مسلسلات رمضان .. +18 - صفحة رقم 2 - نادي الهلال السعودي - شبكة الزعيم

دبــل كيــك · #16 19/09/2008, 04:11 PM

وعلـيـكـم الـسلااام ورحـمـة الـلـه وبـركـااتـه ..

الـحـل فـي الـبـديـل عـن تـلـك الـمـسـلـسـلااات .. أنـاا صـرااحـة قـلـيـل الـمـتـاابـعـة .. مـن بـعـد الـزيـر سـاالـم مـعـد فـيـه مـسـلـسـل

ومـن بـعـده الـمـتـنـبـي ..

ولـكـن الأطـفـاال لـهـم بـراامـج الأطـفـاال .. خـطـأ يـتـاابـعـوون مـثـل هـذه الـمسـلسـلااات .. فالأسـئـلـة الـتـي يـسـألـهـاا الـطـفـل ولاا يـجـد لـهـاا اجـاابـة مـقـنـعـة .. مـن هـنـاا تـبـدأ الـمـشـااكـل ..

شـكـراً لـك .. تـقـبـل مـنـي فـاائـق الـود والاحـتـراام ..

أخـووك // دبــل كيــك ..

Hictar · #17 19/09/2008, 05:22 PM

بالبداية شدني بموضوعك حرف الجيم

شلونج ، شخبارج
أمبيـــــــــــــــــــــــــه ، إمبلا

شحقـــــه ، ونــــــــاسه
8
8
8
الكلمات هذي مشفرة ( البعض راح يفهمها )

أبوك والله إذا سمعتها من كويتيه أدوخ

نعود :
الحمد لله السنه هذي مطلق المسلسلات بالثلاث ، وما أتابع إلا مسلسل ( أبوجعفر المنصور )
حتى مسلسل باب الحاره ما شفت إلا الحلقة الأولى بس ، بصراحة باب الحارة بدون ( جميله ) ما يسوى شئ

جدولي بالتلفزيون الساعه 5 العصر ( برنامج بيني وبينكم ) للدكتور محمد العوضي.
الساعه 10:30 برنامج الحوار الصريح بعد التراويح على المستقلة
الساعة 1 صباحاً : مسلسل أبوجعفر المنصور

أول سنه أحس بطعم رمضان والله بدون سخافات ، وخصوصا سخافات السعوديين ( السدحان والقصبي )

dal3_uae · #18 19/09/2008, 06:09 PM

إقتباس


	بالبداية شدني بموضوعك حرف الجيم شلونج ، شخبارج أمبيـــــــــــــــــــــــــه ، إمبلا شحقـــــه ، ونــــــــاسه 8 8 8 الكلمات هذي مشفرة ( البعض راح يفهمها ) أبوك والله إذا سمعتها من كويتيه أدوخ

مواصل ...

لايك ... اشحالج شخبارج ... عساج ...
اشيابج ... وينج

... فريجج ... نعالج وانته بكرامه ... كندورتج ...سفرتج
ثيابج...
>>>>>>>>>>> هذا اذا كنت تتكلم عن وحده ...او اذا شي يخص وحده ثانية ...

أما اذا شي يخصني ...>>>>
شيلتيه ... كندورتيه ... عباتيه ... امايه ... ساعتيه ...
اختيه ... اخوية ... يدتيه ... خالتيه ... بشكارتيه ...
ريليه >>> لا امزح

لابتوبيه ... دفترية ... كتابية ...
آاااااااااااااخ على هل الكلمة ... وردتيه ورده>>>>>> سالفتها سالفه هالكلمة
اي كلمة لكن ضيف عليها آخر شي + ــــيــــــه

::
نحن ما انقول امبيه ... نحن انقول أبيـــــــــه
اشحقه ما نقول ... انقول اشعنه ... يعني ليه

لهجتنا ولهجة الاخوان الكويتيين نفس الشي ...
لكن السعودية ... غير ليش ما ادريه ..

اشحالـــــــــــــــــــــك >>>>> حتى لو كانت بنت وله ولد ...
المفروض انه
الكاف للمذكر
والجيم للمؤنث
>>>>> شراتنا يعني

بس حلوووو ... استانس يوم ارمس سعودية

اعذرني ع المداخله الثانية يا كاكا ... اقصد كان هنا ...
اموووووووووون صح ؟؟؟

Hictar · #19 19/09/2008, 06:55 PM

إقتباس

الرسالة الأصلية كتبت بواسطة dal3_uae


	اشحالـــــــــــــــــــــك >>>>> حتى لو كانت بنت وله ولد ... بس حلوووو ... استانس يوم ارمس سعودية

الله يسلمك يا دلع إنتي تشوفين حرف الكاف بالمنتدى بين السعوديين
بالمنتدى علشان تكون ( لهجه موحده ) يفهمها الجميع
الكاف للمذكر والتاء والسين للمؤنث بنجد
والشرقية لهم لهجه قريبه للكويت
والشمال لهم لهجه تخصهم
والغربية لهم لهجه تخصهم والجنوب لهم لهجه تخصهم
وبنجد لحالها تختلف اللهجات
الرياض لهم لهجه وسدير لهم لهجه والقصيم لهم لهجه والحوطه لهم لهجه
وأهل ( الحلوه ) بنجد لهم لهجه خاصه ( صعب تنفهم )

فأنتي الله يحفظتس تشوفين لهم لهجه موحده بالنت تكون موحده علشان نفهم بعض

ما أدري أحس إني أوصف ( الهند ) ما أوصف السعوديه

------------------
أعود لأصل الموضوع :
تذكرت بمسلسل ( عيال قريه ) إني شفت الشيخ ( المملك )
يكلم الممثل ( الحبيب ) وينصحه إنه ما يطلق ، لأنه ما بقى له إلا طلقه وحده بس وتحرم عليه ( اللي هي الطلقة الثالثه )
من كلام الشيخ ( حفظه الله ) قال خطأ رهيب ( إنتبه لا تطلق زوجتك ، وما بقى لك إلا طلقة وحده وتحرم عليك وما يجوز إنك ترجعها إلا بمحلل )

يعني المحلل حلال

القيصر رهيب · #20 19/09/2008, 07:11 PM

شفت يا عبدالرحمن الردود .. !

شفت كيف العالم يقتدون فيني .. ؟

أحيــــه لو تخلص نص شغلي بس

عبدالرحمن اعذرني على مروري الثاني ورده

ويلكم باكـ مواصل منور الحته كلها

كان هنا · #21 19/09/2008, 07:15 PM

ايه ايه خربوا الموضوع خربوه ..
لابوكم لابو من يكتب لكم موضوع << جاب العيد :$

..
/
يعطـيكم العـافية جميعاً ؛ تواجـدكم شـرف لي ويـزيد من همتي

..
بـإذن الله لـي عـودة مع جميع الـردود ان الله أراد

..

Hictar · #22 19/09/2008, 07:20 PM

إقتباس

الرسالة الأصلية كتبت بواسطة القيصر رهيب


	ويلكم باكـ مواصل منور الحته كلها

يسلموا يا بعدهم

إقتباس

الرسالة الأصلية كتبت بواسطة كان هنا


	ايه ايه خربوا الموضوع خربوه .. لابوكم لابو من يكتب لكم موضوع << جاب العيد :$ ..

شف وأنا خالك أنا في صلب الموضوع
صحيح إني أشطح شوي ، بس إني أرجع للموضوع
وبصراحه أنا من أمس رايــــــــــــــــــق وجوي عسل

فأتمنى إن ما أحد يدقق علي حاليا

هلالي ... دوم · #23 19/09/2008, 07:35 PM

الله يكفينا شر هالقنوات وملاكها

يا زينك يا المجد وبس

كان هنا · #24 19/09/2008, 07:37 PM

عـودة مع ردودكم الفاتحة للنفس ^_^ ..
أقـول وبالله التـوفيق

كل الفن هلالي
أهـلا وسهلا فـارس

المـصيبة يا عـزيزي أن الإعـلام هو واجهـة رئيسـية لللبـلد ؛ وعندمـا تكون هذه الجهـة الإعلامية من أقوى الجهات وتصـور مجتمعك بهـذه الصـورة الدنيئـة فهنا تكمن المصـيبة العظمى !
الأمـر أحياناً يتعـدى مسألة الأطفـال والتـربية ليصـل إلى سمعة بلد بأكمله .
أسأل الله أن يكفينا شر كل من به شـر .
فـارس .. حيـاك الله وبيّـاك .. زدت من بريق المـوضوع

/

الحربي2004
مرحـباً بـك أخـي الكريم

دور أوليـاء الأمـور في غـاية من الأهمـية ؛ وللأسـف الكثـير "يخلّف وينسى" ؛ يعتـقد أن مـثل هذه العبـارات تمـر مرور الكرام لدى الطفل في حيـن أنه من المستحـيل أن تغـادر هذه الكلمـات عقـله ؛ وسيـظل يرددها أينما كان !
أسـأل الله الهـداية للجميع .
شكـراً لتواجدك ؛ سعيد جداً بـردك

\

جرح يشكي
مرحباً وسهلاً "محمـد"

..
أسـال الله لك الثبـات ؛ وبانتـظار عـودتك ؛؛

/

القيصر رهيب
حيـاك الله "عـلي"

..
عسا الله يثبـتك ؛ ولتحمـدمولاك الـذي أنعم علـيك بالابتعـاد عن هذه التراهات .
شكراً لتواجدك ؛ سعدت بتعقيبك .

\

السمسار الهلالــي
أهلاً بخـفيف الظل ^_^ .
صـدقت ؛ المسـلسلات الكـويتية كان معروف سيناريوها وبدايتها ونهايتها ؛ ومتابعها كان يستغلها لـ "تقضـية الوقت" .
لكـن للأسف ؛ الظـاهر أنهم "فسقـوا" واغتـروا بصتنيفهم من أفضـل منتجين وممثلين الدراما في العالم العربي

..
شكراً لتواجـدك ؛

/

al(20)qnas
أهلاً وسهلاً "أحمـد" ..
قمـة الانحطـاط ؛ فـي شهـر الخـير تجـد من يبث سمومـه أمام الجميع في أفضـل الأوقـات وأخيرها .
أسأل الله أن يكفينا شر كل من به شر ..
سعـيد جداً بتواجدك

\

@هلالـــ جهني ـــي@
صـدقت ؛ بـاب الحـارة أفضـل السيـئين ؛ أقـلها أنها تـربي أطفـالنا علـى الشهـامة والغيرة .
مرحباً بــك ؛؛

/

إلـى هنا أكـون قـد استهلكت جزءاً من اللياقة

..
كنـت أتمنـى أن أعقب على عــدد أكبر من الردود ؛ لكـن بإذن الله لي عـودة مع الجميع بعـد أداء صلاة العشـاء والتراويح إن أراد الله ذلك ..

شكراً للجميع

leo messi · #25 19/09/2008, 08:01 PM

هلا والله اخوي كان هنا ..!!

شف انا ماتابعت الا عيال قريه ومناحي وخويه << سجع

والله تهريج x تهريج .. تحس انهم افلسوا بجد ..!! فبدوا يلعبون
على وتر ( الممنوع مرغوب )

..!!

لكن هالشيء وصل لمرحله انحطاط بشكل مايتوقع ابد ابد ..!!
كلنا شاف ( فايز المالكي ) يوم يتفرج على المزاين على قولته

اللي هي القنوات الاباحيه .. يوم تجيه حرمته ..!! الدبه هذيك
قالها انتي مايصلح تشوفين هالاشياء ( بتروحين فيها ولاحد يقدر عليك )
والا حقتك النفخ وغيرها ...!!

المشكله ماتدري على من تعتب .. لا قناة فها خير ولا ممثلين فيهم خير
والا ماوصلت لهدرجه .. وكأن المجتمع مافيه الا الدلوخ والبخلاء والحراميه
وزادوها على الانحطاط بالالفاظ اللي يقولونه ..!!

( سلام الله على غليص ولد رمااااح

)

الله يعطيك العافيه ياغالي ع الموضوع ..!!

جرح يشكي · #26 19/09/2008, 08:23 PM

هلا عبدالرحمن ][

][

اسمح لي ارجع مره ثانيه في رد منفصل عن الاول ..

في مشهد من مشاهد بيني وبينك يدخل مناحي على خيمة شايب الديمن وهو يتابع الدش ..قال مناحي : ايه اذا رقد ولدك حطيت على قنوات ضرب ضرب ضرب ..!!!

اكيد ان فايز سوق لـ مثل هذه القنوات ..!!!

المسلسلات البدويه ..!!

لو اتيحت لهم الفرصه لـ عملوا مسلسلات لـ مشاهير ذاك الزمان ..!! فيها من التحريف الكثييير ، وحولوا بعض الشخصيات من (( شخص حبيييب يعني حق حريم وحب وخرابيط )) الى شيخ وبطل وشهم ووو ...!!

تركي بن حميد .. راكان ابن حثلين .. ابن رشيد .. سمعت ان قناة سعت لـ رصد حياة هؤلاء الشيوخ رحمهم الله في مسلسلات منفرده ..!!

المسلسلات الكويتيه .. تصور لنا المجتمع الكويتي انه منحل اخلاقياً ..!!
وان رجالهم ما هم الا ذئاب بشريه .. !! مغالطه فاضحه .. استغرب سكوت مواطني الكويت على هذه المسلسلات ..!!

ما اقول الا الله يخلي لنا معتز (( شهم هـ الولد

))

عبدالرحمن اعتذر لك مره اخرى

مواصل بيك .. ليو ميسي // ولكم بااااااااااااااااك

بـنـ**الزعيم**ــت · #27 20/09/2008, 04:40 AM

هلا والله اخوي كان هنا
موضوع جميل وطرح في وقته
مسلسلات يطلق عليها خليجيه وهي لاتمثل الخيلج ولا عاادااات الخليج
قبل كنت ارفض ان اخواني الصغار يشوفون الافلام الاجنبيه بس
لكن الحين بعد بمنعهم من المسلسلات
الصراااحه اخجل من اني اطاالع هالمسلسلات عند ابوي واخوااني
مااحترموا انفسهم وحنا برمضاان اجل وش لوون بغيره
القـــــــــــهــــــــــر لاقاالوا خليجيات ياناااس وين خليجيات وهم مااخذوا منهن غير اسمائهن
لا العاداات عااادااتنا ولا التقاليد تقاليدنا

الله يخلف علينا بس ويستر من اللي جااي
كل الشكر لك اخووي كان هنا على اختيارك الرائع للموضوع

Z ! Z OO · #28 20/09/2008, 06:05 AM

هـلآ وغـلآ ..بـ [ عبد الرحمن ]

الصراحة مسلسلاتنا الخليجية بدأت تنافس المسلسلات الأجنبية

وخطة الغرب في تدمير مجتمعنا نجحت وبشكل قوي

###

فعل الأب بالتجاهل وعدم المباله [ وكأنه يريد إفساد أبنائه ]

##

يعطيك العافية [ كان هنا ]

على موضوعك الجميل ورده

وترى دخلنا الموضوع وحنا أقل من +18

Z ! Z OO

SANDRA · #29 20/09/2008, 06:09 AM

إقتباس


	هل سيضطـر الجميع لمشاهدة المسلسلات منفرداً خجلاً ممن حوله ؟ أعتقـد ذلك هو الحل المناسب إن لم يستطع الفـرد الاستغناء عن تلك المسلسلات الفاضحة .

والله لا هم مضطررين ولا شي .. !

اساسا .. من شجع القنوات على عرض مثل هالمسلسلات !
اكيد متابعينها .. لو هم لاقين أحد يوقف ضدهم ويمنعهم .. كان شفت تغيير أكيد !
لكن العالم مبسطييين عليهم ..

وش زييين المسلسلات الخليجيه من أول ..

بس كل مالهم يخربونها

يا أما تجيك مسلسلات تافهه زي " عيال قريه " << مدري وش يحسون فيهم السدحان والقصبي وهم يمثلونه !

ولا مسلسلات تروج لأفكار فاسدة .. وتصور المجتمعات الخليجية بشكل ثاني !

الحمدالله ربي ماعطاني حب أتابع مسلسلات .. في رمضان

حتى بيني وبينك شفت كم حلقة ولا عاد شفتها .. !

والله شي يقهر صراااحـة .. بس أتوقع كل واحد عقله براسه .. يميز بين الصالح والطالح .. ويقدر يمنع نفسه عن هالأشياء ! والباقي على مسؤليـة الأسر .. !

أنا عن نفسي ماتابعت إلا الهجير حق المجد ..

الله يعطيك العافيه .. صاحب الموضوع .. ورده

i am here · #30 20/09/2008, 06:52 AM

أهلا أخوي

في البدايه أنا ولله الحمد لا يوجد لدينا قنوات فضائية

سوى قنوات المجد بالإضافة للسعوديه

ثانيا حتى لو كانو هم يعرضو مسلسلات في رمضان

المفروض الإنسان تكون عزيمته قويه في مجاهدة النفس لترك هذه التفاهات والسخافات

ليزداد أجره

أنا طبعا كل المشاهد اللي ذكرتها مافهمت شي منها

بس من استيائك شكلها قليلة الأدب

الله يهديهم أو يفكنا من شرهم سواء ممثلين أو ملاك القنوات اللي تبث دي الحاجات

والله يهدينا ويثبتنا على الحق