الـبـنـات Vs عشق الرياضه - نادي الهلال السعودي - شبكة الزعيم

i am here · #11 24/09/2008, 06:13 PM

يا حي الله تلفزيون ملون ورده
وفي روايه مهايطي 11
أول شي أنا معاك ان في بنات يتابعون الكورة عشان لاعب معين وأعرف كثير كدا
وحدة أعرفها اتحاديه وتكره الهلال مرررررررررررة

يوم جا ياسر للهلال سارت تتابعوو

وحدة تانيه أهلاويه يوم شافت مشعل المطيري اللي في النصر
قلبت نصراويه

بس لكن عيلتنا كلنا نشجع الزعيم ونحبو ككيان

مو عشان لاعب أوشي
وفاهمين كورة أحسن من العيال كمان

بالذات أنا وأختي وكم وحدة من بنات عمي متعصباات لدرجة الجنون

والعضو اللي يقول ما يقدر يتخيل بنت وهي متحمسه ومتعصبة يجي عندنا

أما سبب تشجيعي للكورة أو للهلال بالتحديد في البدايه كان غصب
لأن أبويه أغلب الوقت كورة وأنا كنت صغيرة
بدي أشوف أفلام كرتون مسلسلات مقدر
فسرت غصب أتفرج الكورة

ويوم من الأيام كان فيه مباراة بين الهلال والعربي الكويتي وفاز الهلال 6_0

سألت بابا مين دا الفريق قال الهلال
قلت شكلو قوي خلاص بشجعهم

ومن داك اليوم وأنا متعصبة للهلال وخليت أخواني متلي

وقد مو أنا متعصبة للهلال كنت أكره الإتحاد لحد الموت
صرنا حتى لما نلعب لازم تدخل الكورة في لعبنا

وبصراحة أنا أشووف إني أتابع الهلال (ماقلت كورة لأني ما أتابع غير الهلال والمنتخب على حسب إذا كانو مزعلين الهلال ما أتابعهم)
أحسن من أتابع مسلسلات وإلا أفلام

خصوصا إني مو من النوع اللي يهمها شكل اللاعب
أيام المتوسط بصراحة كان في لاعب يعني كنت أحبو شويه اللي هوا الدوخي
بس طلع خاين وراح الإتحاد ومن يومها طلع من قلبي

في لاعبين نحط صورهم بس مو عشق زي ما تقول
بس ناس يجبروك تحترمهم وتقدرهم زي الشلهوب وسامي والتمياط

وبعدين زي مافي بنات يتابعو كورة عشان يحبو لاعب
في عيال يتابعو مسلسل عشان يحبو ممثلة

يعني كل الطرفين عندهم حاجات غلط

والكورة ماهي حكر على العيال بس
أما الكورة الأوروبيه أنا أشجع هولندا عشان لونهم لأني أحب الأورنج

لو لبسو غير الأورنج ما أعرف انهم هولندا

وأشجع الإنتر عشان أختي

تشجعهم بس ما أعرف ولا لاعب فيهم

خلاص خلصت رغي

صنكيو على الموضوع ورده

خلاني أهرج << من زمان ودي بموضوع أعبر فيه شويه