ما امداني افتح جهازي الا اسمع الجوال يدق جيت بشوف مين لقيته رقم غريب
وتذكرت ان هالرقم امس متصل بنفس الوقت رديت وكعادتي الكريمه ارد ولا اتكلم

قالت باقي ابغى ايسكريم قلت لااااا الأيسكريم يعور بالحلق وحق الكبار توجهت لثلاجة الايسكريم
وشريت آيسكريمي المفضل (يوفو) "فيس مستحي يناظر رعبوبة "
طبعا شفت نظرات بنت اختي وتجاهلتها قالت انا ابغى قلت لا <~ قلت لكم شديده قالت ياسلام انتي تشترين وانا لا <
قلت خلاص خذي بس ترا اذا مرضتي مالي شغل

فجأه لقيت ابوي من بعيــــــــد وكان معه
امي واختي وانا ابغى الحق عليهم !
قلت يابنت مالك الا حل واحد اني اركض والله ما احد داري مين انا
شمّرت عبايتي أول شي استحيت اركض
مشيت سريع سريع وشوي هروله وبعدها ركض
المنطقه ماليااانه ناس وبعضهم يناظرون فيني
قلت والله ماعلي منهم أهم شي الحق على أهلي

وقفت أدعي لأن الدعاء يخرج لا شعورياً وانت واقف قدام الكعبه
دعيت دعيت دعيت بكل اللي بنفسي بعدها جلست قريت قران شوي

وبما ان الحمامات صارت تندخل بـ 5 ريال انا اطالب المنتدى الاستشاري
بـ ان يدفع اي عضو او عضوه 5 ريال على حسابي رقم ************** قبل الدخول لقراءة يومياتي أجل يوميات ببلاش ! <~