اختراعاااااااااات عجيــــــــبه غريبة - نادي الهلال السعودي - شبكة الزعيم

أذكى واحد · #1 25/09/2008, 02:10 AM

الجهاز الاول

هذا الجهاز مهم للأولاد اللي يضيعون الريموت كونترول للتلفزيون أو الرسيفر وكل يوم يدورن عليه ساعتين أو يمكن ما يحصلوه طول اليوم .......

الجهاز عبارة عن قطعتين ....... الأولى تتلزق على الريموت أما الثانية فهي عبارة عن صفارة صغيرة ويمكنك الاستغناء عنها والتصفير بفمك بدونها

كل ما ضاع منك الريموت ما عليك إلا أنك تصفر (صوت صفير) و راح تسمع صوت رنين من الجهاز مثل البليب وراح تعرف وين الريموت ..

هذا شكله

--------------------------------------------------

الجهاز الثاني

للي ما يحبون ريحة الدخان سواء في البيت أو في العمل .. والجهاز هذا يقوم بتنقية الجو بس ميزته أنه يشتغل على منفذ USB

الجهاز الثالث

هو عبارة عن طابعة بس مو أي طابعة ..!!!

الطابعة تطبع على الورود ..

ما على الواحد فيكم إلا يدوّر محل ورود مشهور ويأخذ له متر في متر ويحط الطابعة مع كمبيوتر ولوحة إعلانية

الناس تشتري من محل الورود ويجون عندك ... ايش رأيكم ..... هذا إذا ما صار صاحب محل الورود متعا قد معاك

هذا شكل الطابعة وقيمتها حوالي 1250 دولار والحبر 65 دولار

وهنا أشكال ث انية

--------------------------------------

والجهاز الرابع

هو عبارة عن كاميرا ديجيتال لكن اللي عجبني فيها أنها مقاومة للماء وتقدر تصور فيها لحد 3 أقدام تحت الماء بدون أدوات إضافية

مواصفاتها

جسم مقاوم للماء

تشغيل سريع

6 ميجا بكسل

2 أنش شاشة كريستال

التصوير بـ 20 وضعية

وظائف صوتية و مسجل صوتي

وحدة تخزين SD وداخلية 10.5 ميجا

توصيل للتلفزيون

------------------------------------------

الجهاز الخامس

أسهل طريقة لنقل الملفات بين جهازين .. تشبك في الجهاز الأول على USB وفي الجهاز الثاني على USB وبعدها تنقل الملفات بين الجهازين بطريقة السحب والإفلات Drag & Drop أو النسخ واللصق .. سرعة النقل 25 ميجا/ثانية وطول سلكه 4 أقدام يمكن لفه داخل الجهاز نفسه

الجهاز السادس

هذا الجهاز للطوارئ للي ما عندهم بطارية احتياطية للجوال ... الجهاز عبارة عن شاحن يدوي (هندل) تمسك الهندل بيدك وتقعد تلف فيه وهو يشحن

يعني جوالك ينشحن على قد شغلك .. خلي شغل الجيم GYM يطلع هنا

-----------------------------------------------------------------------

هذا الكأس .. كلنا نعرف كورة البلازما اللي تسوي خطوط كهربائية مثل البرق داخلها إذا لمستها بدون ما تضرك طبعا..

هذا الكأس بنفس الفكرة يجي بقاعدة .. إذا شلته من فوق القاعدة يصير كاس عادي

للشراء من الموقع

http://www.usbgeek.com

------------------------------------------------------

ايش تتوقع هاذ ي الصورة. أكيد واضحة شكلها حبة دواء ....... صح ... طيب إنزل شوية

إذا كنت مصمم اصبر شوية للصورة اللي بعدها (صورة متحركة) واعرف بنفسك ايش هذا

|

V

حط كم نقطة ماء على القطعة ويطلعك منشفة وجه ... ياسلاااااااااام

------------------------------------------------------------------

طيب ما دامنا في شغل اليابانيين .. خلينا نشوف هدية من الهدايا اليابانية

العادة أن الواحد يشتري خضروات أو فواكه معلبة أما انه يشتري زهور أو ورود معلبة .. شي غريب ..صح!

اختار النوع اللي يناسبك من النباتات الموضحة أعلاه ........

وبعدها افتح العلبة واسقيها ماء 3 أيام مع توفير ضوء الشمس وبعدها لاحظ التغير

بس لحد ألان ومافي مشكله ..

لكن شوفوا الحركات هاذي .....

علبة فيها بذرة سحرية بعد ما تسقيها 3 أيام تطلع لك

ومكتوب عليها (ILove You ) بشكل واضح مثل الصور أدناه

تخيل تعطيها زوجتك أو خطيبتك وتوصيها تهتم فيها ورايح تشوف مفاجأة بعد 3 أيام .. بصراحة قمة الرومانسية

.. < SPAN lang=AR-SA style='FONT-SIZE: 10pt; FONT-FAMILY: Tahoma '>

Canada's gallant · #2 25/09/2008, 02:24 AM

الصور ما طلعت بس شكل الاختراعات interesting

الأول فيه منه جهاز تلفون مركزي .. يستخدمونه لأجهزة التلفون اللاسلكية .. و يشبكونه بباقي الأجهزة .. .. إذا ضاع منك جهاز تضغط على جهاز التلفون المركزي و ترن الأجهزة كلها ..

أذكى واحد بالله شيك لنا الصور الله لا يهينك و الله يعطيك العافية يالغالي

Los Merengues · #3 25/09/2008, 07:27 AM

الصور ما تطلع
.............................................

التورنيدو الهلالي · #4 25/09/2008, 08:20 AM

اخووي الصور ماطلعت
بس تكشر

ღ MiLaN4eVeR ღ · #5 25/09/2008, 11:16 AM

الصور ما طلعت

لكن المعلومات جميله جدا و اختراعات غايه في الجمال خصوصا الاخير الرومنسي

يعطيك العافيه

تحياتيــــــــــــــــ ,

[ دمتم بــــ خ ــــير ] [ ورده ]