|
..... عائلة سعودية تعيش مأساة ..... بالصور .. بسم الله الرحمن الرحيم السلام عليكم ورحمة الله بركاته أسهل وأحسن شي عندي إني أكتب مقدمة لموضوع ، كتبت مقدمات لمواضيع صور ولمواضيع هزلية وأدبية وغيرها إلا الموضوع ذا ماقدرت أكتب له مقدمة . الموضوع ذا يحتاج شاعر بشاعرية أحمد شوقي عشان يصف حجم البؤس والألم في الموضوع ، و من هو الكاتب أو الشاعر الي يقدر يكتب عن : ألم الفقر ... وألم المرض ... وألم البؤس ... وألم فقد العائل ... وألم الإعاقة ... وألم قلة الحيلة ... وألم كبر السن ... وألم تنكر المجتمع ... وألم وألم وألم ... وحدة من ذولي تحتاج شعراء وكتاب يكتبون عنها ، فما بالك إذا اجتمعت في عائلة وحدة ؟! الله المستعان !! يا إخوان مابي أطول عليكم ، أنا وقفت على حالة أسرة سعودية تدمي القلب و يندى لها جبين إنسانية المجتمع ... أنا الحقيقة مابي أصف مشاعري تجاه القضية ودي أنقل لكم حال هالأسرة والله على ما أقول شهيد : أسرة تتكون من ست أشخاص : أم عمرها تقريباً 58 سنة ، الابن معوق ومتخلف عقلياً ، ابنه مريضة بالصرع ولها ثلاثة أطفال وساكنة عندهم ، الأب متوفي وحالتهم المادية متدنية جداً جداً الأم تشتغل مستخدمة بمجمع الكليات وتستلم 1700 ريال ، 1000 ريال قسط دين عليهم و500 ريال ايجار الليموزين شهر كامل و 200 ريال مصروف البيت و أقسم بالله على هالشي . الأسرة عليها ديون بسبب زواج ابنهم السنة الماضية والابن هذا توفى بنفس السنة يرحمه ، ويسكنون في بيت أشبه مايكون بخرابة وايجار البيت 8000 بالسنة بس راعي البيت الله يجزاه خير ما أخذ منهن الإيجار من عشر سنين . أنت شف الصور التالية وتعرف عن ايش أتكلم : مدخل البيت : http://img.aljasr.com/icon.aspx?m=blank الصالة : http://members.abunawaf.com/g/2008/09/17/DSC00490.jpg http://members.abunawaf.com/g/2008/09/17/DSC00495.jpg http://members.abunawaf.com/g/2008/09/17/DSC00494.jpg طبعاً الصالة سقفها شينكو ولا حظ الفتحة الي في الزاوية http://members.abunawaf.com/g/2008/09/17/DSC00492.jpg سقف الغرفة المطبخ : http://members.abunawaf.com/g/2008/09/17/DSC00489.jpg http://members.abunawaf.com/g/2008/09/17/DSC00486.jpg http://members.abunawaf.com/g/2008/09/17/DSC00484.jpg دورة المياة - الله يكرمكم- : http://members.abunawaf.com/g/2008/09/17/DSC00482.jpg http://members.abunawaf.com/g/2008/09/17/DSC00493.jpg يا إخوان مايحتاج أذكركم بأجر من ساعدهم ، ولا أبغى أكتب لكم آيات وأحاديث الصدقة فأنتم كلكم تعرفونها إن شاء الله . والآن العائلة محتاجة أي شي فرشة ، أكل ، أثاث ، بيت ، تسديد دين ، مصروف شهري ، زكاة فطر ... يعني العايلة تحت خط الفقر بدركات ومحتاجينكم بأي شي الله لا يحوجكم لأحد . والله الذي لا إله غيره إنهم مايلقون شي ياكلونه !! يا إخوان تكفون لاتنسونهم بأي شي الله يعتق رقابكم من النار بهالعشر الفضيلة ، ولا بينكم وبينهم وسيط رح أنت لهم بنفسك ماتضرك ساعة من عمرك تمرهم وتشوف الوضع بنفسك ، أو ترسل لهم أحد أٌقربائك أو أي طريقة . أبحط لكم جوال الأم وأنتم الله يجزاكم خير اتصلوا عليها وروحوا لها بأنفسكم وتأكدوا من كل شي بأنفسكم . تخيلوا منظر عجوز تصارع الحياة عشان عيالها الي هم مرضى ، والله إن الرجال الشباب مايقدرون يتحملون حالتها كيف بعجوز هي أًصلاً تحتاج من يرعاها . تكفون يا إخوان لا تخلونها الله يجعل فيها عتق رقابكم ورقاب والديكم من الناس . وهذ1 رقم الحساب .. البنك : الراجحي الرقم : 331608010203669 اسمها الأول : جميلة . * العائلة تسكن بحي المصانع في جنوب الرياض قريب من شارع الفريان جنوباً ، وحتى لو إنك خارج الرياض اتصل عليها واجبر خاطرها بأي شي وتذكر أن من فرج كربةً من كرب الدنيا فرج الله عنه كربةً من كرب الآخرة . * أرجو من الجميع نشر الموضوع بالإيميلات والمدونات والمنتديات الله يكتب لكم الأجر . م \ ن |
جزاك الله خير ...... وللأسف .... نحن نتكلم عن ملايين الهلال مع موبايلي والأتصالات ... وننسى من هم بحاجة الــ10 ريال أسال الله أن يرفع عنهم |
الله يكون بعونهم انشالله ............... |
والله عورت قلبي على هالصوربس ماله داعي تضع رقم الام حتى لوكان بموافقتها ويكفي وضع رقم الحساب والثقه موجوده انشاءالله وماراح يقصرون معاهاولازالت الدنيابخيربالرغم من الغلاوصعوبة الدنياوجزاك الله خير |
مشكور اخوي وانشاء الله بنسوي الي نقدر عليه |
انا انت وخالد وعمر وسعد ومحمد ..الخ لدينا كمبيوتر + جوال (( وزين اذا ماكان اثنين )) + اكل مالذ وطاب وكل شي ولله الحمد وننسى انه في ناس ماهي لاقيه 5 ريال والاباء يجيه ولده يبي جهاز ولا شي بــ 2000 ريال >> يوافق وتجيه حرمه معها بنتها الصغيره وتقول اعطوني مايعطيه ولو العشره >> غريبه من الاباء والله يعينهم وباذن الله انها تنسد حاجاتهم ومايعتازون للناس |
الله يعينهم .... والله يرزقهم ................. امين |
الله يعينهم على حالتهم والله يكتب اللي فيه الخير لهم انا ساقوم بارسال الموضوع على احد القروبات والله يكتب اللي فيه الخير |
الله يكون بعونهم انشالله ويرزقهم ويوسع عليهم ... وانشالله اهل الخير ماراح يقصرون |
ياليت الموضوع مايروح لصيد الانترنت ورده |
الله يكون في عونهم إقتباس:
إقتباس:
الله يرفع عن المحتاجين مشكور وجزاك الله خير |
الله يعينهم ويرزقهم يارب حالتهم مأساويه وماتسر اهل الخير كثير وماراح يقصرون ان شاء الله |
الله يعين ويساعد جميع الفقراء والمساكين .. |
طيب اخوي بسألك كم اعطوا لبنان مليار علشان الدراسة ومصرافيها كم عطوهم رد كم كـــــــــــــــــــــــــــــــــــــــــــــــــــــم ليه حنا كذا عيشوا هالفقراء الضعفاء المساكين ولا عشان تئبرني يعطونهم ملايين الريالات ماقلنا شي ملك الانسانية بس وين الرواتب 5 % وقطر معطين عمالتهم 5% يقارنونهم فينا حمدالله والشكر وانا راح اكتب موضوع عن هالشئ قطر معطين الموظين 200 % زياده لاتعليق |
الله يارب الناس ارحمهم بارحمتكـ الواسعه ماقصرت ويعطيكـ العافيه والاجر وكان الله في عونهم |
| الوقت المعتمد في المنتدى بتوقيت جرينتش +3.
الوقت الان » 07:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd