لايوجد عذر بعد اليوم يا جماهير الهلال <> تفضل عطني رأيك<>
 

السلام عليكم ورحمة الله وبركاته

اخواني اعتقد انه ولا زمن الاعذار في عدم الحضور الى ملعب الملز لحضور مباريات الهلال وكانت الاعذار .

1/المقاعد ماهيه مريحه تتعب . (صبة)

2/ مانقدر ندخل سجاده نجلس عليها .

ملاحظه / ماعليش في هاذي انا من الناس الي يحضرون للملعب ومعهم سجاده ولكن في ناس يجيب معه زوليه فكيف تبغاه يدخل .

ياشباب حضرت مباراة الرائد شاهدت كرسي مثبت في المدرجات وهو نوع الكرسي الي راح يملي المدرجات ان شاء الله

وهو افضل من كراسي استاد الملك فهد بحكم انه وسيع ومريح ويوجد به فتحات ( لتهويه ) :d وهو مثبت على الصبه بدون قاعده .

يشباب اعتقد ان بعد هذا الكلام ماراح يكون هناك اي عذر في عدم الحضور للملعب .

واعتقد ان قيمت التذكره ماراح تكون عذر ان شاء الله لان اذا كانت 20 ريال راح تفصل بينك وبين متعة المشاهد فهذ شي راجعلك .

اشكركم على قراءة موضوعي واتمنى اني ماطولت عليكم في الكلام .

تقبلو تحياتي اخوكم / ناني الزهراني s60s


ملاحظة / كان هناك كرسي واحد مثبت في المدرج الاول مقابل المنصه في النتصف وبعدين ااتوقع الي شاف الكرسي من 40 الى 50 شخص . والله على ماقول شهيد .

باذن الله هذا الموسم جماهير الزعيم غيييييييييييييير



واشكرك اخوي على حرصك

ياخوي حضرنا المباراة ولا شفنا شي

أتمنى أن يكون كلامك صحيح

انا حضرت المباراة وما شفنا شئ
يارب يكون كلامك صحيح

والله انا حاضر المباراة
وماشفت شي
مغير(...) من كثر الجلوس

اما انا لو يحطون كرسي دوار لاني في الحفر ما عندي سياره وانا طالب ثانوي

ياشباب مثبتين كرسي واحد في المدرج الاول في النصف . وبعدين الي شافو الكرسي تفريبا 40 الى 60 شخص لان الكرسي كان جالس عليه واحد .

اتوقع انه بعد مباراة الرائد مايحتاج لمثل هالمواضيع

الجماهير ماقصرت على الاقل عطوهم حقهم بالمديح

جماهير الزعيم ماراح تغيب السنه هي عن لقائات الزعيم

جماهير الزعيم هذا الموسم رايحه تلجم كل من قلل في جماهيرية هذا الكيان العريق
[COLOR="Red"]بالـــــــــدم [/COLOR[COLOR="Lime"]]والــــــــروح [/COLOR]نفـــــديك يازعيييييييييييييييم

إن شاء الله

الحمهووور

واعي وبيحضر

اخوك آسر آسيا

هذا اكبر همك فتحات تهويه:d

ماقول الا الله يعز الحكومة