استبعادك لشلهوب يا((الجوهر)) سيكتب بالتاريخ
 

نقطه يجب ان تذكر فمثلما استبعد ((مارادونا)) من منتخب الارجنتين في كأس العالم 1982 والاحداث التي صاحبت هذا الاستبعاد من هجوم ضار للمدرب انا ذاك بالرغم من فوز الارجنتين باللقب ...
فقد وصف احد الصحفيين المدرب ((بالمجرم)) فتهمه بأنه حرم العالم من مشاهدة موهبه بكل ماتحمل الكلمه من معنى فأسقاطه من كشوف المنتخب جائت كأصدمه للأرجنتينين خاصه وللعالم عامه .
لذلك تجد الشارع الرياضي العالمي لم ولن ينسى تلك الحادثه فقد كتبت بالتاريخ الرياضي واصبحت حادثه ومثلا لكل مدرب بالعالم ينتهج العنجهيه في اسلوبه التدريبي واختياراته .
ولذلك فأن مابدر من ((ناصر الجوهر)) من استبعاد للكابتن محمد الشلهوب
بشكل لا يقبله عقل ولا منطق .. فالعقل يقول ان محمد كان ولازال اكبر المواهب المتواجده في العالم العربي واسيا قاطبه وكلنا يعرف ان الموهبه عمله نادره لاتأتي دائما .. والمنطق يقول ان اذا كان اللاعب المذكور محافظ على مركزه في نادي يعتبر ((قمة الصفوه))وهو نادي الهلال وايضا قد ازاح بمستواه يوما من الايام عملاقا من هذا المركز وهو ((خالد التيماوي)) وايضا عرف محمد بأخلاقه العاليه التي يضرب بها المثل وهدوئه الذي يحتاجه لاعب كرة القدم عامه وهي ميزه في محمد ولذلك
فمن المنطق ان يكون له مركزا في منتخب بلده .
قد يكون ((ناصر)) لايعلم ان لمحمد مستقبلا باهرا ينتظره فالمستقبل كله لمحمد فهو في نادي كيبر يحقق انجازات فالمحصله تقول ان محمد سيلعب داخليا وخليجيا وعربيا واسيويا وعالميا حتى مع فريقه .
صدقوني ان ناصر لايملك مبررات لفعلته مثلما كان لمدرب الارجنتين مع قصة استبعاده ل((مارادونا)) .
وهناك كلمه يجب ان تصل للجوهر وهي انه في استبعاده لمحمد الشلهوب قد دخل تاريخا يوازي تحقيقه كأس العالم وهو حرمان العالم من موهبه قل مانراها في العالم اجمع فمبروك لناصر مجدا حققه .
واقول لمحمد لاتخف ولا تحزن فناصر راحل ((لامحاله)) وقد يرحل في ((اليابان)) ولا يعود مع البعثه الى الرياض وقد يأتي مدرب يقدر ويفهم كلمة ((موهبه)) فمدرب يضم الى المنتخب لاعبا عديم الاخلاق والتربيه مثل محمد نور ولاعب خشن مثل محسن الحارثي ولعب مثل الثقفي والبحري لا تنتظر منه فهم كلمة ((تدريب))اصلا.
واعتقد اننا كسعوديين محبين لمنتخب بلدنا بدأنا نقطف ثمار عدم اعتمادنا على التخصص في التدريب الكروي
وسلامي....

تراه صدق نفسه مدرب
لابس قبعة زي الخواجات
اسمه كوتش ناصر

مااخذ النجم الكبير المظلوم القهوجي خالد ... تبونه ياخذ
المبدع الشلهوب... يا ناس بلا ناصر الجوهر بلا هم...
والله يستر في كاس العالم..

يا كوتــــــــــــش ناصـــــــــــــــــــــــر :
 

الله يسامحك .. والله اني اقولها من كل قلبي الله يسامحك..

والله الجوهر مش بطال

لكن عدم عدم ضمه للشلهوب في هذا الوقت محير جداً

فالشلهوب استعاد مستواه مؤخراً .. هذا أولاً

ثانياً .. إذا لم نظهر مواهبنا الكروية ( الشلهوب وغيره )

في هذه البطولة الأهم على مستوى العالم ، فمتى نظهرهم ؟!

ياخي زي ما استبعد الموهوب استبعد ماطر.
ولا تظلمون ناصلر تراه والله معذور لانه يبي لاعبين جاهزين
100%.فنيا وطبيا ولياقيا.والشلهوب يعاني من ضعف طبي ومهوب جاهز طبيا بنسبة100%.





(يا جماعه لا تصيرون مع الخيل يغا شقرا)











وشكـــــــــــــــــــــرا

انا ارى ضمه لسبب واحد فقط وهو ان الشلهوب كان مشارك في التصفيات وحرام يطلعه في هذا الوقت .

الاخت ملاك : مين قال لك ان القهوجي يستاهل يروح للمنتخب وترى المحمدي افضل منه عطاء ومنفعه للفريق ، والقهوجي حاليا لا يمكن ان نقارنه بالشلهوب او المحمدي لانهم يفوقونه بمراحل حاليا .

انا برايي ان المدري شاف ان الشلهوب مهوب قادر يقاوم اجسام لعيبة الكاميرون او المانيا او حتا ايرلندا يعني صعبة شوي وذا هو السبب اللي ظم عشانه الدوسري -سعد- عشان جسمه يعني هو اثقل او تقدر تقول اصح من الشلهوب و المحمدي

واللة انك صادق وكلمك صحيح

عزيزي هلا هلالي

الأغلبية زعلان لعدم ضم الموهوب الشلهوب للمنتخب وأن شاء الله سينظم للمنتخب بدلاً عن لاعب مصاب كما ذكرت أحد الأذاعات ، ابشر أبشر أن الشلهوب في المنتخب أن شاء الله مجرد وقت
وشكر لك ياعزيزي على هذا الكلام الابداعي والقادم أفضل وأجمل أن شاء الله.



وتحية طيبة للجميع.

وانا بعد انقهرت لعدم ظلم المحمدي بعد ...... صراحه قهر المحمدي والشلهوب برى ونور العربجي يلعب بالمنتخب ......

أنا مع الأخ / ابو(15)يعقوب في كل كلمة قالها

بصراحه يازنجبار اسمحلي اقولك ماتفهم او انك ناسي وانت يابو يعقوب؟؟؟ يعني الجوهر يبغى لاعب جاهز مئة بالمئه فنيا!! وطبيا!!
سعد الدوسري!!لاتعليق لافنيا ولاطبيا!! وكذلك النجعي من متى ماطقها من كاس فيصل بن فهد علاوة على الحارس الرابع !!
انا اكثرت من علامات التعجب لاني انا شايف شئ غريب !
وبعدين اللي يقول الجسم ياخوك الجسم مو بالبطن وبعدين حنا رايحين مصارعه الحين زمن المواهب

ياناس لاتضلمون ناصر الجوهر

ترا مو كل شيء بيد ناصر
وزي ما أبًُعد الموينع في 94
والتيماوي في 98
هالمرة الشلهوب 2002

وبعدين الشلهوب زي ماطر مستواه مع المنتخب غير مع النادي

اخوي هلا هلالي

كلامك مضبوط 100 % الله يعطيك العافية :)

وانا من خلال شبكة الزعيم اوجه رسالة لناصر واقول له :

هالمرة ماعاد ينترقع لك يابو جوهر !!!

وش قصتك مع الوسط اليسار:) ؟؟

في دورة الخليج عليت تسبودنا بالمحمدي وهو ماقدم اي شيء ينذكر باستثناء هدف الساق :D :D

والحين وخرت الشلهوب وهو في قمة مستواه .. وانا اشك انك شفت اخر مباريات الهلال ( قبل مباراة الاتحاد ) ولا مستحيل انك تشيله !!

خصوصا وانه في تشكيلة المنتخب كاملة لايوجد سوى لاعب واحد فقط مركزه الاصلي الوسط اليسار والمصيبة الاكبر انه ما طقها من شهور وعائد من اصابة غامضة ولم يتاكد شفاءه 100% !!!!

والمصيبة الاشد من كل ذا.. انه وحسب اخر التقارير فان عبد الغني موب لاعب في كاس العالم .. يعني بالعربي بيصفى لنا يا (المهذب الفنان :D :D )صالح الصقري يا منصور الثقفي البزر !! يعني الخلاصة المنتخب بيلعب بدون الجهة اليسار قدام المانيا والكميرون !!!

يعني وجود الشلهوب في ذا الوقت مهـــــم جدا على الاقل ياخي احتياط
هذاك ضام لاعبين يا شيخ لو يطقونها في كاس العالم عيت الكورة :D وطردوا السعودية من المونديال بحجة الاساءة الى الذوق العام:D :D من امثالٍٍ[ محسن الحارثي و محمد نور و عبيد الدوسرى ومنصور النجعى و ابراهيم سويد و احمد البحرى !!! ( مين ده ؟ :D :D ) ]
ولا يعني ماراح يضيق على البعثة الا ابو شلهوب وعصاقيله:D :D ؟؟؟

ابو شلهوب .. على قولة اخوي هلا هلالي .. لاتخاف ولاتحزن والمستقبل لك باذن الله وكأني اشوفك في كاس العالم 2010 قائد المنتخب باذن اللي عينه ماتنام ...

لاحول ولاقوة الا بالله كل ما انبسط الواحد شوي في ذا الديرة نكدوا عليه :( !!