|
توضيح محمد نجيب للجمهور الهلاليفي برنامج خط السته السلام عليكم ورحمة الله وبركاته ... before anything عرفتو انه ميتسو استقال من تدريب المنتخب الاماراتي ؟ مب هذا موضوعنا ... :D موضوعنا الله يسلمكم ..هو : بمجرد ما اني انزل موضوع في الجمهور الهلالي ... عن اي شي ... الا و الجمهور الهلالي يقلبونه على قناة ابوظبي الرياضية ... ويغيرون مسار الموضوع ... ليش ؟ أنا باقوللكم ليش ؟؟؟ لأني اماراتية ومسجله في المنتدى وابوظبي الرياضية قناتنا ... فيتكلمون وايد عن القناة بشكل مب زين ... لأنهم يبون يوصلون المعلومة ... اللي ابا اقوله انه امس برنامج خط السته اللي يقدمه محمد نجيب ... كانو يتكلمون عن الهلال ... وعن جمهور الهلال اللي مب عايبنه ضيوف البرنامج سواء الدويش والتنـــــــــ ... >>> توهقت ما اعرف اسمه :razz: والطاير ... وغيره ... هم يدرون انه الهلاليين مشتطين ع البرنامج ... وع الضيوف ... وقارين مواضيع الهلاليين عن البرنامج ... فمحمد نجيب رد عليهم وتم يدافع عن الهلال ... اذا شفتو البرنامج ... وهذا دليل انه محمد نجيب يعرف كل شي عن الهلال ... وبالعكس هو محب لكم ... وليس كما يظن البعض وفي احد الضيوف اللي كان في الحلقة امس تم يدافع عن الهلال ... وتم توضيح كل شي من قبل المذيع محمد نجيب ... وكلنا كاماراتيين ... محبين للجمهور الهلالي s13s :: اختكم دلوووعة الامارات ورده |
معذوره بلاك ... ماتعرفين الدويش وجستنيه .. وعلاقتهم مع تزييف الحقائق والكذب .. لو تعرفون حقيقتهم ماكان استضفتوهم ... ولك وللشعب الاماراتي كل الود والمحبه تحياتي بلا حدود ابو فارس |
انا معك امس كان محايد لكن اختيارة للضيوف والمواضيع لم يكن محايد انك تحضر متعصب ومريض يكره النجاح والبطولات مثل جستنية والدويش وتعصبهم للاتحاد والنصر وعلى العكس تحضر الظويرقي والشمراني وهم مثالين ويترفعون عن المهاترات والرد على الدويش ماذا اضاف جستنية للبرنامج ؟؟؟ جستنية غاب صوته بعد اعتزال سامي لانه كان يوميآ يكتب عن سامي حتى في اجازة سامي والدويش ماذا اضاف غير التعصب وخلق فتنة بين جماهير السعودية |
محمد نجــيب لو أنه شخص يستحق الاحترام كان أحترم المشجع لمــاذا عدنان والدويش يتكلمون ويسبون انديتنا .. والشمراني والاعلامي الهلالي .. لم يغــلطون على اي نــادي ..حتى انهم انتقدو انديتهم في بعض التصرفات ..بعكس المتعصبين الدويش وجستنيه ..حــاطين ان أنديتهم الاوله عاالمياً ولا يرون بهــا عيوب ..ويستخــرجون الف عيب في نادي الهلال الذي هو الأول سعودياً والاقل اخطــاء من جميع الجــوانب ..لماذا لايضــع نجيب لدويش وجستنيه خطوط حمرا لانهم لايحترمو المشــاهدين ..لماذا يصـر على استضافة نــاس متعصبه .. تدخل نادي الهلال في كل لحظه ..كم انت كبير ياهلال .. |
مشكوووووووووووووووره على كلامك وان شاء الله احنا اخوان وما يفرق بينا شي الله يعطيك العافيه |
إقتباس:
أنا معاك بلاك صدق والله ماتعرفينهم عدل اللي مايدري ينام بدري |
مشكورة يادلوعة الإمارات ,, لكن الجمهور السعودي بشكل عام على قدر عالي من التشنج ,, فـ " شيء طبيعي ردة الفعل الي حصلت ,, مثل ماقلت لك لان هناك فوارق بين الضيوف من ناحية التوجه ,, والتوجه الأكثر تعصباً هو ضد الهلال ,, بينما كان الاعتراض هو أنه لم تعطى الفرصة لأطراف هلالية في الدفاع عن الكيان الهلالي ,, تحيـاتي لك ,, وشعوب الخليج لن تفرقهم قناة أو برنامج معين ,, ويضل محمد نجيب كبير بتاريخه الإعلامـيْ ,, بعيداً عن اي ملاحظات من اي شخص ,, ويضل على قدر عالي من الوعي والحنكة المهنيـة ,, تحياتي لك . |
معذوره يااختي ماتعرفين ان الدويش وجستنيه اكبر حاقدين على الكيان الازرق ... تحياتي للشعب الاماراتي النبيل |
إقتباس:
التنـــــكه ! << إسمه عدنان التنكة وكان عازف سمسمية سابق |
محمد نجيب مع الجمهور الهلالي ؟؟؟؟؟؟؟ والله من الي لقاه من جمهور الهــــــلال من وقفة رجل واحــد |
اسمعي يا اختي , لما اطرح قضايا عن الهلال وكلها شبهات , دون ان يكون هناك محامي عن الهلال لا تحسني الظن في اذا جمعت نجس النية + الدويش(عميد الكذابين) , وكأن الصحفيين والمثقفين خلصو من هالدنيا لا تحسن الظن في عندما يمدحني النصراوي والاتحادي ويصفوني بالحيادي لا تحسني الظن في للاسف محمد نجيب يلعب لعبة قذرة , ويريد ان يصرب السعوديين ببعض حتى يشتهر برنامجه وقناته هذا هو الحاصل , وهذا ما يغيضنا , اما عن اسلوبه الامس وكأنه يحامي عن الهلال فهو اسلوب سقيم وقديم ان مشى عليكي فمايمشي على الهلاليين , مادام نجس النية والدويش موجودين فلا مكان للحياد في ابو ظبي , اذا كان يطرح ما يسيء للهلال دون وجود اي محامي عن الهلال فلا مكان للحياد محمد نجيب يريد الشهرة حتى ولو خسر شرفه وسمعته وانحط الى ان يجاور هؤلاء النكرات , للاسف كنت احترمه ولكني اكتشفت انه انسان تافه ..... |
ابي اشوف الحلقه كامله اللي تتكلمون عنها لوسمحتو اللي يبي ادعيله ينزلها هون بنفس الموضوع مشكوره حبوبه عالتوضيح ^_^ |
إقتباس:
وتبينا نحسن الظن فيه , |
اشتري نسخه من الرياضي ونسخه من شمس ونسخه من الرياضيه بعدها نتكلم ثاني |
http://staff.maosongsoft.com/uploads...2171388754.jpg للأسف أختي هؤلاء اللذين قام باستجلابهم لا يعيرهم المشجعين الكرويين في بلادنا أي أحترام ما عدا الأستاذ احمد الشمراني و نوعاً ما صالح الطريقي!! فهم لا يملكون قراء لزواياهم الصحفية وغير مشهورين لدينا بسبب ركاكة أسلوبهم ومحاولتهم صنع الأثارة بالكذب والتلفيق وزرعهم بذور التعصب بين الجماهير الرياضية!! |
إقتباس:
؟؟؟؟ وش نسخه ؟؟ وضح كلامك ؟؟؟؟؟؟؟؟؟؟؟؟ |
كونتاكي كملها بمدينه جوفنتوس والله لو نام اشرف له احد يكلمه يقوله مدينه جوفنتوس موجوده عند بطوله الدوري الي بيتحققوها عند دوار المشمش وبعدها يقوله ياغبي يادلخ يانصراوي لانها سبه كلمه نصراوي جوفنتوس من مدينه تورينو |
إقتباس:
صح عليك و صالح الطريقي من سمعته يقول انا انقد ليه امدح لازم انقد ماعد صار يهمني بس الشي الوحيد اللي اعجبني لما قال طبيعي الهلال مكروه لاانه فيما معناه قاهر ومكسر خشوم الانديه الثانيه اتمنى لو يجبون احد يتكلم عن الهلال امثال فهد الروقي ولاخلف ملفي ولاعادل التويجر ولاطارق التويجري هذول هم اللي ينقال عنهم اعلاميين صح مو الشرذمه المتعصبين المكروهين |
إقتباس:
يعني اشتري الجرايد الي قلت عليها تقرا اخبارها تعرف عقليه المرتزقه الي جابينهم قال ضيوف |
ابو ظبي ما نقلت الدوري السعودي الا انها تبي تدخل مجال المنافسة مع القنوات الرياضية المحترفة واللي تتربع على قمتها قناة الجزيرة الرياضية http://www.vb.eqla3.com/images/smilies/004.gif وتبي تحقق نسب مشاهدة عالية عشان تستقطب المعلنين والواضح ان مسؤوليها يعتقدون ان النجاح واثبات الوجود يكون بالاثارة ، وواضح أيضا أن مفهوم الإثارة عندهم مفهوم سلبي ، وبكذا استضافوا جستنية والدويش عشان ينفسون عن احقادهم ويرمون التهم ويروجون الاشاعات ضد الهلال اتهموا الاعلام بأنه هلالي ! الاتحاد السعودي يخضع لرغبات الهلاليين ! الحكام في صف الهلال ! ابعاد نور عن المنتخب بسبب الهلال ! الوقوف مع المنتخب والجوهر عملوه الهلاليين لانه يدلل لعيبتهم في المنتخب ! اللجان في الاتحاد مأخوذين أعضاءها من الهلال دون غيره ! محاربة الهلال لأنديتهم حتى في رزقها (تصريح النصراويين الشهير بعد احصاء شركة زغبي http://www.vb.eqla3.com/images/smilies/biggrin.gif ) !! وللأسف "ركبوا" على محمد نجيب اللي وبكل بلاهة أعطاهم الفرصة الكاملة بدون ما يصحح مسار الحوار وبدون ما يوقف هذه الهجوم غير المبرر ، بعكس الاشاعة اللي قالها احد المتصلين عن تصرف محمد نور الغير اخلاقي والغير وطني مع فهد المصيبيح ، على طول محمد نجيب قطع الاتصال و قال الكلام هذا مرفوض ! بأي منطق يكون مرفوض من المتصلين ومقبول من الجالسين !! أتوقع أنه بهالاستديو اللي تخصص في " بث الكراهية " ضد الهلال يعتقد أنه لما يستضيف مثل "هؤلاء" سيكوّن علاقة مع الاعلام والكتّاب السعوديين ! هذولا حتى من أنديتهم مطرودين ومحاربين و ما يقبل فيهم الا المراهقين من مشجعين انديتهم لان خطابهم يكون لهالفئة ! للأسف محمد نجيب أبعد ما يكون عن الحيادية والأولين قالوا "الرمح من أول ركزه" ، واتوقع لقناته اذا استمرت بهالتخبط يكون مصيرها الفشل لان هذا هي النتيجة الحتمية لـ أصحاب هالتوجهات ، يمكن في البداية الناس تثور وترفض لكن بعدها راح يتجاهلون ويحتقرون هالنوعية من الاعلام واللي موجوده عندنا في السعودية من قبل لا يجي محمد نجيب محمد نجيب أشور عليك تجيب ناس بروفشنال يديرون نقل الدوري السعودي وترتاح في بيتك اذا تبي تنجح |
إقتباس:
هههههههههههههههههههه اكثر وحده تعرف هالمرتزقه انا افا عليك بس متابعتهم بكل برنامج ومقال واشوف حقدهم وغيضهم من الهلال:upset: بالذات جستنيه ذا مااطيقه بعيشت الله يع مااعرف استغفر الله كيف عايش :bigeek: هههههههههههههههههه فوق الضرب اللي جاه ماتاب:naughty: لا انا قصدي اللي ابي اشوفها الحلقه حقت خط السته اللي كان موضوعها عن الهلال وموبايلي ابي اشوفها كامله او اشوف اعادتها بس قولولي متى الاعاده |
مشكوره اختنا الغاليه وماقصرتي بس نبي كاتب هلالي مثل السلمان او العنقري او الهويريني لكي يلجك هالمرتزقه من النصرانيي والتشاديين |
بالعكس لا تأخذك الواضيع وكثره الكلام عن أبو ظبي إلى التفكير بأمور أخرى نحن لا نهاجمه لأنه إماراتي .. بالعكس الأماراتيين فيهم أناس نحترمهم كثيرا ولكن مايزعجنا هم ضيوف البرنامج .. الدويش وجستنيه هم نقطه سوداء في صحافتنا ومن أكبر الكذابيين والمزيفيين للحقائق ونحن نستغرب من أبو ظبي إنتشال هؤولاء الحفنه من الوحل .. فـ أبوظبي عرفنا عنها الحياديه والرقي في تعاملها مع عقول المشاهدين ولكننا وبكل أسف نرى العكس اليوم |
على عيني وراسي لكن مستغرب من اختيار الضيوف مجمع حثالة الاعلاميين عندنا الدويش+جستنيه+بكيري |
مشكوووووووووره على التوضيح ولكن مستحيل تقنعينا الله يعطيك العافيه((اذا عرف السبب بطل العجب)) قناة فيها الدويش والمرتزق جستينيه فلا تبشري القناه بخير!! |
شكرا ع ردودكم ... وان شاء الله اذا قدرت ارجع لردودكم |
إقتباس:
والله انك صادق وربي انك رهييييييييييييب جبتها في الصميم وكانه على الدويش معروف اسمه عمدة الكذابين |
إقتباس:
s60s:yes: هاذا افضل رد قناة ابو ظبي تبغى تلفت الانضار على حساب الزعيم |
هلا بك أختي وان شاء الله هالمواضيع ماتفرقنا ومثل ماألتقينا على المحبة في الله ,, حتدوم المحبة ان شاء الله ======== في البداية لاأحد يشكك في ذمة وضمير محمد نجيب محمد نجيب الاعلامي الكبير لن يفرط بتاريخه الكبير من أجل تعصب لادخل له فيه لكن تحاملنا قليلاً عليه لسبب واحد : انه لم يمنح فرصة للكتاب الهلاليين او المحايدين في البداية بالتواجد في برنامجه والرد على كل من تطاول على الزعيم حتى لاتكون هناك شبهة لدى المتلقي والمشاهد لكن للأمانة بداء باستضافتهم وأعطائهم المجال شكراً لك ابو زايد وستظل ابوظبي الرياضية سيدة القنوات الرياضية ومشكورة أختي على الطرح |
وش الفايده هم يسبون وهو يدافع طيب ليه مايسب انديتهم |
الهلال زعيم مو محتاج اماراتيين ولا سيرلنكيين يشجعونه ومحمد نجيب هذا مريض نفسي يكره الهلال دم ضروسه وماصدق يصير عنده استديو عشان يجيب اعداء الهلال عشان يكمل حربه القديمه علي الهلال والا نسينا قصة العين وزعامة اسيا والمسخره اللي سواها نجيب قبل لقاء الهلال والعين في الاسيويه !!! يازعماء لا تتهاونوا مع هالاشكال اضربهم بيد من حديد |
انا معك امس كان محايد لكن اختيارة للضيوف والمواضيع لم يكن محايد |
محمد نجيب يذكرني بشرشبيل حق السنافر حقود ونصاب لاتزعجونا فيه بس http://almton.com/uploader/uploads/fa03f3d9ab.jpg |
المشكلة... ماتعرفين الدويش وجستنيه .. وعلاقتهم مع تزييف الحقائق والكذب .. لو تعرفون حقيقتهم ماكان استضفتوهم ... وثقتنا في الأستاذ محمد كبيرة لأستضافة ضيوف محايدين لكسب أكبر شريحة من المشاهدين ولك وللشعب الاماراتي كل الود والمحبه وحبنا لكم لايمكن يغيره برنامج أخوك أسير الماضي |
نعيد ونكرر ان الخطأ الذي وقع فيه محمد نجيب اختياره السئ للضيوف .. |
معذوره بلاك ... ماتعرفين الدويش وجستنيه .. وعلاقتهم مع تزييف الحقائق والكذب .. لو تعرفون حقيقتهم ماكان استضفتوهم ... |
| الوقت المعتمد في المنتدى بتوقيت جرينتش +3.
الوقت الان » 09:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd