|
اول شي كل عام وانتم بخير وعساكم من عواده ان شاء الله ترجع اغراضكم سالمه وعن قريب لكن حاب اقولك انسرق بيت عمي قبل سنتين وانسرق بيت خالي قبل سنه وكلها السرقه تطلع من قرايب يعني عمي ولد جاره سرق البيت وخالي عيال ناس معارف له يعني على بلاطه اللي سرق البيت ناس يعرفون تحركاتكم وين رايحن ومتى راجعين وماخذين امان بقوة للاسف صار الايام هذه اللي يسرقك يعرفك بدل مايحاميك يسرقك الله يكفينا الشر اتمنى يكون هناك تشديد في العقوبه اقلها سجن 5 سنوات واكثرها قطع يد عشان يكون رادع والواحد يخاف يسرق ويمد ايده مو الحين الواحد يسرق واذا انمسك يرد الاغراض ويطلع وكانه مسوي انجاز مااحد يكلمه او يقول شي |
الحمد لله على سلامتكم قلبووو حسبي الله عليهم مدري شلون ضميرهم هذا اذا كان عندهم اصلا كيف يقدرون يتهنون بحق غيرهم الله يعوضكم خير ياارب ويرد اللي فقدتوه حاسه بشعورك والله مرتين انسرق بيتنا مره منها بالعيد بس والله كله يهون عند الفجعه والله بعدها سرت اخاف من بيتنا تخيلي ببيتك وتخافين المشكله حنا بعد المرى الاولى غيرنا كل ابوابنا خليناها حديد وقعدنا فتره مانسافر بس حسبي الله عليهم رجعو تاني ودخلو من بلكونه المطبخ بالدور الاول بسلم طلعولو يعني شوفي كيف الجرئه الله لا يهنيهم ولا يفجع مسلم يارب واهم شي انتو بخير والله سلامتكم فوق كل شي |
الله يعوضكم خير إن شاء الله والله يجازي كل سارق وسارقه .. وان شاء الله إن الشرطه بدل طريقها عليهم قريب يالغاليه .. عيشي عيدك وإحمدي ربك على الصحه والعافيه وربك كريم والله يهون عليكم مصيبتكم ومصايب جميع المسلمين |
اللهم صبرهم على مصاابهم وفرج همهم يااارب واقول لكم مااال الحلال ماا يضيع |
الله يصبرك وينتقم منهم اختي :stoned: واضح انهم يستغلون مثل هالايام وقريبين منكم اللي يعرفون متى تروحون ومتى ترجعون :yes: ما اقصد قريبين انهم من العائله ... لا يعني من الحاره او متابعين لكم من فتره :yes: المشكله الواحد ما يكون يتوقع يصير له شي زي كذا لذلك ما يكون ماخذ احتياطاته واللي دخل يسرق بيلقى كل شي بوجهه وياخذ كل اللي يقدر عليه ... اختي موضوع انهم يمسكونه باذن الله اكيد لو بعد مده طويله لانه رح ينمسك عند غيرك :yes: لكن المشكلة بموضوع اللي انسرق ... لان بيتكم بيكون بقائمة فيها كثير بيوت غيركم والله العالم هل بيقدر يسد الكل والا وش اللي بيصير !! خليها على ربك :stoned: :smilie47: |
ابتسم فأنت في السعودية |
أول شي أعتذر لكل من أرسلي تهنئة على الخاص لأني مارديت وأقلهم كل سنة وانتو طيبا فرحت كتير برسايلكم أما بالنسبة للموضوع أنا لين الحين صاحية كملت يومين بدون نوم وربي جالسة أدور في البيت وبس قلقانة ماقدرت أغمض عيني صح الأشياء اللي تسرقت مو قليلة تتجاوز المية ألف لكن اللي قالقني انو البيت اندخل سرت أتوقع في أي لحظة أحد يجي يقتلني أو يأذيني دايم نغيب عن بيتنا بالشهور ونرجع الحمدلله مافي شي يسير لكن اللي سار أمس كان صدمة قوية كل السنين اللي راحت العيد يكون في بيتنا دي أول سنة يكون العيد في بيت عمي غير كدا والله التسريحة حقي الأدراج اللي فيلها اكسسورات مافتحوها ولا قربو منها بس الأدراج اللي فيها الدهب هي اللي فتحوها ومصحف كان جمبي عالسرير لقيتو في الأرض حسبي الله عليهم المشكلة مو شاكين في أحد وباين عليهم عصابة محترفة الله يحرف عيونهم ويحولها إن شاالله وعلى قولتك ملكة الحمدلله اننا سليمين وماكنا في البيت والا كان دبحونا |
الحمد لله على سلامتكم والله يخلف عليكم ماسرق منكم والله يعوظكم احسن منه |
كل عام وانتي بخير و الله يعوضكم خير أن شاء الله و على قولة الاعضاء اللي قبلي شكلهم ناس عارفين تحركاتكم و راسمين الخطه من زمان و الله يحفظكم و المسلمين من كل شر و توكلوا على ربي و حافظوا على وردكم وان شاء الله ما يصير لكم شيء أختك مرسى عيونك |
| الوقت المعتمد في المنتدى بتوقيت جرينتش +3.
الوقت الان » 12:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd