والله شف و أنا أخوك..

أنا أصغر منك و قد لا يكون عندي الخبرة الكافية لكي أبدي رأيي..

لكن أبقول اللي عندي و الرأي لك..

الكيمياء تخصص ممتاز جدا و ممتع و لايخلو من الصعوبة..

أنا من الناس اللي يعشقون الكيمياء..

وسجلت بالجامعة السنة ذي.. و كان ودّي بهندسة كيميائية لكن ماحصل..

واحد من أخويا خالي أيام الدراسة..

يقول خالي أنه كان يموت بالكيمياء.. و أيام الثانوي.. كان فاهم كل شي

لدرجة أنه من حبّه للمادة كان يقرأ مراجع و كتب عن الكيمياء.. يعني أحسن من المدرس نفسه

تخرج من الثانوي.. ودخل قسم (كيمياء)..

و أبدع ماشاء الله عليه..

و قبل لايتخرج طلبوه (أرامكوا و سابك و شركة ثالثة نسيت اسمه)

المهم راح لسابك.. و قعد يتشرط عليهم.. بعدها راح لأرامكوا و اشتغل عندهم بالشروط اللي يبغاها هو..

هذا كله و هو معه بكالوريس..

يعني ترا هالتخصص مطلوب جدا.. و نادر..

رأيي إنك تكمل..

على الأقل تكون حققت شي مهم في حياتك..

لإن التدريس قلق و قرف وتتعب و تجتهد و مثلك مثل أي مدرس مهمل

ما فيه أي تقدير..

هذا رأيي.. و تذكر

عن جابر قال: كان رسول الله صلى الله عليه وسلم يعلمنا الإستخارة كالسورة من القرآن..
وقال: ((إذا همّ أحدكم بالأمر فليركع ركعتين من غير الفريضة و ليقل:..... (دعاء الإستخارة المعروف)...))


شكرا لك..



(التميمي)