مشكلة الغلاء عالمية والله يستر من القادم خايفة يجي وقت الناس تاكل بعضها من الجوع

مانقول غير عسى الله يرحمنا برحمته ويفرج علينا ويغفر لنا

وونحاول نغير من نفسنا ونكثر استغفار ماجا الغلا الا من كثرة الذنوب

و أنت بصحه و سلامه يا الغالي

و كل عام و أنت بخير

بس أخونا الصغير صعبه شوي ههههههه

على العموم بالنسبة للموضوع لا تقلب المواجع يا أبو طلال

لا حياااااااااة لمن تنادي ...

القلوب وصلت الحناجر....مما تشاهد في ارتفاع الأسعار....والتضييق

على الناس في معيشتهم.....وفي أكلهم....ومشربهم...

وكما يقال : عض قلبي ولا تعض رغيفي..
يعطيكـ العافيه أخوي أبو طلال على موضوعكـ الرائع

الله يستر بس

صرنا بالعصر الحجري

الله ينزل علينا رحمته

ويكفينا شر الجشااااع


ابو طلــ ورده ـــلال

عوااااافي

وعليكم السلام ورحمة الله وبركاته

وكل عام وانت بخير , الحقيقه مادري وش اعلق وش اقول ..

العين بصيره واليد قصيره , كلنا نشوف النهب عيني عينك ,,

والتلاعب بالاسعار في ظل النوم العميق من وزارة التجاره ,,
وياقلب لا تحزن تشوف وما باليد حيله

طبعاً مافيه حل يمكن نواجه به ارتفاع الاسعار الا رفع الواتب
بس ما اظن بيصير , يعني الغلا فيك فيك .. والله يعينك

تقبل احترامي و تقديري ,,
دمت بخير

والله انك صاز يا ابو طلو

بس من ناحية العقار فبحكم شغل فيه فهو عرض وطلب

يعني انا شريت الارض بالسعر الفلاني

وعمرتها بالسعر الفلاني (بحكم ان سابك الله يخليها لنا ذخر كل شوي ناقزتن علينا بزيادة اسعار والدبل احيان)

فمن الطبيعي اني ابيع او ااجر اغلى من قبل

بضرب لك مثال العام الفائت واحد من الجماعه باع شقق بمتوسط 400 الف للشقه

السنه هذي وبنفس الشارع انباعت شقق بمتوسط 500الف وهي ماتوصل الجوده المطلوبه

بس ما نقول الا الله يرخص الحديد وغيره


تحياتي يا اخوي الصغير

أخونا الصغير

والله مرررررره طفشنا !
حتى الفلوس صارت مافيها بركه اعوذ بالله وكلو من الغلاء

انت متخيل ان ابويا اشترى لنا بطيخ قبل كم يوم بـ 10 ريال واليوم التاني راح بيشتريها لقاها بـ 20 <<<<<< اهم حاجه عندها البطيخ

أحسنت أخي و ليت تجارنا يعطون لبلدهم خُمس ما أعطاهم الله ثم بلدهم ، و و الله إن شركة عبداللطيف جميل لمثال يُحتذى به فهو قدم و يقدم للوطن خدمات جليلة يساعد فيها أبناء الوطن بدون أن يسلب منهم كرامتهم.

هلا ابو طلال المشكله معروفه هي عقوبه (وإن شكرتم لأزيدنكم) ولا كن عندما نذبح الذبائح في العروس او العزايم ولا نأكل إلا 60% منها والباقي في الـزباله الله يعزكم تقدر تقولي وين شكر النعمه هنا ..
عندما يرزقنا الله برواتب هي احسن رواتب في منطقه الخليج ونروح كل يوم والثاني يانغير موبايل او رقم مميز أو غيرها وعندما يأتي إمام المسجد ويقول ضعو في الظروف ماتجود به انفسكم لحمله جمعيه إنسان لرعاية الايتام في الرياض ويقول (( اكد عليهم انا )) "" سامعه بنفسي"" اين شكر النعمه ..انا لا امانع انك تشتري جوال اورقم مميز واغيرها ولا اجبرك انك تتبرع بس لاتقول كلام ماله داعي مثل اكد عليهم .. والامثله على كفر النعمه كثيره ونشاهدها يومياً فقلي ماذا تتوقع ان يكون جزاءنا ..؟

مشكور اخوي ابو طلال على الموضوع ,

بالنسبه لزياده الاسعار الله يكفينا الواحد صار يخاف من كل شي يسال عن الاسعار قبل يشتري في

كل شي من الغلا والسرق اللي في المحلات .

والطامه الكبرى مافي رقابه صارمه من وزاره التجاره ماادري اش الاسباب في عدم المراقبه واذا

تكلمت في الجرايد قالوا سيتم النظر في الموضوع واسحب ولا احد يسال عنك .


اللهم لك الحمد والشكر على النعمه .

هلا وغلا ابو طلال كل عام وانتبألف خير ورده

موضوع الغلاء صار احد اخطر المواضيع واكثر مايعاني منه الشعب للاسف
استغفر الله هالتجار مايخافوا ربهم دايما افكر باللي مايقدروا على هالغلا ايش يسووا ولا اللي معاشاتهم قليله كيف بيعيشوا ..!! حرام عليهم والله صار كل همهم المربح وكيف يجمعوا فلوسهم على حساب هالشعب . وكل هالشي من علامات الساعه

هالموضوع لو تكلمنا عنو ماخلصنا

الف شكر لك .. ورده

قال تعالى (وماكان الله معذبهم وهم يستغفرون)

وإن كان هؤلاء الهوامير والتجار يتصفون بالجشاعه والبشاعه وأكل أموال الناس بحق وبغير حق فهم في النهايه مسلطون على أمه أستأمنت نفسها برغد العيش حتى كفرت بأنعم الله فجائها أمر الله

قال تعالى: (وضرب الله مثلا قرية كانت آمنة مطمئنة يأتيها رزقها رغدا من كل مكان ف كفرت بأنعم الله فأذاقها الله لباس الجوع والخوف بما كانوا يصنعون)





بعد كثره هذه المشاهد والجهار والتباهي بالمعصيه مالذي تتوقعون حدوثه ؟؟
بعد أن جعل الله في أقوام قبلنا العبره والعظه .. ولم نتعتبر مالذي تتوقعون حدوثه ؟؟

ربنا لا تؤخذنا بما فعل السفهاء منا ..
ربنا لا تؤخذنا بما فعل السفهاء منا ..
ربنا لا تؤخذنا بما فعل السفهاء منا ..

ابوطـلال .. أشكرك على هذا الطرح وشكرا لن تكفي لشكرك
دمت بوافر الصحه والعافيه