والله شف و أنا أخوك..

أنا أصغر منك و قد لا يكون عندي الخبرة الكافية لكي أبدي رأيي..

لكن أبقول اللي عندي و الرأي لك..

الكيمياء تخصص ممتاز جدا و ممتع و لايخلو من الصعوبة..

أنا من الناس اللي يعشقون الكيمياء..

وسجلت بالجامعة السنة ذي.. و كان ودّي بهندسة كيميائية لكن ماحصل..

واحد من أخويا خالي أيام الدراسة..

يقول خالي أنه كان يموت بالكيمياء.. و أيام الثانوي.. كان فاهم كل شي

لدرجة أنه من حبّه للمادة كان يقرأ مراجع و كتب عن الكيمياء.. يعني أحسن من المدرس نفسه

تخرج من الثانوي.. ودخل قسم (كيمياء)..

و أبدع ماشاء الله عليه..

و قبل لايتخرج طلبوه (أرامكوا و سابك و شركة ثالثة نسيت اسمه)

المهم راح لسابك.. و قعد يتشرط عليهم.. بعدها راح لأرامكوا و اشتغل عندهم بالشروط اللي يبغاها هو..

هذا كله و هو معه بكالوريس..

يعني ترا هالتخصص مطلوب جدا.. و نادر..

رأيي إنك تكمل..

على الأقل تكون حققت شي مهم في حياتك..

لإن التدريس قلق و قرف وتتعب و تجتهد و مثلك مثل أي مدرس مهمل

ما فيه أي تقدير..

هذا رأيي.. و تذكر

عن جابر قال: كان رسول الله صلى الله عليه وسلم يعلمنا الإستخارة كالسورة من القرآن..
وقال: ((إذا همّ أحدكم بالأمر فليركع ركعتين من غير الفريضة و ليقل:..... (دعاء الإستخارة المعروف)...))


شكرا لك..



(التميمي)

انا اشوف لو تكمل دراستك افضل بكثير من الوظيفه الحين s60s
لانو لما يكون معاك ماجستير بتلاقي وظيفه افضل ان شاء الله :)

هلا أخوي

السؤال هذا علمه عند ربي

الواحد يسوي اللي عليه والباقي على ربنا

أنا لما دخلت الجامعة ماكنت أدري إني رايح أنقبل في التدريس


ربي يجزاك خير على المرور :smilie47:

هلا أخوي

والله طبيعي الواحد يبغى يتزوج وبالنسبة لي اللي باقيلي وأتزوج بس وظيفه :stoned:

لكن مو مشكلة الواحد يقدر يصبر :)

بعدين ما أعتقد إن الزواج سبب مايخلي الواحد يكمل دراسته :stoned:


ربي يعطيك العافية على المرور :smilie47:

هلا أبو خليفه

والله ياغالي كثير قالولي نفس كلامك إمسك وظيفتك

بس وظيفة عن وظيفه تفرق يعني لو كان شي غير التدريس كان ممكن بس الواحد يبغى شي أفضل

وفي النهايه ربنا إن شاء الله راح يكتبلي اللي فيه الخير

والله يوفقك


:smilie47:

هلا أخوي

ماشاء الله عليك كلامك يدل على ثقافتك

واللي مخليني أفكر بالدراسه إن التخصص له عدة مجالات فـ الواحد بحول الله يقدر يستفيد من شهاداته

وعلى قولتك الآن أي واحد صار مدرس :surprised:


ربي يعطيك ألف عافية :smilie47:

هلا عشوقة

الله يسمع منك يارب

الواحد عنده طموح المواصله بس فيه شويه خوف من المستقبل :)

ربي يسعدك على المرور :smilie47:

هلا وغلا أخوي

شف انا من متى مسجل وما اكتب مواضيع الا نادرا ... بس هالموضوع ضروري اني احاول اني اساعدك فيه

انا كنت مثلك تقريبا قبل سنة


وتخصصي مقارب لتخصصك مو بعيد

<<< هندسة كيميائية


الكيمياء الوظايف المتاحه لها كل يوم بزياده والطلب على الكيمياء يزيد

انا حصلت قبول بجامعة استرالية وقبول بالبعثه بس كنت ابي الزواج لذلك فكرت بسلك طريق اخر

ودخلت كلية الملك فهد الامنية والحمدالله تخرجنا منها ...

بس والله الى يومك هذا وتوصلني عروض من شركات و وظايف حكومية رغم اني موظف وهذا دليل على توفر الفرص للكيميائيين


بس الله الله بالتخصص الدقيق .... يعني مو تدخل ماستر لجل الماستر بس اختر تخصص حلوو وممتاز عشان تمشي امورك صح مثل ماتبي ..

وهذا الي بغيت اقوله لك


وارجع واقول مع الدراسه بقوووووه بس الله الله بالتخصص

ياهلا أخوي

نورت الموضوع

كلامك صحيح أخوي وحتى سمعت كمان إن فيه شركة كبيرة راح تفتح في المدينة للبولسترين وأكيد للكيميائين نصيب فيها .

بس حبيت أخوي أعرف رأيك ايش أفضل تخصص للماستر يعني تخصص متميز وله مستقبل :)


والله يعطيك ألف عافية على المرور :smilie47:

هلا وغلا أخوي


العام الماضي اول مافكرت ادرس ماستر

بحثت بنصيحة احد الدكاتره عن تخصص جديد وهو تخصص النانو الي بيكون كل شي بالمستقبل عن طريقة

بس للأسف هذاالتخصص مو بالسعودية وماتلقها الا بكذا جامعه خارجية


بس فيه تخصص مادري يدرس عندنا بالسعودية وهو تخصص الصناعات البتروكيميائية << وهذا هو تخصص شركة سابك ومعظم الشركات الي بتفتح بالسنوات القادمه

والأهم انك تسأل من الدكاتره الي درسوك قبل وخذ بنصايحهم

الله يعافيك أخوي

وإن شاء الله وقت الترم التحضيري راح أسأل المصاريه اللي عندنا :d


عوافي ياغالي :smilie47:

اقول كمل الدراسة
وتصبيح د. عندليب الهلاليين

الله يوفقك من كل قلبي وتوكل على الله

ولا تنسى تمر على ابو ركبة يعطيك رسالة ماجستير
ههههههههه

طلبت المشورة
وإليك ما طلبت
أكمل الماجستير ، فهي شهادة توسع لك الخيارات نوعا ما .

الحمد لله إستخرت وإستشرت

والله يكتب اللي فيه الخير

الله يجزاك خير على المرور :smilie47: