[c]السلام عليكم ورحمة الله وبركاته

بينما يحتفل الجميع بيوم الام العالمي يأتينا هذا الخبر
خبر كالصاعقة هزَّ نفسي وأخذ بزمامها ليقف بها على
شفا حفرة الانهيار الأسري في المجتمع المسلم

وخلاصة الخبر كما حدثني من حضر الواقعة ولمزيد من
التثبت ( يسئل ) رجال الهيئة
ورجال الأمن في سوق الراشد بالخبر


الخلاصة : أن إحدى الأسر من إحدى مناطق المملكة حضرت إلى المنطقة الشرقية
وقاموا بالتسوق في مجمع الراشد وحدث في السوق نقاش حاد
وحوار بين الأم والابن واشتد الخلاف بينهما وفجأة إذا بالابن يقوم بتسديد
ضربة لوجه أمه وتسقط أمام ذهول الناس مما حصل ،
ثم يواصل الابن ضرب أمه ورفسها برجليه وهي ممتدة وبشكل
مستمر حتى ظهر للناس شعر رأس الأم وهو أبيض خالص مما
يدل على كبر سنها .

وفجأة قام أحد الحاضرين بضرب مفاجئ لرأس الابن مما
أدى إلى سقوطه وعلى الفور بس الحمدلله ما تعور
حضر رجال الهيئة والأمن وأثناء القبض على الابن إذا
بالأم تستغيث برجال الهيئة
والأمن أن يتركوا أبنها ، انتهى الخبر ولا تعليق إلا
الدعاء بصلاح أحوالنا
والهداية .



بس سؤال يطرح نفسه
لو أنك في هذا الموقف وشفت الابن يضرب الام ما ذا تفعل ؟؟؟؟

الله سبحانه وتعالى ورسوله اوصوا بالوالدين احسانا بس
ويش الي صاير حتي الغرب مايسون سوايانا



منقول

[/c]

امام هذه الماساه انعقد اللسان

لاتعليق

انا لله وانا اليه لراجعون

هذا ودك من يتوطى في بطنه وتخليه يعض الاررض

لا بارك الله فيه من ولد شقي نعنبو بليسه
مايدري ذا ان الجنه تحت اقدام الامهات :sad:

بس صدق المثل اللي يقول (( قلبي على ولدي وقلب ولدي علّي حجر ))

وش نقول يامغرم والله فشيله عس الله يهدي شباب المسلمين آمــــــــين

إقتباس وخلاصة الخبر كما حدثني من حضر الواقعة ولمزيد من التثبت ( يسئل ) رجال الهيئة ورجال الأمن في سوق الراشد بالخبر

وين تبي تنكبنا العب بعيد ياولد ;)

تحياتي ;)

هلا المغرم
الكلام الان والاعصاب هاديه غير الفعل عن الغضب
حينما تشاهد هذا المظهر المرعب امامك
والله بوقتها ما ادري وش بسوي
والله يستر

وحسبي الله ونعم الوكيل
اللهم لا تواخذنا ان نسينا او اخطانا او ما فعل السفهاء منا

حسبي الله عليه ونعم الوكيييييل فيه

قمة الوقاحة والتبجح

لكن ما نقول إلا الله يهدي الجميع إن شاء الله


مشكور أخوي

قمة الوقاحة والتبجح

هااااااااااااى مغرم

هذا ودك تمحطه بعقال الين يعرف ان الله حق

الله يهدى الجميع,,,




اخوك opec 66

صح السانك اخوي سهل888
بس الاقتباس ماله داعي

نسال الله الهدايه للجميع ..
لاحول ولاقوه إلا بالله

{ وَلا تَقُل لَهُمَا أُفٍ ولا تَنهَرهُمَا وَقُل لَهُمَا قَولاً كَرِيماوَاخفِض لَهُمَا جَنَاحَ الذُلِِ مِنَ الرَحمَه وُ قُل رَبِي اِرحَمهُمَا كَما رَبيَانِي صَغِيرَاً}..

ألايدري أن الجنة تحت اقدام الأمهات...

ولكن لايسعنا الا ان ندعو لهذا الشاب بالصلاح والهديه...

ولأمه ان يلهمها الصبر والسلوان..

حـقـير

تافه

منحط أخلاقيا

مايدري أن الجنة تحت أقدام الأمهات

ياليتني موجوده علشان أطاق معه

اقول : لا حول ولا قوة الا بالله العلي العظيم 00

وهذه قصه ايضا من احد اسواق الخبر ( فؤاد سنتر)

مسيـــكم بالخير
هذي سالفه توها فريش مالها الا كم يوم صايره

وطبعا هالسالفه ماكتبتها الا للبنـــــــــــــات

ومو اي بنات

للبنات الغبيات اللي اذا اسمعوا احد محتاج مساعده ساعدوه

<<<<<مثلها

صدقوني صار اللي يساعد بالهزمن احد محتاج ولا يطلب مساعده غبــــــــي

ماعلينا
السالفه صارت بفؤاد سنتر بالخبر

يوم الخميس 5 صفر

السالفه ان بنات رايحين للحمامات اللي تحت بالمجمع

وهم داخلين الا يسمعون صوت حريم يصارخون فكوا الباب فكوا الباب

قبل لا اكمل اشرحلكم المكان كيف...اول ماتدخلون للحمامات (وانتم بكرامه)يقابلكم باب ثاني يدخلكم على الحمامات والمغاسل جنب هالباب فيه باب للعملات زي المستودع يعني...ماللعالم دخل بهالباب طيب.

نكمل...وهم داخلين ويسمعون ذولي يصرخون راحوا ياعمري هالبنتين يفتحون البيبان حقت الحمامات يشوفون احد متقفل عليه الباب ولا شي وفتحوا كل الحمامات مالقوا احدتخيلوا !!يسمعون صوت الحريم يصارخون بس مهب لاقينهم

شوي الا اسمعوا الصوت جاي من المستودع اللي مالوه داعي..وقفوا يطالعون بعض..وذوليك يصارخون فكوا الباب فكوا الباب

البنتين شكوا بالاصوات ..خافوا طبعا..قالوا انتم حريم ولا رجال..لانهم كانوا يسمعون صوت رجال مع الصراخ

هذوليك اسكتوا شوي وماردوا...همن قالوا فكوا فكوا حنا حريم

جو البنتين الذهينات بيساعدونهم وحاولون يدفون الباب بس الباب كان لاك قوي شوي ..قالوا مانقدر الباب قوي بننادي السيكيرتي..قالوا الحريم لالا دفوه بقوه وبينفتح..حاولوا حاولوا ما اقدرو!

اشوا انهم ما اقدروا...الحين اقولكم ليش؟

اطلعوا البنات برا وميتين من الخوف.. الا يلاقون السيكيرتي بطريقهم وقالوا له فيه حريم مقفل عليهم باب المستودع بالحمام ..وماقدرنا نفتح لهم

قال السيكيرتي:وش دخلهم اصلن هذولي للمستودع؟

قالوا:ماندري.بس سمعناهم يصارخون ويقولون افتحوا الباب...وبعد سمعنا صوت خشن معاهم مدري رجال مدري وشو؟

السيكيرتي طارت اعيونه..ووقف! همن قال لالا اصبروا بدخل انا وافتح الباب بقوه وبطلع على طول...وانتم قابلوهم وقولوا لهم يطلعون برا

دخل السيكيرتي وفتح الباب وطلع على طول..طبعا الحريم ماتكلموا ولا قالوا شي(المحبوسات)المهم.. جو البنات وافتحوا الباب عشان يقولون لهم اطلعوا...يوم افتحوا البابوش يشوفون؟؟؟

7

7

7

7

7

7

7

7



يشوفون فيلين متوحشين ...لابسين عبايات مخصره ...كركركرك ومن زين الطبايع فاكين الكشش الدجه) وحاطين مكياج يروع يشوفه الكافر يسلم

واشكالهم من جد تخرع وتشكين باخلاقهم

المهم شافوا البنات ذا الحريم ...ويصرخووون ذيك الصرخه ويطلعون ركض ركض لبرا

شافهم السيكيرتي وشبكم وشبكم؟؟

قالوا حريم يخوفوووووون

حريم يخوفووووووون

ههههه

الرجال يطالع فيهم!!! وشولن يخوفون يعني؟

ما استوعب مسيكين

المهم البناااات ماتشوفون الا غبرتهم

والسيكيرتي مع الروعه دق على الهيئه عشان يجون..لانه سمع ان فيه بالسالفه رجال

:|

وبنفس الوقت يبي يلحق عالبنات لانهم شهووود



كركركركركر شهود

بس الى هنا السالفه طبيعيه

لكن الادهى والامر ان باب المستودع اللي بالحمام باب استقبال وترحيل

شلووووووووووون؟؟

الحين الحريم الي جوا ومعاهم واحد يصرخون كان الباب مقفل عليهم عشان تجي الضحيه وتدف الباب بقوه ...والضعيفه ماتدري انها راح تدف الباب وتطيح بيدين الفيلتين وتترحل على طووووووووووول

تخيلوا ان باب المستودع يودي على باب خارجي يطلع على مكان يخوف ..شارع اظلم ورا المجمع ماتمشي فيه النمله.. واللي هو مكان استقبال الضحيه

تخيلوا ..هذا عندنا

البنت تختفي من الحمام ولاحس ولا خبر



الله يدفع البلا

ويحــمانا

وياخذ الروح قبل المكروه

قولوا اميـــــــــــــــــــــــــــــــــــــــــن

الله يشل يمينه

rere >>>>>>>>>>>> معك حق لكن الموقف يحرك الحجر.كيف البشر؟؟؟؟

سهل 888 <<<<<<<<<<< لا انكبك ولا شى ( ولى على راسه بطحى يحسحس عليها)

البرفسور >>>>>>>>>> انتبه يا المجرم لا ترتكب جنايه!!!!;) ;)

9 وردة الهلال 9<<<<<<<<< ما نقول الا اميييييييييين

هلالي مكة>>>>>>>>>>> هذا اللى قدرت عليه انتبه لا ينقزلك عرق;)

opec 66<<<<<<<<<<< ونعم هذا والله الفعل السنع

مستشار>>>>>>>>>> علم سهووووووول هو اقتباسه اللى ما له داعى

saz...bat<<<<<<<<<< الله يسمع منك

أسيرةالزعيم>>>>>>>> لا تعــليق

الفيروسه الزرقاء<<<<<<<<<اقول ترى ما عندنا حريم يطاقون مع رجال

اجل وين راح opec 66 اللى بيمحطه بالعقال

هلالي صميم/ابوزياد>>>>>>>>نقول امين ويعطيك العافيه على القصه

ومشكوووووووووووووووووووور

ريفيلينو10<<<<<<<<<اللى يسوى بامه كذا الله يشله كله...!!!

على العموم يعطيكم العافيه على تفاعلكم مع الموضوع ومشكور كل الشكر.

تــحــيــاتــى لــكــم

الــمـــغـــــرم