق لابو صنـت و مايرضى يزعله , خايف تروح عليه s60s فعلا هذا حال جمهور الشمـس مع لجنة الانضباط , حنا نتفق ان الانضباط راح تعاقب الجمهور النصراوي لكن بنقل مباراة واحده خارج ارضـه , هل يعقل بعد كل هالحفله و الالعاب الناريه و رمي الجله :d يكتفون بنقل مباراة واحده بس ؟ لا و بتصير المباراة في ارض الاتحاد يعني موب خسرانين شيء :d و كل هذا بسبب ابو صنت و صداقته مع فصولي :yes: نيوتـن , وقفة احترام لقلمـك المميـز |
والله اقراء واصفق على اسلوبك الجميل وطرحك الهادف مشكووووووووووووووووووووووووووووووووووور اخوي ماقصرت |
مشكووور يانيوتن وبالفعل جمهور النصر يبيله تاديب ننتظر جديدك |
لن أضيف غير كلمتي : مبـــــــــــــــــــــــــــــــدع مميـــــــــــــــــــــــــــــــز |
هههههههههههههههههههههههههههههههههههه صرااحه قصه حلووووووووووووه ماايستفااااد عاااقبوووهم فطااعوش كلن يعااقب الااا هم الحيين ابي افهم مااتشوفووون ااالامباارااة الهلااال والااا وش لووون فضربش كل شووي نااقز لنا عقاااب الظااهر لو يطلع لااعب من لاعبين الهلال وينسى حنفية الموويه مشغله حقت الملعب عااقبووون وصنيييت لو وشو ماعاقبوه :( تسلم يااشيخ |
صنت والجمهور الشمسي وجهان لعمله واحده مع اختلاف الاب ولجنه الاستعباط |
هههههههههههه تشبيه مظبوط اخوي نيوتن والصراحه جماهر نادي النصر زودوها مره معسل في الملعب وليزر وشروخه وش بقى........... الله يستر من اللي جاي |
يا اخوان اللجنة حاطه براسها تجيب بطولة الدوري لفريقيها المفضلين<<< بتاع جدة والرياض واكيد عارفينها معقولة ينقلوا مباراة فريقهم المدلل جدا جداجدا لفريقهم المدلل الاخر <<< بس الاخر مدلل جدا جدا بس مرتين مو ثلاثة ويغرموا فريق الاتفاق اللي ما سوا شي <<<< ليش ما غرموا الوحده؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 11:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd