|
وين خوفك من فاطر السماوات والأرض؟! السلام عليكم ورحمة الله وبركاته اسمحوا لي بأدخل في السالفه بدون مقدمات..! كنت جالسه في توسعة الحرم بمكة وما معي أحد من أهلي متكيه مع العزبه والأغراض وفي حالي بس فيه واحد أقلق حياتي! جالس مع أهله ويناظرني طول الوقت! هذا وهو بإحرامه معتمر وبرمضان!!!!!!! لكن ما أقول ألا الله يخلف على أم جابته على إني محتشمه يارب لك الحمد وعبايتي فوق الراس وبدون أكمام وخرابيط بنات تافهات!!! لكن ذا الآدمي ما خاف ربي! أصلا أشك إنه آدمي! عاد أنا حامت كبدي منه ولفيت أنا وأغراضي للجهة الثانيه وأناظر في هالناس والزحمه وأحلى شيء الأطفال يجننون ودي ألعب معهم بس للسن أحكام المهم جاء هالدلخ ومر من قدامي ومعه حرمه ولما أبعدوا لف لجهتي وأشر لي بجواله! وأنا أقول له يالمجنون(فيس يحمد ربه) ::::::::::::::::::::::::::::::::::::::::::::::::::::::::: والله لو يجي أحلى المزايين وابن مين ما كان ويغازل! تدرون وين مكانه؟ تحت الأقدام!!!!!!!!!!! وربي أحتقر هالفئة من الشباب اللي ما عندها خوف من ربي ولا عندها نخوة وحمية لمحارم الناس مع الشيطان يمين .. يمين يسار .. يسار وبقولكم شيء حطوه في روسكم (من طق باب الناس طقوا بابه!!) إذا كنت تغازل وقلتلي أخواتي متربيات ومستحيل يسوون الحرام بأقولك إذا أخوهم أصلا مو متربي؟!!!! ترى ورانا يوم قيامة! وحساب عسير للي مافي قلوبهم رحمة ولا خوف من ربي! لا تغركم دنياكم! ما زانت للي قبلنا عشان تزين لنا! تكفون يا أخواني راجعوا أنفسكم.. وتوبوا لبارئكم.. قال تعالى:(وما كان الله ليعذبهم وأنت فيهم وما كان الله معذبهم وهم يستغفرون) وقال سبحانه وتعالى على لسان نبيه نوح ( فقلت إستغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا ) يعني لو يتوب الشخص عن كل ذنوبه ربي يبدل سيئاته "حسنات" يا ناس فيه هدية أجمل من كذا! وأيضا بيزيده من واسع فضله! سبحانه ما أعظمه .. أنا مجرد "ناصحه" من محبتي لكم يالطيبين وإذا على الموت كل منا بينحط في قبره لحاله! ولا فيه أحد أيا كان يقدر يدافع عنا غير أعمالنا الصالحه! ::::::::::::::::::::::::::::::::::::: "أخت الجميع/ متآبعه" |
الله يكثر من أمثالك أختي الكريمة أقسم بالله أنك شرف ورفعة لكل بنت محتشمة تخاف من ربها وهذا الوقت لا تستغربين أختي ترى فيه شباب مثل هذا وأبجح من كذا شباب ما همه إلا المغازلة والتسكع في الشوارع ومطاردة بنات الله لا واللي قاهرني كما أنه بإحرامه وفي أطهر مكان على وجة الأرض لكن زي ما قلتي من طق باب الناس طقوا الناس بابه وزي ما قلتي بعد هذي فئة محلها تحت الأقدام أسأل الله أن يهديهم وإلا يريح البشر منهم أنا أحييك والله يثبتك على ما أنتي عليه |
السلام عليكم هلا بمتابعه .. الله يجزاك خير على النصايح الحلوة .. جت بوقتها والله ! لكن عسى اللي يسوونها يسمعون ويشوفون .. لكن لقد اسمعت لو ناديت حياً ولكن لا حياة لمن تنادي .. بقولك شي انتي قلتيها اشك انه آدمي .. يعني سبحان الله جاي يعتمر وبالحرم ويسوي هالحركات !! إقتباس:
|
الله يثبتك ويهدي كل من ضل سواء السبيل |
لاحول ولا قـوّة إلا بالله ؛؛ بصـراحة مشـهد مؤلـم جداً أن يكـون الحـرم كحال السـوق .. يأشـر بجواله أجل .. يا حيف المراجل .. الله يصـلح حـال المـسلمين بس .. // إقتباس:
وعلى فكرة ؛ الآيات القرآنية يجب أن تذكر صحيحـة ولا يصح ذكر معناها كما الحديث الشـريف . بارك الله فيك ورده .. |
إقتباس:
والله يهدي الجميع |
هلا متابعه وعمرهـ مقبولهـ اي والله صادقه مثلي قبل 5 شهور رايحين نعتمرتونا طالعين من صلاة العشاء انا واختي واخوي الكبير من الحرم الا وذا اللي اللي يأشر بجوالهـ :bigeek: صدق انهـ قليل ادب تونا طالعين من الصلاة ومعاي اخوي اجل اذا صار مو معاي:surprised: بعض الشباب الحين مايستحون على وجيهم معاك اخوك والا مو معاك ماتفرق معاهـ مشكوره خيتو تقبلي مروري بنت عبووود**s13s |
الله يثبتك ويجزاك خير .. الله يهدي شباب وبنات المسلمين .. دمتِ بخير |
والله ياوخيتي ذكرتيني برمضان اللي طاف شفت مايشيب الراس اقسم بالله من القهر ودك تصيح بنات لابسين عباية عالكتف وبناطيل ولثمه بالمسعى وسواليف وضحك كأنهم بسوق مو بالحرم ..!! يعني وصلت هالحقارة والسذاجة إلى إنك تعصي في بيت الله الحرااام ,, يمكن خارج الحرم الواحد تكون عينه زايغه شوي :d لكن مو لدرجه تووصل لأنتهاك حرمه البيت الحرااام ,, وهل يعلموون هؤلاء إن المعاصي بالحرم تضااعف كما تضاعف الحسنات ,, ومايخص هاللي اشر لتس بالجواال كان كمختيه بالنعله عشان يتأدب وهذا مثال للسذج اللي ماعنده دم ولاخووف من رب العالمين ,, نسأل الله العافيه .. وعمرة مقبوولة وخيتي متابعه ,, وجزاتس الله كل خير ,, |
وعليكم السلام ورحمة الله وبركاته عمرة مقبولة فديتكـ :) المشهد الي ذكرتيه مع الأسف شفته بصور مختلفه بساحات الحرم :( شباب يطالعون بنظرات غبية .. بنات بعبايات ضيقة وميك اب وحالة حتى السوق المفروض ماتطلعله بهالشكل .. لاراعو حرمة الحرم ولا حرمة الشهر والحين بالعشر الأواخر منه :( ماقول الا الله يرحمنا برحمته ويهدي شبابنا وبناتنا جميعا ... |
عمره مقبولة بإذن الله والله في الحرم في أشياء تصير أكثر من الغزل وهالحركات وفي البيت الحرام الناس ماتستحي ياخووي حنا مو مطاوعه لكن مسلمين المكان هذا له حرمه خاصه ولكي نكون أكثر مووضوعيه يجب أن نلقي نظرة على الجانب الاخر بعض الاخوات تأتي بكامل زينتها للحرم أتوقع لو ترووح للسوق أو للحفلة ماتلبس كذا هذا مو دفاع عن الاخ لكن موضوعية وحيادية لا أكثر |
إقتباس:
على أي أساس تزكيها وتقسم على ذلك ؟؟!!!! أنا لا أنتقص الأخت متابعة ولا أريد أن يفهمني أحد خطأ .. ولكننا الآن نكتب خلف معرفات مستعارة ولا نعرف شيئاً عن حقيقة بعضنا ..!! فكيف تتحدث بهذا الكلام وتقسم عليه لمجرد كلمة قالتها لا تستطيع لا أنت ولا أنا (الجزم ) بحقيقتها أو كذبها ..! بالنسبة للموضوع .. جزاك الله خير متآبعة بصمت ورده والله يهديهم ... ما أدري وشلون يقدرون يفكرون أصلاً بوسط الحرم يرقمون :surprised: برا الحرم وبرا مكة .. نقول هه ممكن نقول شباب طايش :stoned: اما وسط الحرم ياللي فيك وما فيك؟ :upset::razz: يالله أكتفي بهالرد ما بكمل .. لأن عندي بالمسن واحد يقول وش فيك .. قلت له أكتب رد .. ومو مصدقني :D:smilie47: شكراً لك متابعه ورده |
هلا متابعه عمره مقبوله :) ياشيخه مدري وش اقولك الي يرقم والي ... خلينا ساكتين ماتت القلوب عند البعض الا من رحم ربي :stoned: الله يجزاك خير على النصيحه |
صبآح الخير .. ورده الله يهدي الجميع ان شاء الله .. متابعة ..ورده تعرفين بغلاتك زي باقي بنات الزعيم عندي ..لكن بغيت أقولك حلو لو ترجعين لمواضيعك الأوله وتوقفين عن مواضيعك الاخيرهـ .. لانها خصوصية أكثر من كونها عامة .. والأعضاء لا ناقة لهم فيها ولا جمل .. أتمنى تتقبلينة بـ صدرٍ رحب ..ورده البقايا .. |
جميل جدا ان تبدأ النصيحة بموقف او مواقف!! كل موقف يمر فيه انسان ما يعتبر (شخصي).. ولكن الفطين من يجعل من تلك (المواقف) نصائح ترتدي ثوب (العموم) :stoned: جزاك الله خيرا ووفقك لما يحبه ويرضاه :clapping: إقتباس:
الله يستر من صباحك يالبقايا :razz: |
| الوقت المعتمد في المنتدى بتوقيت جرينتش +3.
الوقت الان » 09:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd