|
ياباني ولا امريكي .. وش تنصحوني يا اخوان ؟ مساكم ورد .. بغيت استشيركم لأني نويت بهالفترة اطق لي موتر .. فـ أبي نصايحكم علماً بـ أن المواتر اللي ببالي .. أول شيء كامري وبعدها فكتوريا وبعدها اكورد .. وفيه سؤال عن الاوريون هل هي من فئة الكامري ؟؟ وهل فيه منها عايدي إن كانت من فئة الكامري ؟؟ لأني بالياباني ما ارتاح للاوتو :) بالنسبة للكامري 2008 يقولون عليها مشكله بالدرايش على ما اظن انك تسمع وشوشه اذا اسرعت ؟ هل 2009 مثلها ولا ؟ حدودي 70 ألف إضافة للي يجيبه موتري اللي معاي إذا بعته :d موتري اللي معاي كامري GLX , فتحة وجنوط ماشي 400 الف وحالتها جيّدهـ تقريبا .. وش تجيب لو بنزلها معارض .. وهل تنصحون معارض ولا مكرفون ؟؟ تراي داج بالمواتر فقلت استشيركم وبالتأكيد بلقى اللي بيفيدني منكم :) شكراً مقدماً :smilie47: |
والله انصحك ياخوي بالامريكي .... |
نصيحة: من واحد له تجاااارب فالمواتر غير التويوتا لا تشتري. |
انصحك بالتويوتا أو الاكورد او تصبر وتشتري ماكسيما الجديده لانها روعه . |
غير التويوتا لا تشتري.أو الاكورد |
نصيحه غير الياباني لا تشتري اسال مجرب جنني الامريكي والله فلسني من التصليح ولا اي مكان تخش فيه اما الياباني يالبيه ياشيخ خش ولا تخاف نصيحه غير الياباني وبالاصح تويوتا لا تاخذ |
ياباني وانت مغمض,, اسأل مجرب |
اذا أمريكي شيفروليه ( لومينا روووووووووووعه تو شاريها 2008 ) اذا ياباني ( أفالون ) أو أقل شوي ميتسوبيشي لانسر 2008 روووووعه .. الياباني ( تحمل - قطع غيار بكل مكان - ندرة الأخطاء التصنيعية والخرابات ) الأمريكي ( رااحة - فخامة - رساوة ممتازة ) تحياتي تحياتي |
اوف كاريكو هنا :stoned::smilie47: شف يا غالي :smilie47: انا ما افضل الكامري لان الواحد طفشها باي مكان تمشي فيه بالراحه تلقى حولك اربعه خمسه كامري :d:smilie47: اذا انت مفضل التويوتا ... خذ اوريون يعني اقوى وافخم من الكامري + تحس شوي بالتميز :yes: الاكورد طبعا احلى من الكامري والاوريون لكن قطع غيار الهوندا اغلى :stoned: الفورد معروف عملي جدا وقطع غياره بكل مكان ومرغوب عند البيع ... لكن شكله من عشر سنين ما تغير :nono: ما تحس بفرق انك راكب 2008 والا 98 :upset: الامريكي عادة افضله لانه دائما تكون مكينته قويه + يتحمل ... اوكي قطع غياره غاليه لكن لو ركبت قطعه معينه تتحمل معك اكثر من غيرها :yes: اقصد القطع الاستهلاكيه بالذات زي الفرامل والبواجي وهالامور s60s ما رح اقولك مميزات اللومينا يا حبي لها :stoned::smilie47: لكن من ضمن الخيارات اللي انت طرحتها اقولك خذ لك اكورد فل وتوكل على الله :smilie47: يعني معك 70 ... سيارتك لو تجيب لك من 20 - 24 تجيب اكورد فل s60s والحلو ان الاكورد شكل جديد يعني بتضمن لك 3 سنين ما تتغير :stoned: اتمنى اني افدتك يا صديقي العزيز :d:smilie47: |
الياباني ازيلك :::::::::::::::::::::::::::: |
يارجال خذ لك كامري حقت كرف وتلقى قطع غيارها في البقالة الامريكي لاتقربه الفورد من عام الفيل ماتغير شكله الاكورد ... واحد من الشباب سوى حادث وراح الوكالة طلب القطع الغيار تم تجميعها بعد اكثر من شهر .. قطع غيار الهوندا غير متوفرة واذا انخرب عليك شي الله يعينك على اللموزين |
جميع اللي ردوا حصلت منهم الفائدة .. بالذات اللي تعمقوا .. شكراً للجميع .. بالذات الدحمي 11 :D .. والاخ بلو هارت .. أعتقد إني حالياً بين كامري واوريون .. ردود الشباب تقول كذا بالذات إن ماحد تكلم عن عيوب الكامري والاوريون .. لقلة هالعيوب s60s الدحمي انا ما همني لو الرياض كلها مثل موتري .. انا يهمني موتر قوي ما ياكلني ويبهذلني ويعطلني بقطع غيار وورش وخرابات .. ولا همني بعد كشخة وترسيم .. بـ هوندا ولا فكتوريا .. لأني ما اشوف انها كشخة اصلا ولا فيه موتر بهالقيمه يُعتبر كشخه :D الفكتوريا كنت يمها بس والله انكم صادقين 10 سنوات ما تغيرت ! شكرا لكم كلكم .. |
والله لو تبي نصيحتي الأمريكي لاتقربه والفورد بالذات ياخي انت شباب وراعي روحات وجيات فالأمريكي خراباته واجد والفورد 8 سلندر انا معك انه راحه وحلوة لكن وش تبي بالراحه إذا هو بياكلك بنزين وخراباته أكثر من خرابات الياباني شف ابعطيك مثال .. شف الهايلوكس والله لو تفجر وتكسر وتخرب وتسوي وتبدل ماراح تلقى موتر مثله من الناحيه هذي وتويتا طباً انا ماقلت هالكلام ابي انصحك انك تشتري هايلوكس بس انا اعطيك مثال يعني .. الأوريون انا صراحه دخلت مزاجي وخاصة الفل كامل منها ولو الصراحه هي كامري ولا اوريون اباخذ اوريون .. وعلى قولتهم التويوتا بمخباتك :) لكن ماقول إلا الله يعطيك خيرها ويكفيك شرها والله يوفقك يارب |
الـسـلام عـلـيـكـم كـامـري :D , الـكـامـري مـات الـي تـشـوفـه هـذا صـار اسـتـرالـي ، يـعـنـي يـا كـاريـك يـا طـويـل الـعـمـر تـطـلـع الـمـوتـر مـن الـوكـالـة بـعـد ٦ شـهـور تـجـيـه ، الـزيـت يـخـر ، الـديـكـور تـفـكـفـك . . الـي يـقـارن فـكـتـوريـا بـ الـكـامـري يـسـمـحـلـي اقـولـه غـلـطـان ، اركـب الـفـكـتـوريـا مـن داخـل واركـب الـكـامـري مـن داخـل حـتـي مـن بـرى حـطـهـم جـنـب بـعـض فـرق الـسـمـا عـن الارض . . الـراحـة ، الـعـزم ، الـشـكـل ، كـلـهـا يـتـفـوق فـيـهـا الـفـورد بـالـنـسـبـة ان الـشـكـل مـايـتـغـيـر هـذا الـي مـحـلـي الـفـكـتـوريـا انـهـا مـاتـزال تـحـتـفـظ بـطـابـعـهـا الـكـلاسـيـكـي :) . http://www.classicsedan.com/includes...toriaindex.jpg اجـل كـامـري :D |
^^^ اكيد مافه شك من ناحيه الشكل مافيه مقارنه بين الكامري والفورد .. الفورد غير طبعاً لكن انا صراحه عن نفسي إذا خيروني بين الفورد والكامري طبعاً من ناحيه الشكل اباخذ الفورد طبعا على طول .. لكن لو هي على التحمل وانها تصبر معك وشبابيه أكثر تعرف نادر الشباب يحافظ على موتره وغير كذا انت شباب غالباًُ ماتكون راعي روحات وجيات فالله يعينك على بنزين الفورد 8 سلندر على حسب انت ووضعك المادي .. لكن انا عن نفسي لو خيروني بين الفورد والأوريون .. طبعاً اباخذ الأوريون لايصير كل همك الشكل طبعاً الأوريون ( تويوتا ) وخرابتها نادره جداً وتصبر معك لين تعض الأرض !! انت طبعاً لاتاخذها على الشكل ناظر قدام وش بيصير خرابات طبعاً انت ماتبيها والبنزين صرفيته وش تبي تكون عليك مادامك شباب وفر ياخي والتحمل بعد التويوتا نادر من يشتكي منه وغير كذا ياخي البنزين هو الي يعوق كثير والله لكن ارجع واقولك لو تبي على الشكل ولا يهمك البنزين والخرابات أختار الفورد وبالراحه إقتباس:
لا صراحه أعرف كذا واحد الكامري الجديده معهم زي العسل ولا خرابات ولا شي :) |
| الوقت المعتمد في المنتدى بتوقيت جرينتش +3.
الوقت الان » 12:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd