وعليكم السلام ورحمه الله وبركاتهـ


عودا حميدا اخوي مواصل
ونورت مطرحكـ ولاتكثر غياب المره الاولى سماح المره الثانيه لا

كتبت لنا معاناهـ كثير من من وقعوا بالتدخين
ذكرت لنا اسباب المشكله
للاسف مشكله الاباء المدخنين امام الاطفال
لان الطفل مثل ماذكرت بقصتك يعتبر والده قدوهـ له
فلما يشوف معاهـ طبيعيه الطفل يعشق التجربهـ وكيف اذا كانت مع قدوتهـ بالحياه
فهو بتفكيرهـ البريء يريد ان يكون صورهـ كربونيهـ من والدهـ
الطفل او المراهق
قد يجهل اضرار التدخين والاهم من ذلك حرمتهـ
للاسف غالبا الاطفال او البنات او الشباب لما يشوفوا الغلط من اهلهم يستسهلونهـ لانفسهم
لما البنت تشوف امها بعمر 45 سنه تنمص حواجبها
هل نتوقع ان البنت بتدرك ان هالشي محرم خصوصا لو كانت اقل من 15 سنهـ
ولما تنشا على هالشي خلاص صعب عليه تغييرهـ خصوصا ان قدوتها بالحياهـ تفعلهـ

ايضا من رائي
صحيح الذنب يقع ع الاهل ولكن
الشاب او البنت لما يوصلوا لـ 18 اتوقع كافي ان الواحد يقدر يميز بين الصح والخطا
الاهل مخطئين واقولها ستين مره
ولكن حنا باعمار تساعدنا ع التمييز مو تبرير ابدا كون ابي او امي اخطأت اني اخطا
الخطأ يتحملونه الاهل بالتاكيد
ولكن ارى انهم ليسوا شماعه لاخطأنا

هو صحيح ان التوعيهـ يمكن نادرهـ بفتره ماضيه ولكن حاليا اشوف التوعيهـ ماشاء الله بشكل اكبر ودائما ماتعقد ندوات وحملات لمحاربه التدخين

المصيبه وقعت وعرفنا اسبابها
الحين الواحد يفكر بكيف التخلص منها
وان شاء الله العزيمه متى ماكانت موجودهـ الواحد قادر يغير بلد مو يغير نفسه بس
واهم شي الواحد يكون له نظره مستقبليه وهذا ماستشفيته من الماساهـ
وهي حال ابناء ذاك الشاب بعد كم سنه عندما يشاهدون والدهم يدخن
وهل بتكرر معاناه الشاب مع ابنه
لما الواحد يخطي ويحس ان بعد كم سنه بيكون مسئول عن ابناء وبنات وبيكون قدوتهم
وبيكون هو السبب بصالحهم او هدايتهم بعد الله سبحانه وتعالى
صدقني يحرص يكون صورة مشرفه قدام ابناءه
واذا هيبه الاب والام ذهبت فقل ع الدنيا والابناء السلام

وبنفس الوقت ممكن الابن يكون قادر ع تغيير والدهـ وهذا حصلت كثير
لما اشوف اغلى ماعندي واقع بخطأ والله ماراح اسكت عنهـ حتى لو كلفني هالشي غالي

قبل كم شهر شاهدت خطأ لانسان غالي علي كثير وعمره تجاوز الاربعين سنه
صحيح حزنت ولكن فكرت ان حزني ماراح يفيد لو ماتحركت خصوصا ان المشكله كانت ببدايتها
مدري كيف جاتني شجاعهـ وارسلت مسج عتاب
يمكن كلفني هالمسج كثير
واهمها نظرات المرسل له التي كانت نظرات شخص مستحي من بنت ماجاوزت العشرين سنه تنصحه وليس عتب علي
ولكن الحمد لله راضيه ع نفسي وان شاء الله اني قدرت اتدارك المشكله



دعاء المدخن:
ومع الأخذ بالأسباب يستعين المدخن بسلاح الدعاء لكي يثبته الله في رحلة الإقلاع ويتم عليه الشفاء، وفيما يلي بعض الأدعية المناسبة لهذا الموقف:
0 اللهم خلصني من هذه العادة التي استعبدتني.
0 اللهم اجعلني عبدا لك وحدك دون سواك.
0 اللهم احفظ على صحتي ومالي، ولا تجعلني بهذه العادة عدوا لنفسي ولمن حولي.
0 اللهم لا تجعلني سببا لضرر نفسي أو لضرر أسرتي أو لاستنزاف موارد وطني.
0 اللهم امنحني القوة للعبور: من الاستعباد إلى الحرية ومن المرض إلى الصحة ومن التلوث إلى النظافة ومن السفه إلى الحكمة ومن الضلال إلى الإيمان ومن التدخين إلى العمل الصالح.

ادري اني طولت واحس ببالي كلام كثير بس اعطي للبقيه الفرصه بالتعليق

\

/
اخوي مواصل
دعواتي بـ ان تزف لنا خبر تركهـ وبقيه الشباب معانا
والله انها امنيه منا جميعا
وان شاء الله هالامنيه بتحقق بالقريب العاجل
بدعوات الجميع و ودعواتكم انتم ايضا واصراركم وعزيمتكم
ولاتقولوا حاولنا وماقدرنا كلكم قادرين وانتو بمرحله شباب تداركوا الامر كلكم مقبلين ع حياه جديده وهالتدخين بيكلفكم الثمن غالي
لو الواحد فكر هو وش بيستفيد من هالسيجاره خساره صحه ومال
الراحه بالقران وبالتقرب لله
والانسان الحمد لله ربي من عليه بالعقل
يقدر يفكر ويحاسب نفسهـ ويشوف هو وش استفاد من هالشي
بالمقابل هو وش خسر يمكن استفاد راحهـ مزيفه
ولكن خسر نظره دونيه من الي حوليه وخسر صحته ومالهـ والاهم ارتكب امر محرم

بالتوفيق لك واتمنى كلامي ماضايق احد لانه من قلبي والله

إقتباس الرسالة الأصلية كتبت بواسطة LBa your heart هلا والله بالمدخن

إقتباس الرسالة الأصلية كتبت بواسطة LBa your heart انا كنت ادخن بس الحمدلله تركته .. ويرجع الفضل لبرنامج 99 ورده وبدايتي بالتدخين لأجل المهايط والمرجله وبالاخير دريت انها دجه ( وصرت اشيش على خفيف ) وأنصحك وانصح المدخنين يشوفونه ولو تبي اجيب لك الحلقة كامله جبتها لك الله يفكك منه ورده

الله يبشرك بالجنه
وربي يثبتك ويبعده عن طريقك
وعقبال الجميع يااااارب

هلا والله خيو مواصل .. ورده

التدخين من اكثر الاشياء ضرر على جسم الانسـان .. وهو مثل الموت البطيئ
يدمر خلايا الانسان ويتلفها <دكتوره رعبوبة
والمفروض يكون الاب قدوة لأبنائه وبناته .. حتى المدرسين بالمدارس لأن تأثير المدرسين احيان يكون اكبر من تأثير الأهل
خصوصا لاصار عمر المدرس متقارب من عمر الطالب
يعني مو المدرس او الاب ينصحهم انه مايدخنون ويروح هو يدخن قدامهم ..يبن لهم انه هالشي غلط وانه يتمنى يتركه اليوم قبل بكره ..
باكيتات الدخان تباع بكل مكان للأسف
والكل صار يقدر يحصل عليها ..
ورفقـاء السوء مايخلون احد بحاله ..

الله يعين على هالدنيا القشره

مواصل .. ورده
الله يعطيك العافيه

برايفت..
لاتشره اذا فيه اغلاط املائيه اكتب بالظلام

وعليكم السلام ورحمة الله وبركاته ...

اهلاً مواصل , فعلاً ذكرت احدى معاناة المدخنين ,, وهي كثيره ولاتحصى ..
ما اعجب منه في الموضوع , ان المدخنين يعرفون اضرار التدخين تماماً
وكذلك يعرفون ان العلاج بحاجه لوقت حتى وان كانوا وصلوا لمرحة الادمان .

الا انهرغم كل هذا يكابرون ويدخنون وبشراهه , إلى متى لا ادري ..
هو بلاء , اسال الله ان يعينهم على تركه وان لا يبلانا ولا احبتنا ..

في كل مره نرى في الصحف والمدارس تحذير وحتى على علبة السجائر ..
إلا انه لا حياة لمن تنادي , وكان الله بعونهم ..

مواصل , شكراً لك ولطرحك .. تقبل احترامي..
دمت بخير

إقتباس هـ الولد المذكور يمثل اكثر الشباب السعودي ذا الوقت

يا فيصل كلمتك هذي إختصرت علي كل الموضوع
والله يكفيك شره يا فيصل

إقتباس وخاصةً اذا كان الاب يدخن عند الأطفال وبعدين ياخذون ابوهم قدوهـ لهم في هذا الشي اذا كبروا

إقتباس مواصــــــــــــــــــــــــــــــــــــل : ترى في بنات يتشرطون انه مـــــا يبون واحد يدخن >>>>>>>>> يبتها ع الجرح وله ?

عيون ياســ 20ــر
شاكر لك مرورك أخوي عيون

رغم اني كنت امزح بس انا عند وعدي

إقتباس الرسالة الأصلية كتبت بواسطة بلد الوليد مواصل من عام الفيل اخبارك يالغلا هـ الولد المذكور يمثل اكثر الشباب السعودي ذا الوقت الحمدلله ماعطاني الله حب للدخان ولا رغبه في التجربه ولاشي له دخل بالدخان احب اخذ الولاعه واذوب البلاستيكه الغلاف اخليها سترتش الله يعافي ويشفي كل مدخن يارب جزاك الله خير عبدالله ورده

صح والله العالم ذحين علبالهم التدخين مرجله

تشرفت بمرورك

إقتباس الرسالة الأصلية كتبت بواسطة القناصة الهلاليه وعليكم السلام ورحمة الله وبركآته أهلاً أخـي الكريم عبدالله .. مسآء الخير رحمك الله ياعمي للأسـف الكثير من الآباء وليسوا الأبناء هذا الرجل كان مداوم على التدخين ومات والأجهزة على صدره توفى رحمه الله بسبب ضيق التنفس وإنسداد الشرايين من النيكوتين رحمه الله وتجاوز عنه وجمعنا وإياه والمسلمين أجمعين قال الله تعالى : { ولا تلقوا بأيديكم إلى التهلكه } التدخين فساد ودمار والعياذ بالله وهو من المحرمات نسأل الله السلامة منه ..! بارك الله فيك أخي عبدالله على هذا الطرح الرآئع لعل الله يحرك بها قلباً غفل عنه..! أسأل الله أن لايحرمك الأجر وأن يقينا شر هذا الهلآك وأن يهدي شباب المسلمين إلى طريق الحق والصواب أجمل التحايا وأعذبها وردهورده

ردك طويل

رحمه الله واسكنة فسيح جناته

امين

إقتباس الرسالة الأصلية كتبت بواسطة بنت عبد الله & وعليكم السلام والرحمهـ هلا وغلا بخالي سبحان الله بعض الرجاجيل يحسبون انو التدخين مثل ماقالت بنت فهد مرجلهـ مايدرون انو التدخين يدمر اسرهـ وخاصةً اذا كان الاب يدخن عند الأطفال وبعدين ياخذون ابوهم قدوهـ لهم في هذا الشي اذا كبروا ملااحظه::>>مادريت انك منزل موضوع الا بعد ماقالت لي بنت فهد عوافي خيو ع الموضوع المميز والمفيد تقبل مروري المتواضع بنتـ عبودي**

صح بس اللي يحسبون كذا فئه الشباب بس

تشرفت بمرورك ورده

إقتباس الرسالة الأصلية كتبت بواسطة AHMED477 هلا والله ..مواصل الحمد لله على السلامة أخيرا شفنا موضوع لك لنا بااااك بعد الفطور ________________ رجعنا بعد يوومين (وجه مستحي ) .. والله (غالبا ) بفترة المراهقه الواااحد لازم يفكر بالتدخين من باب الرجوله وانه رجل .. لكن اذا شاف احد يوجهه ويحذرة اكييييد بيتركه .. والله اذكر واحد عندنا بالحارة شكله مع الفطور برمضان يدخن يجي لصلاة المغرب والريحه دخاااااااان .. وواحد من العيال احسه مهايطي قسم بالله اذا قعد عندنا خمس ساعات (مثلا) يدخن خمس طعش مرة .. الله يعافيهم ولايبلانا .. والمفروض يكون فيه حملاااات قويه وبكل مكاااان بالمدرسة خصوصا لان الواحد يقعد به اكثر من بيتهم .. والله يعافي كل مبتلى ان شاء الله ... يعطييييييك العافيه عبدالله

الله يهدينا ويهديهم جميع

إقتباس الرسالة الأصلية كتبت بواسطة f*y*d أهلا وسهلا أهلا وسهلا ومرحبا حمدالله ع السلامة مواصل التدخين مشكلة ولن يبتعد عنها الشخص إلا من قناعة وليس بالقوة كما رأينا من نظرات الأب الغاضب ! على الدولة توعية الشعب أكثر بطرق فريدة وليست ما تعودنا عليه من أيام دفتر " لا لا لا للمخدرات " ولا ننسى دور البيت . اشتقنا لمواضيعك الدوله مي مهتمه بهذا الجانب كثيرا

إقتباس الرسالة الأصلية كتبت بواسطة عاشقة الزعيم15 اهلين مواصل .. موضوعك او القصه تتكلم عن اكثر من عامل ادت للتدخين اولهما الاهل وهو عامل رئيسي وكما قلت لما يشوف قدوته يدخن فما بالك بالمراهق .!! والشي الثاني المجتمع والمدرسه اللي ماعلمته مضار التدخين او انها تكلمت عليه بشكل مختصر يمكن بعض الاساتذه المدخنين ماينصحوا لانهم واقعين فيه بس انا اقول مافيها شي لو نصح لو اعترف انه غلطان وحذرهم ونصحهم بالابتعاد عنه .. غير الشباب اللي يدخنوا صارت هناك فئه كبييييره جدا من البنات مدخنات غريب حال الاهل اللي مادروا عنها وتركوها تخرج مع صاحباتها اماكن نسائيه مشبوهه بنظري .!!! سردك للقصه رائع مواصل وليت كل يوم تكتب وحده على عجل يعطيك الف عافيه ياارب ورده تحياتيـ عاشقة الزعيم15

كلام رائع تشرفت بمرورك ورده

إقتباس الرسالة الأصلية كتبت بواسطة ALMALAKY أهلاً وسهلاً فيك اخوي مواصل .. في البدايه اخي العزيز امر الدخان أصبح في الوقت الحالي شي عادي جداً فالأمور أصبحت أكبر من ( دخان ) الآن ياعزيزي الحشيش والمخدرات بأنواعها أصبحت في متناول كثير من الشباب .. التدخين هو الحقيقة بدايه ضياع الكثير من الشباب وأنحرافهم إلى امور اكبر من التدخين مثل الحشيش المنتشر بين الشباب بدون رقيب ولا حسيب بشكل فضيع لأبعد حد .. نسأل الله ان يصلح الأحوال مواصل ورده

اميين

إقتباس الرسالة الأصلية كتبت بواسطة Hilali88 (كلكم راع وكلكم مسؤول عن رعيته) بعض الأباء يقودهم جهلهم للتدخين أمام الأبناء ولا يعلمون خطر هذا عليهم في المستقبل أو ربما يعلمون لكن حرصهم على اشباع رغباتهم في التدخين يجعلهم يستهترون بمخاطره والأسوأ من هذا هو إرسال أبنائهم لشراء الدخان وأحياناً إذا لم يعجبه النوع يطلب تغييره ويبين لابنه الفرق بين الأنواع لكن ليس بالضرورة أنه إذا كان الوالد يدخن أمام أبنائه يصبح أبنائه مدخنون لأن بعض الأبناء إذا رأى سلبيات والده يبتعد عن الأمور السلبية التي يفعلها والده لكيلا يكون صورة منه يعطيك العافية ورده

الله يعافيك كلامك منظقي وممتاز ورده

إقتباس الرسالة الأصلية كتبت بواسطة فتاه هلاليه التدخين .... بصراحه مثل ماذكروا بعض الأخوان والأخوات أنه للأسف اللي يدخنون يحسبون التدخين مرجله .... المشلكة اذا كان الاب يدخن والولد صار مثله يعني وش بيقول الابو بيهاوش بيقول الولد انت بنفسك تدخن .. للأسف ظاهرة انتشرت وبكثرة بيننا نلقاها في كل مكان وعند كل الجنسين الذكر والانثى يعني بالمدارس بالجامعات بالاماكن العامه ...... طبعا أنا أحط اللوم كله على الاهل وأصدقاء السوء بعد الله يكفينا شرهم ... والادهى والامر أن بعض أولياء الامور يعلم ابنه أنواع الدخان يعني دافيدوف وو..الخ وغيرها يعني ....يعني عشان الولد لين صار مراهق ,,عرف وش يختار اي نوع ويتنقى بعد.. الله يحفظنا وإياكم أجمعين ... براءه براءه تقوطر منك .... ; / كل الود..

للاسف اصبحت ظاهره

إقتباس الرسالة الأصلية كتبت بواسطة dal3_uae ان شاء الله يعجبك ردي ... شرات ما عيبك رد عاشقة الزعيم ... هلا مواصلينو >>>>> على وزن مشاغبينو الله يذكره بالخير >>>>> اول شي مرحبا بك ... وثاني شي ... اتحسبتك بترد بموضوع يكسر الدنيا ... >>>>> اتمصخر موضوعك فنتك I will back today afternoon ensha allah I will go to sleep now >>>>>> افهمها وهي طايره مشكور على هالموضوع ... اللي ينفع الشباب الصغار والكبار ومختلف الاجناس ابنات والاولاد ... :: سررنا بعودتك يا ... مقاطع من 1413 :: العودة الثانية ... بعد قراءة ماكتبت ايها المدخن شوف يا مواصل ... السالفه مب سالفة افتخار بانك مدخن ... لا السالفة التدخين مضرة سواء كنت انته او هذاك الفتى اللي خليته واحد ما تعرفه على غفلة ... أحيك اخوية مواصل ع الاعتراف ... وهي شجاعه منك ... غيرك الالاف اللي يدخنون ... سواء عندكم او عندنا ... الله يهديهم ... ان شاء الله ... ورمضان فرصة للتغيير نحو الافضل ... ونحن في عشر الاواخر ... اطلب من الله الهداية لك ولجميع المدخنين ... فأضرار الدخان لا حصر لها ... بعيد الشر عنا وعن كل القارين ... :: مواصــــــــــــــــــــــــــــــــــــل : ترى في بنات يتشرطون انه مـــــا يبون واحد يدخن >>>>>>>>> يبتها ع الجرح وله ? فحط في بالك انه ما بياخذونك ...>>>>> وبجذي بعد الله يمكن اتودر هالتدخين واتفكر في مستقبلك ...اللي اهم عن التدخين

الكلام لمواصل مالي دخل ارد

إقتباس الرسالة الأصلية كتبت بواسطة عيون ياسـ20ــر الله يعطيك العافيه على هالموضوع الرائع... بصراحه اكثر اللي يدخنون حاطين الدخان رجوله...! واللي مايدخن مو رجال في نظرهم...! واللي مضايقني ورافع ظغطي ان نسبه كبيره جدا من الشباب يدخنون وفيه صغار ماسكين الدخان...! والله شي يقهر..! لكن الله يعافيهم ولا يبتلينا..

ايوه لانهم قدوة لمن اصغر منهم

تشرفت بمرورك اخوي ورده



خلصت من الصفحه الاولى

^^^^^^^^^^^^

من جدك تتكلم

اوه الله يرحم حالكـ ما فكرت تتركهـ؟



على اني صرت اشوف التدخين عادي لانو ابوي يدخن

بس ولو يضيق صدري

مواصل هنا في عضو يدخن ونفسه يترك التدخين

وانشاء الله قريب راح تتركونه بس اهم شي الدعاء لك وله ولابوي

اسفه ع التدخل للمره الثانيه

إقتباس الرسالة الأصلية كتبت بواسطة مواصل من عام 1413هـ ، فأنا ذلك الفتى الذي أصبح مدخناً.

افااااااااااااااااااااااااااااااااااااااااااااااااااااا والله

يوووووهـ بصراحهـ الله يفكك منهـ بأسرع وقت ويسهل عليك ربي وجميع من يدخن

سوري مواصل^_^

إقتباس الرسالة الأصلية كتبت بواسطة مواصل من عام 1413هـ لما رأيت أن غالبية الردود إنحرفت عن ماقصدته، حان الوقت لأكشف ما كنت أخفيه. فالقصة المكتوبة تخصني ، فأنا ذلك الفتى الذي أصبح مدخناً. ما أردته ليس التجريح بالمدخن ، فهو يعلم بأنها صفة سيئة ، لكن أحببت أن ألفت نظر غير المدخنين إلى بعض العوامل التي تؤدي إلى الإنسان للتدخين!! وإيصال فكرة غابت أن أهلينا سابقاً علكم تعملون بها إن رزقكم الله بالأولاد. فأنا ذلك المراهق الذي كان يفاخر بالسجائر علانيةً بالطرقات ويستحي أمامكم أن يقول أنه مدخن!! أتمنى بعد ردي هذا أن تكون الفكرة قد وصلت للجميع.

أفا يا مواصل

تدخن؟؟؟؟؟ معقولة؟؟؟ << قسم

ما توقعتك كذا


الحمد لله على سلامتك يالغالي .. ويا شيخ دخن على كيفك ولو حتى تدخن حشيش أهم شي لا تغيب عنا


انتظرني شوي لي عودة ورده

قفلة :

أحبك يا مواصل