|
إقتباس:
ثانيا انا احسده فقط لانه يجي ويكون على مدير وانا ابن البلد وللأسف لو كان شخص فاهم او عنده خبره كان ممكن اتقبل هالشي لكن هالشي مو موجود فيه بالعكس هو جاي بيجمع فلوس وبيرجع بلده لايهم من وين وكيف جابها المهم عنده الماده ولا البلد بالف داهيه بينما الشاب السعودي بالعكس ومع ذلك الاجنبي يفضلونه على السعودي. ثالث شي تقولي اشتغل ليل نهار ياستاذي الكريم ماخلقنا فقط للشغل والواحد عنده عائلة وبيت واهل. بعدين اخوي انت تلوم الشباب والشباب مو ناقص والله يشوف البلد دخلها بالاف المليارات وهو قاعد ابسط حقوقه ما اخذها الي هي وظيفه او شغله تعيشه عيشه كريمه ماقول وظيفة برنامج تدريبي يأهله لسوق العمل قرض يبدا فيه مشروع لاتحطون اللوم فقط على الشباب صدقني الشاب لو دخل في شغله ولقى فيها رزق ماراح ينام ويقعد بالبيت بس يحتاج فرصه. لاتجيب لي كلام المسؤلين الي تحسس الشباب السعودي انه هو الغلط وانه اللوم عليه فقط لحد ماصدقنا كذبتهم وصرنا نرددها انه العيب فينا وانه احنا ناس مو حقين شغل بس نبغى راتب ومكتب هذا كلام ناس مو لاقية حل للبطالة والفقر او مو قادرة تطبق قررات لانه مو بيدها فحطوها فينا ودايم الشعب غلط والحكومة هي الصح. واسف اخوي طلعنا برى الموضوع وشكرا |
من غير ماارد رد ( عاطفي ) ولاأحد يعتبر ان ردي مجاملة لكن أقولها وانا صادق .. اليمني والفلسطيني وجميع الجنسيات العربية مرحب بهم في المملكة ... والسعوديه بلدهم وأراضيها وقلوب مواطنيها قادرة على أحتواء الجميع بكل حب لكن الجنسيه .. والاحقية في التعامل هذه إجراءات لحفظ حق المواطن .. والمقيم أيضاً لايمكن إعطاء الجنسية لشخص اجاد فن الإنشاء وانتقاء أجمل كلمات الوفاء واستطاع بتعبيرة أن يسرد أجمل الكلمات عن السعوديه أو غيرها لمجرد انه يحب هذه البلد .. نحسن الظن بالجميع وبأن العرب والمسلمين جميعاص يحبون هذه البلاد .. فلن تستطيع البلاد إعطاء الجنسية لجميع الشعوب الإسلامية .. لاننسى موقع السعوديه بالنسبة للدول الإسلامية ومكانتها أخي صاحب الموضوع .. المجتمع السعودي لايرفض أي محب .. لكن النظام يجري على الجميع .. السعودي وغيرة فقط اتمنى من صاحبك أن لايتحسس كثيراً في مثل هذه المواضيع .. والله يديم المحبة في كل الشعوب العربية والإسلامية .. رغم ان شعورة لايعطيه احقية في الجنسية إلا انه شعور يسعدنا ويشرفنا أخوك الصغير ابو طلال |
وعليكم السلام ورحمه الله وبركاته اهلا بك اخوي العاصفه واهلا بصاحبك صحيح مشكله التجنيس ومعامله المقيم مقارنه بالشخص الذي نشا بالبلد متشابهه بالاجازه الصيفيه ركبنا مع تاكسي للمطار من مكه الى جده وكان صاحب التاكسي او الكاميري شاب بنهايه العشرينات اتوقع يسمونهم بقايا حجاج تكلم عن معاناتهـ وصعوبه حصوله ع الجنسيه السعوديهـ وكيف صعوبه المعيشه هنا لان حتى المستشفيات ماتقبلهم الا الاهليهـ بصراحه كانت رحله من المعاناه مع ذاك الشاب وتكلم ان طلب منهم يجيبون جنسيه من بلد اسلامي وكيف ان معاملتهم من سنين وللحين مانتهت مشكله حنا كـ شعب مابيدنا شي السعودي وهو السعودي بعضهم الا من رحم ربي في حال يرثى لها السعودي ينتظر موعده بالمستشفيات الحكوميه 6 شهور وفوق ولو سمح بالمقيمين بالبلد بالمستشفيات اتوقع سنتين ع ماتحصل موعد:surprised: كل بيت سعودي فيه عاطل عن العمل ان ماكان اكثر السعودي منهم الي عايش بين جدارين وسقف المنيوم وماتوقع هالتعامل فقط من السعوديه اي دوله تعامل المقيم غير ابن البلد:) والله الواحد ماوده يتعمق بهالمسائل ولكن تاكدوا انكم منا وفينا ويكفي نشأتكم بينا ومحبتكم لنا :) كل الشكر لك اخوي العاصفه ع نقل المعاناه الهنووف كانت هنا ورحلت |
كلكم عينين في راس والسعوديه طول عمرها أرض للجميع وبلد للخير لكل الناس تحياتي لكم |
هلا بأخوي الفلسطيني نواف هل تعتقد أني جرحتك أو تعمدت ذلك ؟ أنا لا أعتقد بل وأجزم على ما أقول لا ليشيء بل لأن السعودية علمتني هكذا إقتباس:
هذا نص لما قلت ,,, إقتباس:
إني أعلم وأعي تماما ما تقول لكن ... صحيح أنت حرمت من بلدك الأم ولكنك عوضت بأمٍ خيرٍ منها ومع ذلك كم أنت مشتاق إلى فلسطين ... ولا ملامة في ذلك أما عن صديقي فهو وأبوه لا يعرفان سوى السعودية هما لو عادا لليمن سيعيشون عيشة الملوك أتعلم لماذا ؟؟؟ لأنهم من أصحاب الكاش طبعا أخي أنا عندما وضعت هذا الموضوع للطرح وضعته لأني وجدته يستحق ذلك أشكر لك مرورك ,,, |
إقتباس:
والله أحس إنك المحامية مالتي :d:d دلوعة كفو ,,, سلمت الأنامل التي نقشت على الكيبورد :d |
إقتباس:
طبعا وهذا مافيه شك مين هم العينين ؟؟:d:upset::d تشكرااااااات ,,, |
إقتباس:
والله يا خوي شكلك قريت الموضوع عالسريع أو يمكن ما كملته :yes::naughty: هذا ماقلته نصاً إقتباس:
إذا كيف تم الإستنتاج على أنه صاحب القصة هو أنا :upset:s60s سأكتفي بدعواك لي بأن تتحسن أوضاعي وأقول ... آمين للجميع إن شاء الله |
فيه سعوديين وسعوديات ماقدروا يدخلون جامعات مع ان نسبهم فوق 90 وواسطات من هنا ومن هنا ويالله ينقبلون سعوديين يشحذون الدراسة والظائف الله يوفق صديقك وان شاء الله يروح يدرس برا في جامعات ازين من جامعاتنا الا عندي سؤال ممكن احد يحصل على الجنسية بالواسطه؟ |
الآن جاء موعد نومي :disgust: سيتم الرد على البقية من الدوام إن شاء الله الله يتعبها من قومة الدوام s60s:d |
سجل عندك :: < - نفر سعودي طفران ، ويمكن لو مو انا الراجحي يفلس :d من كثر قروضي .. ياخي الكريم بالنسبة لأوضاع التجنيس معقده بدرجة كبيره جدا بجميع الدول العربية .. خلها على ربك ، ودام الصحه زينه كل شي يهون وانا اخوك .. وابد(ن) زينها مع ربك تزين .. ادري يالعاصفة البحرية انه مو انت بس الله لا يهينك وصله الحتسي :d |
وأخيرا كان لكَ بعضًا مما أردتَ من تفاعلٍ تستحقه . وكأني بكَ تأخذ مكانك الملائم بيننا رويدًا رويدًا . كي أشارك إخواني وأخواتي في الرد على موضوعك فإني لا بدّ أن أتطرق لأبعادٍ عدّة .. البعدُ الأول في أنّ هذا الحلم الذي يطير بنا إلى حلم أكبر تجسده مواطنة العربي في أي قطرٍ عربيّ . وإلى أنّ آلية التجنيس تحتاج إلى مايبث فيها الروح .. لا أقصد أنها ميتة .. إطلاقا . إنما روحُ لم تحتضنها البنود الحالية . وإلا فهناك آلية تتيح لمن يخدم الوطن ومن برع في مجالات معينة أن يتحصل على الجنسية وله كامل الحق في ذلك . وعلى الطرف الآخر ... صوتٌ بداخلنا يتنامى كجبل .. يسائل عن حقوق يبحث عنها أصحابها .. لانجحد نعيمًا .. لكن أيامنا حبلى بحقوق ضائعة . |
إقتباس:
أخي رعاك الله... هل تعلم أن من شروط هذه الآلية..... الحصول على شهادة الدكتوراه:surprised: في الطب أو الهندسة؟!!!!!!!!!!!!! |
إقتباس:
تحية طيبة أيتها البرنسيسة صحيح ماذكرتي بخصوصوص المدار س لكن هناك مَن هم مِن المفترض أن يعاملوا في بعض الأمور كمعاملة السعوديين لا سيما وأنهم وآباءهم من مواليد السعودية هم لم يطلبوا التجنيس كما قال البعض وأنا لم أقل ذلك ,,, لكِ كل الشكر |
مابينن تفرقه يجمع كلمة التوحيد صحيح انك ولدت بالسعوديه لكن لك دوله ابنائها الذين حاربو من اجلها ليعيشو ابنائها فيها ان انصحك ان ترفع هامت بلادك وتعزه وان تفتخر ببلدك الام ونحن فرحون لمحبتك بلدك الثاني السعوديه تمنياتي لك بدوام التوفيق |
| الوقت المعتمد في المنتدى بتوقيت جرينتش +3.
الوقت الان » 05:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd